辣得過癮

今日唔想煮飯，所以就同老公落商場食。其實新都城都有好多食肆，但就真係唔多喺度食，心態係：都返都屋企附近，不如喺家食，省錢呀！但現在心態變了….唔想煮就唔煮，出街食吧！

一個個燈泡和紅光管，非常搶眼

裝潢很有風格

有多張卡座，坐得舒適

整齊企理

開放式的設計，門面一個個燈泡和紅光管，非常搶眼。內裏環境光猛，裝潢很有風格，地方亦整齊企理。設有有多張卡座，坐得舒適。

小炒套餐

烤魚套餐

各款菜式

有烤魚套餐、小炒套餐、川菜、干鍋、火爆菜式、啤酒菜式、冒菜、飲品、甜品等選擇。小炒套餐有四個價錢，我地兩個人就揀咗$288套餐，有開胃菜一款、經典川菜一款、家常靚湯一款及川式小炒一款，三餸一湯好滿足。 

蒜泥白肉好火辣咁

白肉腍嫩油潤，肉味香

開胃菜揀咗蒜泥白肉，面頭舖滿大量蒜泥和辣椒油，好火辣咁…白肉腍嫩油潤，肉味香，夾着鹹香的蒜泥同吃更滋味！ 

青瓜皮蛋湯原來都幾夾

用料十足

家常靚湯好特別，真係未試過青瓜皮蛋湯嘅組合。清新嘅青瓜片配甘香嘅皮蛋，原來都幾夾，飲落順口，唔錯！ 

烏蠅糖醋魚酸咪咪好開胃！

外脆卜卜，肉紮實不嚡口

經典川菜要烏蠅糖醋魚，酸咪咪好開胃！魚大小中等，炸至金黃香脆，外脆卜卜，肉紮實不嚡口，全條沾上醬汁，還有三色椒、車厘茄和芝麻做配料，全部都得美味，連骨都全部食晒。 

粉絲蝦煲熱辣辣最吸引！

鮮蝦爽嫩鮮味

粉絲鹹香惹味，又火辣辣

川菜小炒就要粉絲蝦煲，先煲滾，熱辣辣最吸引！嘩! 足足有六隻鮮蝦，肉質爽嫩鮮味，得！還有大量粉絲墊底，吸收了蒜泥辣椒汁，鹹香惹味，又火辣辣，用來佐飯一流！

 

另加白飯（$12），大大碗，用嚟配任何菜式都好岩。

 

店名：烏蠅館

地址：將軍澳寶琳欣景路8號新都城中心二期2樓2024-2027號舖 

冰室多選擇

老公最鍾意去冰室，今晚又選佢啦~~~ 真係男人的浪漫?! 冰室環境光鮮，整齊企理，超長長方形格局，多張寛落卡座，坐得舒適。

冰室環境光鮮

超長長方形格局

多張寛落卡座，坐得舒適

每週晚巿套餐

選擇超多

選擇超多

男人的浪漫，那就滿足!

餐牌選擇超多，有每週晚巿套餐、常餐、三文治、茶餐、特餐、小食、焗飯、西式風情、馬來咖喱、鐵板扒餐、燒味、鮮入為煮、飲品等。

燒味自選大三元奉送白飯、湯及油菜

呢三元賣相超吸引，亦好高質

叉燒半肥瘦，腍嫩油潤

玫瑰油雞脾入味嫩滑

燒腩皮脆肉嫩

揀咗一客星期五晚餐精選，奉送白飯、湯及優惠價加配飲品。七選項中點了燒味自選大三元($85)，奉送郊外油菜。可在叉燒、玫瑰油雞、脆皮腩仔、燒鵝、滷水牛𦟌、貴妃雞、佛山燻蹄揀三款，要了叉燒、玫瑰油雞和脆皮腩仔，呢三元賣相超吸引，亦好高質。叉燒燒得亮澤紅潤，半肥瘦，腍嫩油潤，沾上蜜汁，香甜美味；燒腩肥瘦相間，皮脆肉嫩，滿有肉香；超好彩….俾了隻玫瑰油雞脾，啖啖肉，整得非常入味，肉質好嫩滑，加埋爽滑嘅雞皮一齊食，再點啲薑蔥蓉，一流! 所配嘅油菜係菜心，粗壯爽嫩，唔油唔鹹，夠健康。

柚子蝦球份量好足

蝦球彈牙鮮美

蝦球相當大隻，差唔多同我嗰拳頭咁大

另叫咗一道小菜柚子蝦球($108)，份量好足，蝦球相當大隻，差唔多同我嗰拳頭咁大，外層薄微，肉質彈牙鮮美，配上甜甜酸酸酸嘅柚子汁，好開胃。

羅宋湯味道濃郁，酸度十足

相當足料

羅宋湯 ($0/跟餐)湯身濃稠，散發着酸咪咪的香氣。見有紅蘿蔔、西芹、椰菜、薯仔、洋蔥、蕃茄等等，相當足料，難怪味道濃郁，酸度十足，越飲越醒胃。

熱檸檬可樂煲薑不會太甜

熱檸檬可樂煲薑（+$9）內有四大片檸檬及厚厚嘅薑片，味道不會太甜，很好!但薑味亦不足……

熱百香果蘆薈酸酸甜甜，開胃滋潤

蘆薈粒又香甜又滑

熱百香果蘆薈（+$6）暖笠笠，味道酸酸甜甜，開胃滋潤，蘆薈粒又香甜又滑，同杯飲品好夾。

 

店名：好運大牌檔

地址：北角北角道33號和富豪庭地下B2號舖