相聚日

 逢假期都會跟這位朋友食飯一聚，今個假期都唔例外，朋友仲陪我整蛋糕兼晚餐，精彩的相聚日。

朋友陪我整蛋糕兼晚餐

日式的設計

很吸睛的LOGO

橙紅嘅色調，感覺好warm

我地今晚揀了一間拉麵店，日式的設計，橙紅嘅色調，感覺好warm。座位完是面牆的單人座，大家排排坐。

有四款拉麵及幾款小食選擇

睇下menu 嘅簡介，好清晰的！

有四款拉麵選擇，每款分普通版和特盛版，亦可追加配料，另有幾款小食。睇下menu 嘅簡介，好清晰的！ 

赤蝦拉麵加糖心蛋加菠菜好豐富

湯濃郁，啖啖鮮香蝦味

直細麵口感佳，味濃

赤蝦很厚身，爽彈鮮味

我要赤蝦拉麵（$128）加糖心蛋（+$18）加菠菜（+$12），湯身橙紅濃厚，黏在直細麵，味道濃郁，濃而不鹹。直細麵烹調時間剛好，口感佳，啖啖鮮香蝦味，正！叉燒半肥瘦，腍嫩入味；三大隻赤蝦很厚身，經輕燒，半刺身狀，爽彈鮮味，優質！

菠菜清爽腍嫩

糖心蛋味道和口感都咁吸引

糖心蛋流心狀佳，黏滑兼滿滿蛋香，加上烹調入味，稍稍鹹香，味道和口感都咁吸引。菠菜翠綠，清爽腍嫩，唔油唔鹹，有益！

淡麗醬油拉麵好豐富

湯唔太鹹，亦唔黏稠

手搓麵口味煙韌

腩肉叉燒甘香油潤，肥美腍嫩

朋友揀淡麗醬油拉麵 （$116/特盛），湯身透徹亮澤，喜歡它唔太鹹，亦唔黏稠，食落唔膩。揀咗粗身嘅手搓麵，人手搓出，多份用心，口味煙韌，有嚼勁。特盛配料腩肉叉燒、紫菜和糖心蛋，本身還配有京蔥、味荀和菠菜，好豐富。腩肉叉燒份量足，嫩肉伴着層脂肪，甘香油潤，肥美腍嫩，好得！ 

煎餃子味道美味

外皮煎至帶些金黃

肉饀拌入蔬菜，口感佳

另叫了一客煎餃子（$28），共有三隻，外皮煎至帶些金黃，肉饀拌入蔬菜，口感佳，味道美味。

店名：麵屋日和

地址：銅鑼灣渣甸坊48號采怡閣地下5號舖