悠閒一天

今日去完灣仔素食展就在灣仔搵食。要悠閒就當然要去cafe。行下行下，見到間白色嘅咖啡店，感覺好舒服呀！ 

環境光鮮企理，原來係間新店

配搭自然明亮，坐得舒適

環境光鮮企理，原來係間新店。燈光柔和，薄荷綠和白色嘅配搭，感覺自然明亮，有數張二人枱，坐得舒適。 

各項選擇

自選滋味套餐

自選滋味套餐（$288）可有前菜、薄餅/意麵和甜品各一。

和風凱撒沙律賣相一流！

灑了櫻花蝦，添上日式風味

非常新鮮清爽

前菜：和風凱撒沙律賣相一流！沙律菜非常新鮮清爽，配上香脆嘅多士粒、鹹香嘅芝士碎、清新嘅苜宿芽，再灑了櫻花蝦，添上日式風味，加埋適量嘅凱撒沙律醬，味道美味！ 

熟火腿薄餅賣相吸引

餅底脆卜卜，正！

一口咬落去….滿足！

熟火腿薄餅同樣賣相吸引，餅底脆卜卜，正！配了香草番茄醬、爽口嘅雜菌、鹹香嘅芝士、柔軟香嫩嘅熟火腿，一口咬落去….滿足！ 

蘋果批味道香甜

蘋果片腍嫩

甜品：蘋果批批底濕潤，蘋果片腍嫩，味道香甜。

 

店名：ZECOND

地址：灣仔汕頭街4號廣泰樓地下A2號舖

隨我心而行

今晚同老公食新加坡菜，好耐無食過啦! 餐店環境舒適，燈光柔和，有多張四人枱，亦有卡座，簡約企理。 

今晚食新加坡菜

餐店環境舒適

餐牌清晰

選擇唔少

餐牌清晰，有午/晚餐、二/四人餐、湯、菜類、小食、飲品、甜品等等，選擇唔少。二人餐（$218）最岩我地，有兩款主食、兩款小食和兩杯飲品。

海鮮喇沙香噴噴，好吸引呀！

湯底夠濃厚，味道香濃

有米粉和瀨粉，又滑又彈

海鮮彈牙鮮美

我揀海鮮喇沙，熱辣辣，香噴噴，滿滿一大碗，好吸引呀！泥黃色嘅喇沙湯底夠濃厚，有些椰香，亦香辣，味道香濃。麵底有米粉和瀨粉，又滑又彈，掛湯力強，入晒味好滋味! 海鮮有鮮蝦，彈牙鮮美；手打魚片好彈，有魚鮮；豆卜索晒湯汁，一咬就爆出湯汁，好入味；大大隻嘅帆立貝鮮嫩美味；仲有半隻好靚嘅熟蛋。

隨心海南雞飯好有油香

雞皮爽，肉鮮嫩

三款醬料各有不同風味

老公揀隨心海南雞飯(無骨淨脾+$10)，推介！雞皮爽，肉鮮嫩，食落鮮香油潤，仲要啖啖肉，完全無骨，正！三款醬料有薑蓉、辣醬和黑醬油，各有不同風味。雞飯粒粒分明，好有油香；雞湯香濃！ 

烏達用亞答葉包裹着烘烤

滿有香料味，辣辣地

烏達($0/跟餐4件)係魚肉泥與各種香料混合，用亞答葉包裹着烘烤，食落腍嫩，滿有香料味，辣辣地，好有風味。

雞絲木瓜沙律又豐富又香辣醒胃！

相當清爽

雞絲木瓜沙律($0/跟餐)入口涼涼地，用料有青木瓜絲、紅蘿蔔絲、沙律菜和車厘茄，相當清爽，加埋嫩滑嘅雞絲，拌入泰式酸辣汁，又豐富又香辣醒胃！

熱檸檬薏米水清新，甜度剛好

杞子雞湯香甜美味

熱檸檬薏米水($0/跟餐)有檸檬嘅清新，甜度剛好，薏米煲至軟身，出晒味，當然要飲晒食晒啦! 杞子雞湯 ($0/跟餐) 好有雞香，香甜美味，唔鹹唔油，好好飲！

 

店名：隨心華人喇沙海南雞

地址：鰂魚涌海堤街6-16號龍景大廈地下4號舖