滿意一餐

今晚約了一位好耐無見的朋友吃飯，知佢鍾情於西餐，所以揀咗間舒服嘅西餐廳同佢一聚。 

餐廳環境很舒適

裝潢優雅，燈光柔和

卡座相當闊落

餐廳環境很舒適，裝潢優雅，燈光柔和，室內和室外都有座位，卡座相當闊落，是暢談食嘢的好地方。

晚巿有很多選擇

二人晚餐

晚巿有很多選擇，有二人晚餐、一人晚餐、單點菜式、甜品和飲品。今晚我地各選一份一人晚餐，再追加前菜和甜品，好豐富！ 

南瓜湯味道稍稍香甜

綿密幼滑

每款晚餐包是日餐湯和$32或以下餐飲一杯。是日餐湯竟是我最愛的南瓜湯($0/跟餐)，太好彩！口感綿密幼滑，稀稠度適中，味道稍稍香甜，喜歡！

法式蟹肉龍蝦湯陣陣鮮香，味道濃郁

有些鮮嫩嘅蟹肉

另外升級法式蟹肉龍蝦湯（+$38），內有些鮮嫩嘅蟹肉，陣陣鮮香，入口順滑，味道濃郁，好得！

北海道帶子沙律清爽新鮮

帶子半熟，柔軟嫩口，好食！

北海道帶子沙律（+$38）肉質鮮嫩，面層稍稍輕煎，帶些焦香，內裏半熟，柔軟嫩口，好食！沙律清爽新鮮，配咗一些酸咪咪黑醋汁，好醒胃！

 

軟殼蟹黑松露忌廉意大利飯賣相一流！

意大利飯相當creamy，較易咀嚼

軟殻蟹外脆肉腍，香口入味

軟殼蟹黑松露忌廉意大利飯 （$138）原隻軟殻蟹上枱，賣相一流！炸至乾身而不油膩，外脆肉腍，香口入味。意大利飯滿有黑松露嘅幽香味道，唔會過於濃烈，沾滿香濃的忌廉，相當creamy，較易咀嚼。 

露絲絲瑪莉香草燒羊架顯羊肉風味

肉質相當腍嫩

露絲絲瑪莉香草燒羊架（$218）指定七成熟，燒至有些焦香。肉質相當腍嫩，內肉呈粉紅，啖啖肉汁，肉味香濃，能嚐到微微的羊羶，更顯羊肉風味，蘸些燒汁也美味。旁邊嘅焗薯焗得剛好，粉綿得來又有咬口，滿有薯香，伴着蛋黃醬同吃，好味！

 

熱玫瑰朱古力、熱榛果朱古力朱古力味香濃 

熱玫瑰朱古力 （+$14）和熱榛果朱古力（+$14）的拉花也得美，令人喜悅！朱古力味香濃，味道甜美，但玫瑰和榛果味不太突出。

 

開心果麻糬提拉米蘇美味的組合，用心之作！

煙韌嘅麻糬

開心果麻糬提拉米蘇 (+$48)賣相一流，見到都開心！香滑嘅開心果忌廉芝士配上濕潤嘅手指餅、煙韌嘅麻糬、香脆嘅開心果碎和焦糖餅，美味的組合，用心之作！

 

店名：Plato Cafe & Bistro

地址：觀塘協和街33號裕民坊YM² 3樓309號舖