有得食有得買

逢星期日都要去屯門接爸媽，今日都唔例外，唔同的是今日有男朋友陪，仲一齊食午餐，心情都靚啲。

「月滷」令人心甜的名子

座位唔少

地方闊落

出售台灣特產

我地巧遇一間叫「月滷」嘅台灣店，令人心甜的名子。店子地方闊落，有四行卡座和圓枱，座位唔少。除咗係台式餐廳外，仲有一些台灣特產出售，未飛到去台灣都可俾大家望梅止渴一下。

選擇好多

選擇好多

好豐富呀！

午巿有多款套餐，亦有單點菜式、台灣小吃、蛋餅、滷水、台式飲品等，選擇好多。我地叫了兩份主食、一份蛋餅和兩杯飲品，好豐富呀！

起司肉鬆蛋餅煎得金黃，好靚仔！

捲着滿滿的饀料

起司肉鬆蛋餅 （$42）煎得金黃，捲着滿滿的饀料，好靚仔！厚身的餅皮口感煙韌，中間捲着鹹香嘅肉鬆和芝士，再有些清爽嘅蔬菜平衡一下，配搭很好，食時點下碟上嘅千島醬就更好味，如果加多啲肉鬆就更美味。

辣炸菜爽脆香辣

台鐵滷大雞扒便當整得好入味

肉又嫩又有肉汁

每份主食都配是日前菜($0/跟主食)，今日係辣炸菜，爽脆香辣，用來撈飯一流！台鐵滷大雞扒便當（$56）真係好大塊呀！雞皮炸至脆卜卜，加咗鹹香嘅滷水汁，整得好入味，啲肉就又嫩又有肉汁，加埋蔥油更正。滷蛋都好香好入味。

半筋半肉麵肉質好腍嫩

牛筋油潤滑溜

半筋半肉麵 （$68）配料有清爽嘅小棠菜、甜美的紅蘿蔔和白蘿蔔。牛肉有半筋半肉，亦有全筋，肉質好腍嫩；牛筋有少許肥膏，油潤滑溜，正!

多款台式飲品

小熊珍珠奶茶好可愛，奶茶香滑

小熊溶化其中，更香濃

小熊珍珠奶茶（+$8/跟主食）是限量發售，唔好錯過。奶茶小熊冰好可愛，相信大人細路都鍾意。咦！點解佢沉落去？男朋友好醒，話因為我走咗冰，哈！珍珠好煙韌，奶茶香滑，加上小熊溶化其中，更香濃，好飲。

仙草木瓜牛奶味道甜美

仙草木瓜牛奶（+$8/跟主食）味道甜美，既有木瓜香，又有奶香，啲仙草仲滑嘟嘟，不錯！

 

店名：月滷

地址：屯門大興街1號大興商場1樓L204號舖

浪漫一番

眨眼又一年，同男朋友週年紀念當然要慶祝。一向鍾意食西餐的我，今晚揀了間很有情調嘅西餐廳浪漫一下。

很有情調嘅西餐廳, like!

優雅的餐桌，柔和燈光

簡約的裝潢，令人舒適寫意

半開放式的廚房

優雅的餐桌配上小花和小燈，柔和燈光，簡約的裝潢，令人舒適寫意。半開放式的廚房可睇住廚師們專注嘅樣子，好charm呀！

晚巿是半自助形式

晚巿是半自助形式（$318/位），包有一份主菜、自助沙律、是日精選湯和咖啡或茶，部份主菜需加錢。

西蘭花忌廉湯健康有益

吃到幼碎的西蘭花，口味豐富

是日精選湯是西蘭花忌廉湯，熱辣辣，聞到陣陣西蘭花的香氣，好吸引！西蘭花沒有打磨至全茸，吃到幼碎的西蘭花，口味豐富，亦有濃郁的西蘭花味，喜歡沒有加入太多忌廉，健康有益，喜歡！

沙律菜

不同款式沙律

不同款式沙律

不同款式沙律

煙三文魚、冷切肉盤、芝士

海鮮冷盤

廚房前台是自助區，放了一碟碟精美嘅前菜沙律，色彩繽紛，令人食指大動。數下數下，足足有十五款，沙律菜、不同款式沙律、煙三文魚、冷切肉盤、芝士，還有海鮮冷盤，相當豐富。 

款款都攞啲試下

基本上無嘢唔食，所以款款都攞啲試下。第一碟就最喜歡係色彩豐富嘅三色椒鷹咀豆，又有益又飽肚，味道清新。另外啲紅菜頭都好清新多汁，夠fresh!

雜果沙律超甜多汁

第二碟就好鍾意雜果沙律，有超甜多汁嘅菠蘿、哈蜜瓜、黃桃、藍莓和草莓，好豐富！仲有吞拿魚長通粉沙律味道調得剛好，唔會太多醬，長通粉又有口感，不錯！

冷盤海鮮質素佳

第三碟就是冷盤，海鮮有三款，有爽口嘅翡翠螺、肥美嘅青口和鮮甜彈牙嘅白蝦。另外三款冷切火腿都鹹香美味，而煙三文魚就油潤鮮鮮，質素佳！ 

油封鴨脾配薯蓉、紫椰菜充滿鴨油香

鴨皮可口，肉質嫩滑

睇住廚師用心炮製嘅主菜，食得份外滿足。男朋友揀油封鴨脾配薯蓉、紫椰菜，賣相一流！鴨皮金黃可口，肉質紅潤嫩滑，充滿鴨油香，油潤而不膩，難怪OpenRice 食評咁多人推介。配菜就有香滑嘅薯蓉和腍嫩嘅紫椰菜，份量好足。

香煎澳洲鱸魚配甘筍薑蓉令我讚口不絕

魚肉非常嫩滑，啖啖魚油鮮香

而我就要香煎澳洲鱸魚配甘筍薑蓉，好味得令我讚口不絕。鱸魚扒底面都金黃，魚肉一片片，唔會散爛，非常嫩滑，啖啖魚油鮮香，跟香脆的魚皮食更吸引，再點啲甘筍薑蓉汁，又特別又好味。配菜蘆筍就翠綠爽嫩，好好味! 

伯爵茶幽香

鮮奶咖啡香濃幼滑

最後我就嘆杯香濃幼滑嘅鮮奶咖啡(+$10)，而男朋友就要壺幽香嘅伯爵茶(+$10)，邊飲邊談心。

除咗晚巿訂枱有9折外，店員仲話活動包場都有9折，而午巿訂枱更有85折，我馬上同男朋友講下次要再來呀!

 

店名：Parallel

地址：觀塘觀塘道414號1亞太中心3樓302號舖

牛迷聖地

好耐沒有做身體檢查，今日和男朋友二人同行去旺角做體驗，空腹了十多小時，又抽血又空腹，超餓…

店子招牌是牛，正好補血

環境骨子企理

有數張長枱和圓枱

店子招牌是牛，正好補血。設有數張長枱和圓枱，地方不大，但環境骨子企理。

餐牌精美

餐牌精美，有招牌之寶、潮洲風味、潮洲粉麵、小食、飲品等，而加$26就轉成餐，可揀油菜/炸魚皮+紫菜湯/飲品。 

淨海參腩巿面上甚少見

較為瘦身，但好腍嫩

連住啲爽口筋膜，口感佳

牛類選擇多，有牛三寶、沙瓜、牛坑腩、崩沙腩、牛雜等，而淨海參腩（$145）巿面上甚少見，一於試試。雖沒有一點肥肉，較為瘦身，但好腍嫩，還連住啲爽口筋膜，口感佳，且牛味濃，亦弄得入味，推介！

牛三寶河有牛腩、牛肚和牛筋

牛腩啖啖肉連筋膜

牛肚夠晒爽滑

河粉白滑

牛三寶河（$65）有邊三寶？就係牛腩、牛肚和牛筋。牛筋有少許肥膏，油潤黏滑，富有膠質；牛腩啖啖肉連筋膜，有咬口亦腍嫩，牛味幾香；牛肚就夠晒爽滑。河粉白滑，連牛腩湯同食，再加少許辣醬油更美味！

****************************

腐乳通菜蘸少許腐乳，鹹香惹味

腐乳通菜 (套餐價)一向是最佳拍檔，腐乳放在菜旁，唔會因過多而太鹹，貼心！色澤翠綠，上層係爽口的莖部，而下層全是幼嫩的菜葉。只喜歡蘸上少許腐乳，鹹香惹味。

芥蘭爽嫩無渣

芥蘭（套餐價)大大碟，粗壯翠綠，爽嫩無渣，蘸少少旁邊的蠔油，添上鹹鮮，不錯！

****************************

炸魚條非常彈牙

配泰式甜酸醬更美味

炸魚條 ($30)黃金不油膩，非常彈牙，蘸上泰式甜酸醬更美味！

圓肉紅棗薏米水甜美滋潤

熱檸茶有助消化解膩

圓肉紅棗薏米水 (套餐價+$2)有圓肉、紅棗和薏米，煲到腍身，落足料，甜美滋潤。熱檸茶 (套餐價)茶底香濃，加了兩片檸檬，有助消化解膩。

 

店名：陳儀興牛什粉麵

地址：旺角煙廠街1-3號鴻祥大廈地下E號舖