價廉物美

店舖地方寬敞

有卡位、長枱，環境光猛

店舖地方寬敞，有卡位、長枱，環境光猛。

勁多選擇

勁多選擇

勁多選擇

勁多選擇

勁多選擇

勁多選擇

餐牌勁多選擇，還有牆上手寫的精選小菜、是日快餐。我地要了兩客精選小菜及一碗湯河。

 

沙嗲金菇肥牛煲保暖度高，最滋味！

沙嗲味幾香濃，非常入味

沙嗲金菇肥牛煲 （$62）一直都熱辣辣，保暖度高，最滋味！除了有大量粉絲和金菇外，還有不少又嫩又入味的肥牛，沙嗲味幾香濃，不會太搶味。而滑啫啫的粉絲和爽口的金菇則索了沙嗲汁，非常入味。

西蘭花炒班球鹹鮮惹味

炸斑球幾厚身，肉質嫩

西蘭花炒班球（$60）賣相吸引。西蘭花翠綠爽口，連同XO醬爆炒，鹹鮮惹味，佐白飯一流。炸斑球幾厚身，肉質嫩，還有一些爽口啲雜菌、洋蔥、甘荀等，用料豐富。 

水餃牛筋河份量十足

河粉滑嘟嘟

牛筋腍滑；菜肉餃饀滿

水餃牛筋河 （$51）份量十足。河粉滑嘟嘟，連一羹腩大啖吃最正！牛筋腍滑帶爽，富有膠質，味道香濃；水餃是菜肉餃，皮薄饀滿。 

可樂煲薑喝後很舒服

凍檸茶解渴之選

餐飲點了可樂煲薑 （+$10/跟餐）及凍檸茶 （+$2/跟餐），可樂煲薑內有三大片檸檬及薑絲，經煲過的可樂，部份糖已蒸發，故不會太甜，而薑味亦算足，喝後很舒服。凍檸茶冰凍，酸酸甜甜，解渴之選。

店名：大王美食中心

地址：觀塘興業街15-17號中美中心A座地舖

包，最愛食包

這個貝果logo就吸引了我

今日轉角遇上它

我有一個習慣，無論行到邊，一見到麵包店就好想入去逛個圈，今日轉角遇上它，鍾情Bagel 的我，這個貝果logo就吸引了我。

架上放滿一個個精美的麵包

各式各樣，令我眼花繚亂

一入到去就香氣十足，內裏整齊企理，環境光猛。架上放滿一個個精美的麵包，各式各樣，令我眼花繚亂。 

最愛的貝果，今日有八款口味

咖啡脆皮巧克力表面有層薄咖啡酥 

苦甜平均

伯爵茶白朱古力充滿甘香的伯爵茶味

配搭平衡了甜膩

第一時間睇我最愛的貝果，今日有八款口味，好多選擇。揀了咖啡脆皮巧克力 ($18)和伯爵茶白朱古力 （$20），兩款口感都柔韌，有嚼勁。前者表面有層薄咖啡酥，陣陣咖啡香，配上香濃的巧克力，苦甜平均；後者充滿甘香的伯爵茶味，內饀是甜美的白朱古力，這配搭平衡了甜膩。 

山葵明太子鹽可頌配搭一流！

嘩！金黃酥脆的可頌表面塗了滿滿的明太子醬，吸引到爆！山葵明太子鹽可頌（$16）外層有嚼勁，包身軟熟，啖啖黃油香，加埋明太子嘅微辣，配搭一流！ 

日式蜜瓜包格子的脆皮似哈密瓜紋路

外殼鬆脆，包身軟熟

日式蜜瓜包（$15）烘烤成金黃色，格子的脆皮似哈密瓜紋路。外殼鬆脆，帶有砂糖粒，味道甜美，包身則相當軟熟。

 

酸種水果包註明用自家酵母

酸種水果包($23/半）有芒果乾、曼越莓乾和提子乾，用料豐富。註明用自家酵母，有溫和乳酸香氣與麥味，口感外酥脆，內濕潤Q韌，風味十足，亦平衡了果乾的香甜。

 

一次不能太多，要忍忍手

還有很多包款想試，但一次不能太多，要忍忍手。

 

店名：Taste+ Bakery

地址：天后銀幕街29號地舖

一起便溫暖

老公生日，當然由他選擇去邊食生日飯，結果佢揀了…大邊爐，是他最愛。 

樓上餐廳

環境光猛，座位舒適

自助區集中在一處，整齊企理

樓上餐廳，環境光猛，座位舒適，自助區集中在一處，整齊企理。

 

好豐富足夠

好豐富足夠

火鍋有A餐（$298）和B餐（$399）分別在於B餐可無限追加。我地都唔係大食之人，所以A餐就好足夠。

幾款啤酒

百香果啫喱凍飲酸酸甜甜

自助食品區有各式汽水、韓式飲品、熱茶、啤酒等等，還有冷泡茶。 老公當然要啤一啤，揀了泰國象啤，而我就要了杯酸酸甜甜嘅百香果啫喱凍飲。

 

各款炸物都唔錯

日式涼拌都唔錯

自助熟食區大部分都是炸物，另外仲有些日式涼拌。揀咗中華沙律、蟹籽青瓜沙律、關東煮、炸榴槤丸、炸三文魚和炸魚皮等，各款都唔錯。

 

刺身拼盤好新鮮亮麗

刺身拼盤有肥美油潤嘅三文魚腩、鮮甜柔軟的帶子、鮮甜黏爽嘅牡丹蝦，三款都色澤亮麗，好新鮮！

花膠雞湯出場啦！

湯底金黃濃稠，超好飲

雞肉嫩滑，花膠軟糯Q彈

花膠雞湯出場啦！先將雞和花膠放入湯滾，飲完嗰湯才打邊爐。湯底金黃濃稠，鮮甜帶有雞肉香，雞肉嫩滑，花膠軟糯Q彈，溫潤不膩，超好飲超好食。 

海鮮拼盤各款都非常非常新鮮

到打邊爐時間啦！海鮮拼盤有超肥美鮮味嘅生蠔；爽嫩嘅鮑魚；爽嫩嘅鱔片；爽彈的生猛基圍蝦和鮮甜的海蜆，非常豐富。各款都非常非常新鮮，我們都滿意。

牛盛盤牛味濃，優質!

牛盛盤共有四款，包括牛小排、牛肩胛、安格斯牛板腱及雪花一口牛，全部都色澤紅潤，好新鮮，油脂分佈平均。涮一會，嫩肉中夾雜着油潤的肥膏，好嫩滑，且牛味濃，優質!正！

 

蔬菜新鮮清爽

三文魚頭很滑溜

自助火鍋料也有不少選擇，要咗脆肉鯇骨、魚片、三文魚頭、支竹、豆腐、丸、福袋、魚腐和蔬菜等。三款魚都不錯，特別是三文魚頭，很滑溜；丸類和福袋啲饀都幾特別，不錯！蔬菜新鮮清爽。

甜品有出色的雪糕品牌

榴槤味和港式奶茶都好突出

甜品有蛋糕、泡芙、和果子、糖水、啫󠄁喱、雪糕等，要咗兩杯雪糕和一件朱古力布朗尼。蛋糕香甜不膩；雪糕品牌很出色，榴槤味和港式奶茶都好突出，口感又滑，喜歡！

 

店名：一本食堂

地址：觀塘鴻圖道30號3樓