喜出望外

今日大家本來約去大澳遊，但呢個勞動節實在太多訪港旅客，真係驚難入難出，都係留喺屋企hea ，夜晚先一齊出去食返餐。

今晚去食印度菜

裝潢有特色

巨大印度熊仔，好有趣！

民族掛畫、吊燈

有人帶路，今晚去食印度菜。店子裝潢有特色，內有一些民族掛畫、吊燈，仲有一個巨大印度熊仔，好有趣！MENU分得好清楚，共有五款咖喱口味，包括香料咖哩、奶油咖喱、黑扁豆咖哩、腰果咖哩和菠菜咖喱，各有特色。另外仲有特色烤餅、特色小食、印度香料飯和飲品。

胡椒脆餅很薄身，整得極之脆身

入口無油膩感

每款咖喱套餐均配白飯和罐裝或紙包飲品，加$15就可以轉烤餅或蒜蓉包，我哋揀了三款唔同口味和一款特色烤餅。先上胡椒脆餅 ($28) 很薄身，整得極之脆身，咬下去時卜卜聲，帶點香辣的胡椒味，入口無油膩感， 單單食它的原味已很美味!

香料咖哩牛舌配蒜蓉烤餅口感柔韌，好吃！

有唔少牛舌，仲大大塊同厚切

香料咖哩牛舌配蒜蓉烤餅 ($68+$15)有唔少牛舌，仲大大塊同厚切，讚！蒜蓉烤餅表面都沾上蒜粒，邊位烤至帶少少焦燶，很香！嚐到淡淡的蒜香味，口感柔韌，好吃！

牛舌爽嫩鹹香

牛舌燒得好靚，味道鹹香，口感爽嫩，伴上獨特的香料咖哩更美味，當然要同埋烤餅一齊食，最佳拍擋。 

腰果咖哩魚柳配奶油烤餅上枱擺得有心思

魚件好有質素，肉質好嫩滑

腰果咖哩魚柳配奶油烤餅($68+$15)腰果咖喱滿載果仁香和奶香，質地濃厚，有磨至幼細嘅腰果粒，味道香辣中有果仁香，非常好味，推介俾鍾意果仁嘅人。魚件好有質素，一大件，好厚肉。外金黃內潔白，肉質好嫩滑，以咖喱烹調，香辣吸引。

奶油烤餅柔韌有麥香

淋上滿載果仁香和奶香嘅咖喱醬汁

奶油烤餅好薄身，柔韌有麥香，淋上咖喱醬汁 ，夾件魚柳，正！

黑豆燴羊肉咖哩配蒜蓉烤餅相當特別！

大量原粒嘅黑豆

羊肉整得好嫩，用料優質！

真係好飽肚，滿足！

黑豆燴羊肉咖哩配蒜蓉烤餅($78+$15) 羊肉份量多，啖啖肉，整得好嫩，用料優質！不錯。揀了配黑豆咖喱，以大量原粒嘅黑豆製作，相當特別！黑豆粉綿，辣度就中等，伴在烤餅上，再加埋羊肉，真係好飽肚，滿足！

無糖茶、甘蔗椰汁馬蹄爽、可樂冰涼透心

無糖茶、甘蔗椰汁馬蹄爽、可樂（$0）冰涼透心，邊飲邊食香辣咖哩，爽呀！

 小店真係令我喜出望外，數咗幾點：1）上枱擺得有心思；2）用料優質；3）各款咖哩各有特色；4）好足料：每籃烤餅和主菜都有好多件；5）抵食好食，定價親民。今晚大滿足！

 

店名：印度野

地址：北角電氣道233號城市花園商場第10座地下G45號舖