難以抗拒的晚巿優惠

老公最鍾意食中式小菜，今晚我哋就揀咗去酒樓撐枱腳。

門面闊落

環境光猛

寬敞闊落

環境光猛，跟般酒樓的格局相若，設有多張四人圓枱，亦有數張大圓枱，地方都幾寬敞闊落。

難以抗拒的晚巿優惠

很多選擇

枱上有多份餐牌，有孖寶、多款小菜、煲仔、湯羹、粉麵飯、海鮮系列、特惠套餐、明爐燒味、晚巿優惠、$1特惠等。

香片味道甘香

涼拌青瓜雲耳辣辣地好醒胃

先來一壺香片($15/位) 陣陣清香，味道甘香，有助消滯解膩。前菜 ($10)是涼拌青瓜雲耳，爽口入味，辣辣地好醒胃。

枝竹火腩炆大鱔煲香氣濃郁

大鱔肉質爽滑

火腩半肥瘦

枝竹火腩炆大鱔煲 ($168) 以砂鍋上，熱辣辣，香氣濃郁。大鱔肉質爽滑帶彈性，入味而不腥；火腩半肥瘦，脂香豐腴；枝竹充分吸收醬汁，軟腍不爛。份量十足，味道美味。

 

豉蒜涼瓜炒牛肉很惹味

牛肉嫩滑

豉蒜涼瓜炒牛肉 （$138）份量十足，色彩吸引！牛肉嫩滑，涼瓜回甘不苦，用豆豉蒜蓉爆得香，很惹味。

 

蟹肉海皇羹鮮味足料

有很多蟹肉與蝦仁粒

蟹肉海皇羹($108/小)鮮味足料，蟹肉與蝦仁粒增添口感，湯羹濃稠滑溜，滿意！

 

燒鵝絕對是超值之選

啖啖肉無渣

必點加一元系列，揀咗燒鵝（$1/例），大大碟，絕對是超值之選。燒鵝皮薄脆帶微焦，皮下脂肪恰到好處，肉嫩有鵝香，啖啖肉無渣，蘸上酸梅醬更開胃。

 

紅豆沙啖啖紅豆的香甜

最後仲有糖水送，紅豆沙 ($0) 入口熱度十足，內有不少腍身粉綿的紅豆，啖啖紅豆的香甜，甜度亦合宜，好吃！

 

店名：半島漁港/阿翁火鍋館

地址：深水埗西邨路19號南昌薈1樓F102號舖