超可愛

以熊貓為主題的咖啡店

咖啡店就去得多，今日在朋友帶路下嚟到一間以熊貓為主題的咖啡店，內裏嘅佈置和擺設都好特別，還播着大自然嘅輕音樂，好舒服。

佈置和擺設都好特別

佈置和擺設都好特別

佈置和擺設都好特別

內裏除了有幾隻熊貓公仔外，還有竹葉、熊貓布幕等，連枱椅都是竹木製的，似來到竹林嘆咖啡。座位不多，以外賣為主，幸好今日有位，就坐下邊食邊談。 

飲品選擇更多

超大塊餐牌，有埋圖片

超大塊餐牌，有埋圖片

超大塊餐牌，有埋圖片，好吸晴。食品有多款飛碟三文治和熊貓雞蛋仔；飲品選擇更多，主要分咖啡系列和原葉茶系列。 

兩款杯子都好靚

柚子冰抹茶很夾！

熱金牡丹鴛鴦拿鐵茶香與咖啡香交織

嘩！兩款杯子都好靚，朋友要杯柚子冰抹茶($36)，分層嘅效果，美！冰涼透心，酸甜嘅柚子蜜配上微苦回甘嘅抹茶，很夾！熱金牡丹鴛鴦拿鐵 （$38）很獨特，真係唔易找到。金牡丹茶帶有獨特的花香和堅果香，茶香與咖啡香交織，入口帶有淡淡的花果甜感，特別！ 

吞拿魚粟米紫菜肉鬆飛碟加芝士脹卜卜

一啖咬落去，超豐富美味！

吞拿魚粟米紫菜肉鬆飛碟加芝士（$35+$5）脹卜卜，外烤得微脆，包身軟熟。內饀有黏滑嘅吞拿魚醬、爽口嘅粟米粒、鹹香嘅紫菜肉鬆和芝士，一啖咬落去，超豐富美味！ 

雞蛋仔系列

熊貓莓莓雞蛋仔賣相一流，超可愛

配埋忌廉、士多啤梨醬、雜莓更豐富美味！

原味充滿蛋香；朱古力味香濃甜美

熊貓莓莓雞蛋仔（$40）賣相一流，超可愛，得到我和朋友的歡心。熊貓型的雞蛋仔口感軟而Ｑ彈，濕潤綿密。有兩款口味，原味充滿蛋香；朱古力味加入朱古力粒，更香濃甜美。配埋香滑的鮮忌廉、酸酸甜甜嘅士多啤梨醬、新鮮藍莓和草莓，更豐富美味！

 

店名：熊貓咖啡

地址：銅鑼灣禮頓道106-126號禮信大廈地下5號舖

 

魚，最愛就是魚

拍拖周年紀念，老公知我最愛吃魚，就揀了這間專門食脆鯇魚火鍋店慶祝，高興！

門面開揚闊落

掛上一盞盞大燈籠，很吸晴

座位很多，好舒服

裝潢光鮮企理，門面開揚闊落，內裏掛上一盞盞大燈籠，牆上掛了字句和畫上圖案，全部都很吸晴，令我很想細看。座位很多，有卡座和大枱，大部分都是梳化座，好舒服。 

QRcode 下單

QRcode 下單

QRcode 下單

QRcode 下單，有鍋底、火鍋料、、一魚百味、生蠔、主食、涼菜和飲品等。 

水煮花生口感綿軟香鹹

枱上已放有一碗小菜 （$6），是水煮花生，口感綿軟香鹹。 

醬料勁多選擇

未開始之前，先去準備味碟（$18/位），醬料勁多選擇，令我眼花繚亂，但諗唔到點配都唔緊要，牆上掛了醬料秘籍，可參考參考。 

淘米香檸檬茶清新回甘，消滯開胃

先上兩杯淘米香檸檬茶 （$28/杯），很獨特！有淡淡嘅米香和檸檬嘅酸爽，清新回甘，消滯開胃。

豉汁蒸魚腩啖啖魚鮮

爽口肉嫩

先上一款熟食，豉汁蒸魚腩（$118）熱辣辣上枱，啖啖魚。蒸得岩岩好，爽口肉嫩，調味亦恰當，鹹香嘅豉汁沒有蓋過魚鮮，味道唔太鹹，好吃！

粥水鍋底注入飲用天然水和加入大米

用淘米水來火鍋

鍋底我地揀招牌嘅粥水鍋底（$68）。店員先注入飲用天然水和加入大米，滾一段時間就撈起所有米粒，我們便用淘米水來火鍋，質地滑潤，带有淡淡的谷物甜香，口感温和，真有新意！

魚片光澤亮麗

蝴蝶形，厚度適中

涮20秒

拿出手機計時

非常爽脆鮮味

點了一份魚片（$118），片片如蝴蝶形，厚度適中，刀功了得！每片都光澤亮麗，寫明是來自中山自家魚場的脆鯇魚，每日現撈現切，怪不得如此新鮮。涮20秒，老公拿出手機計時，真有要求。果然非常爽脆鮮味，口感和味道一流，優質！ 

娃娃菜新鮮清爽

娃娃菜 （$38）新鮮清爽，吸了米漿水，入口更滑嫩，帶有淡淡的米甜，特別！ 

鮮蝦福袋口感和味道都一流

包着彈牙嘅蝦仁和蟹籽漿

鮮蝦福袋 （$52）個個飽滿，金黃的腐皮包着彈牙嘅蝦仁和蟹籽漿，非常鮮味，口感和味道都一流，推介！

粥味道濃郁鮮味

最後輪到食粥啦！店員再將米注入鍋中，再加入配料煲一陣，食得！牆上註明選用五常大米，粒粒飽滿，粥底綿滑，用涮過魚片的水來煮粥，味道濃郁鮮味。

豆腐花免費領取

滑身，亦有豆香

甜品不能少，只要收藏或分享就可免費領取豆腐花($0)。豆腐花為平常一般的挺身，但很滑身，亦有豆香，加埋甜甜地嘅爆珠紅豆，好特別！

 

店名：淘米漁 · 米湯脆鯇魚火鍋

地址：將軍澳坑口重華路8號東港城1樓160號舖

靜靜地享受

感覺寬敞開揚

咖啡沖調區，裝潢好型格

坐得舒適

開放式的門口，感覺寬敞開揚。灰泥色的牆身，加埋店子正中的咖啡沖調區，裝潢好型格。有二至四人枱配梳沙座，坐得舒適。

選擇唔少

選擇唔少

選擇唔少

選擇唔少，有晚餐、all day breakfast 、肉類、意粉、意大利飯、小食、甜品、飲品等。晚餐配有頭盤、主菜和餐飲，可以優惠價追加小食，減$10升級飲品和追加甜品。我地點咗兩個sets及一份甜品。 

柚子沙律新鮮清爽

蕃茄甘筍餐湯酸香美味

餐湯及沙律都好fresh酸香美味

頭盤要了蕃茄甘筍餐湯及柚子沙律，兩款都好fresh。蕃茄甘筍餐湯($0/跟餐)好綿滑，酸香美味；柚子沙律($0/跟餐)新鮮清爽，加了新鮮的柚子肉，酸酸甜甜，好醒胃。 

香煎虎蝦鮮蝦濃汁手捲粉很鮮味！

手捲粉好有嚼勁

香煎虎蝦鮮蝦濃汁手捲粉（$128）好有嚼勁，沾上香濃嘅鮮蝦濃汁，很鮮味！虎蝦大大隻，肉質爽彈。 

慢煮加拿大豬架配燒菠蘿份量十足!

外層煎得香口，肉質紮實，唔嚡口

慢煮加拿大豬架配燒菠蘿（$168）份量十足!豬架外層煎得香口，肉質紮實，唔嚡口。配上香甜多汁嘅燒菠蘿和清新嘅沙律菜，平衡了豬架嘅油脂，配搭合宜。 

Orange Honey Latte加了些鮮香嘅橙皮

淋些蜜糖水，滋潤香甜

熱伯爵紅茶（$0/跟餐）味道濃郁，消滯解膩；Orange Honey Latte (-$10/跟餐）有清晰優美嘅拉花，入口香濃，加了些鮮香嘅橙皮和自己淋些蜜糖水，滋潤香甜。 

開心果提拉米蘇滿有開心果香

開心果碎香脆可口

開心果提拉米蘇 （-$10/跟餐）很吸引嘅賣相。開心果芝士忌廉又滑又香濃，內有濕潤嘅蛋糕，面頭舖了香脆可口嘅開心果碎，全個甜品都滿有開心果香，正！

 

店名：Coffee Art

地址：將軍澳寶琳運亨路1號新都城中心一期G樓G95-96, G113-114號舖