快!

 今日見中醫，足足等了嗰鐘，餓到肚都扁，決定叫男朋友陪我在附近食飯。

快上枱

環境光猛，乾淨企理

中式設計，都幾優雅

男朋友簡簡單單揀咗間粉麵店，環境光猛，乾淨企理，地方寬敞，內裏中式設計，都幾優雅。

亦有其他選擇

亦有其他選擇

主打粉麵

主打粉麵，亦有幾款飯類、酥炸小食、飲品和一些火鍋配料。我們叫咗兩碗雙拼麵、一碟油菜和兩杯飲品。 

牛筋墨丸雙拼河加紫菜份量足

紫菜完全無沙

墨丸到大大粒嘅墨魚

牛筋腍滑，好有膠質

的確上得快，轉頭就上枱。我要牛筋墨丸雙拼河加紫菜 ($41+$10+$8)，河粉份量多，滑嘟嘟，連一羹腩大啖吃最正！紫菜又滑又香，完全無沙；墨丸非常彈牙，仲食到大大粒嘅墨魚，鮮香！牛筋腍滑，好有膠質，味道香濃，正!　

牛腩併水餃河

鳳城水餃爽口鮮香

牛腩唔太肥

男朋友要牛腩併水餃河（$51 +$10）。鳳城水餃唔算大大隻，但外皮薄滑，包住蝦肉、木耳絲、鮮肉碎，爽口鮮香。牛腩有咬口，唔太肥，有牛香。

支裝豆漿幾有豆香

熱檸蜜滋潤解膩

支裝豆漿（+$8）好抵飲，呢嗰品牌都幾有豆香。熱檸蜜（+$11）內有三片檸檬，酸咪咪加了甜美的蜜糖，滋潤解膩。

 

店名：樂園魚旦專家

地址：將軍澳貿業路8號新都城三期2樓210號舖

輕食之選

跟朋友行柏架山，但可惜….在34度炎熱天氣下我倆行了一小時就決定折返，實在不能再和陽光玩遊戲了！

白色咖啡店簡約清新，感覺舒適

一張長枱配三張高椅，也可堂食

以外賣為主

返回鰂魚涌就去覓食，這裏有不少咖啡店，很適合我。這間白色為主的咖啡店，簡約清新，感覺舒適。以外賣為主，亦設有一張長枱配三張高椅，也可堂食。

以健康輕食為主

以健康輕食為主

以健康輕食為主，有沙律、酥點、焗薯、貝果、鬆餅和飲品等。

******************************

2 Combo 自選沙律色彩豐富

配香橙羅勒醬，令人胃口大開

先來一份2 Combo 自選沙律（$68），揀了慢煮雞胸牛油果沙律 slow-cooked chicken breast with avocado 和 烤雜菜沙律 grilled mixed vegetable，配香橙羅勒醬，色彩豐富，令人胃口大開。

慢煮雞胸腍嫩；牛油果香滑

烤雜菜沙律保持爽嫩多汁

慢煮雞胸腍嫩；牛油果香滑；雜沙律菜新鮮爽口，淋上香橙羅勒醬好香好fresh! 烤雜菜沙律有青瓜、翠玉翠、甘荀、菇、薯仔、茄子、椰菜花等，用料豐富多變，亦烤得剛好，保持爽嫩多汁，味道天然。

******************************

火腿芝士夾饀牛角包簡單而美味

牛角包好酥鬆，滿有牛油香

火腿芝士夾饀牛角包 croissant with ham & cheese （$34）好酥鬆，見到一層層酥皮，滿有牛油香，中間夾着鹹香的火腿和芝士，還配上清新的生菜和蕃茄，配搭簡單而美味。

******************************

菠菜三文魚新鮮焗薯配配白汁及蔥花焗得粉綿

白汁烹調菠菜和三文魚肉味道吸引

菠菜三文魚新鮮焗薯配配白汁及蔥花 Potato spinach salmon with Béchamel Sauce & Spring Onion topping（$50）熱辣辣上枱，以白汁烹調鮮嫩的菠菜和鮮香的三文魚肉，味道吸引！連粉綿的焗薯一起吃，滋味得很！

******************************

是我最喜歡的麵包店出品

開心果麻糬貝果口感好有嚼勁

見到包邊已爆出饀料

滿滿的饀料令人吃得滿足

開心果麻糬貝果 pistachio with mochi bagel ($30) 是我最喜歡的麵包店出品，今日不用專登去門巿都可以吃到，太好！貝果熱烘烘，見到包邊已爆出饀料，的確用料十足！口感好有嚼勁，中間包着黏滑的麻糬和香濃的開心果酥，滿滿的饀料令人吃得滿足，好滋味！

******************************

新飲產品

飲品選擇

Hot Pistachio Latte 開心果味道香濃

Hot Pistachio Latte ($50/12oz)入口香滑，陣陣開心果香，味道香濃，甜度適中，開心果迷必點，推介！

Hot Hojicha latte滿有焙茶的甘香

Hot Hojicha latte ($45/L)聞到陣陣焙茶香，雖改用脫脂奶，但拉花圖案都很挺身，入口幼滑，完全不甜，滿有焙茶的甘香。

--------------------------------

雖然行山的時間不多，但都流了不少汗水，故不能吃得太多，遇到這間輕食之選的咖啡店就最適合不過。

 

店名：hier. 

地址：鰂魚涌海光街34號地舖

用心即製

今日OT，跟住仲要去西灣河訓練，訓練前要醫肚，唯有食外賣，行經一間日式小店，門面都幾吸引喎！ 

日式小店門面幾吸引

不同系列

每日限量

牆上餐單有咖哩系列、和風系列、串揚系列、揚物系列、和風小食和加配食品，仲有每日限量。 

炒雜菜加配牛肉、兩份三文魚和溏心蛋勁足料

炒雜菜好新鮮，不油不鹹

我揀咗炒雜菜加配牛肉、兩份三文魚和溏心蛋（共$95），勁足料，好豐富！睇住老闆即切即煮，夠晒新鮮。炒雜菜好新鮮，除咗有大椰菜外，仲有洋蔥、甘荀，炒得爽口，有些胡椒和芝麻香，不油不鹹，健康之選。

牛肉入味

加配牛肉（$15）差不多有六至七大件，抵！炒至迫出油份，食落唔肥膩，整得入味，正！

三文魚片片魚肉；溏心蛋流心狀極佳

追加三文魚 （$30/2份）好厚身，一片片魚肉，無添加太多調味，食到原有味道。追加溏心蛋（$10/隻）流心狀極佳，滑嘟嘟，好有蛋香。

 

店名：鹿巷 

地址：西灣河筲箕灣道48號地下3B號舖

必食薄餅與豬

將南大橋建成後，有不少好友都喜歡去行下，順便在將軍澳海濱長廊附近搵食，今日又有好友帶咗我去食好嘢。 

有內外兩個用膳區

座位舒適

環境光猛

餐廳有內外兩個用膳區，內裏較寧靜舒適，岩我哋！環境光猛，地方闊落，座位舒適。 

飲品

 a la carte

晚巿是 a la carte，有薄餅、湯、前菜小食、主菜、意粉、意大利飯、配菜、沙律、甜品、飲品等。 

AHI TUNA TARTARE 味道有少少辣，剌激味蕾

口感豐富

AHI TUNA TARTARE ($148)成品有鮮嫩嘅吞拿魚他他、香辣嘅墨西哥辣椒、清爽嘅青瓜和紫洋蔥、香渦嘅牛油果和脆卜卜嘅蓮藕脆片等，口感豐富！整體味道有少少辣，剌激味蕾。 

MEXICAN SHRIMP 好足料

香辣惹味

MEXICAN SHRIMP ($198/M)即叫即製，好足料。有大車打芝士、水牛芝士、鮮蝦、牛油果醬、蕃茄莎莎和芫荽辣蕃茄醬，食落香辣惹味！薄餅皮厚度中等，表面焗至稍稍焦燶、質感略為煙韌，配上爽彈嘅蝦仁、香滑嘅牛油果醬和鹹香嘅芝士，配搭美味！ 

烤豬腩青豆西洋菜蓉燴意大利飯、煙肉賣相吸引

意大利飯沾滿青豆西洋菜蓉

烤豬腩香脆可口，甘香油潤

烤豬腩青豆西洋菜蓉燴意大利飯、煙肉 ($188) 面頭放咗多件烤豬腩，賣相吸引！意大利飯好有口感，沾滿青豆西洋菜蓉，還加咗鹹香嘅煙肉粒，好香！烤豬腩香脆可口，肥瘦相間，烤得甘香油潤，得！ 

法國可倫堡白生啤1664冰涼透心

法國可倫堡白生啤 KRONENBOURG 1664 BLANC ($68/hh)是朋友推介！天氣火熱，還由港鐵行過來，真是需要一杯冰涼透心的啤酒，好爽呀！

 

店名：The Pizza Pig 

地址：將軍澳澳南海岸唐俊街23號MONTEREY Place 地下G10-11號舖