悠閒咖啡室

平時甚少跟阿嫂食飯，咁岩今日我地都齊齊放假，一於相約食嗰lunch。她跟我都喜歡去咖啡店，所以今日就揀咗間環境舒適咖啡店。

環境舒適咖啡店

簡約樸素

咖啡店以白色為主，內有大型嘅沙發座和木傢俱，簡約樸素，給大家舒適感覺。

Brunch

其他單點菜式

Brunch時間由11:00-14:30，有四個套餐選擇，每份主菜配一杯飲品，還可加錢upgrade 飲品，另亦有其他單點菜式。

馬賽魚湯海鮮扁意粉

扁意粉好有嚼勁，口感佳

阿嫂點咗馬賽魚湯海鮮扁意粉配Earl Grey Tea ($148)，熱辣辣上枱，陣陣鮮香。扁意粉好有嚼勁，煮得岩岩好，口感佳；海鮮有多隻鮮味嘅青口和蜆，再加埋爆汁嘅車厘茄，整體酸咪咪又鮮味，好開胃。

Earl Grey Tea香濃

Earl Grey Tea($0/跟餐)好香好濃，茶牌印上店子的logo，不知是否自家品牌?

牛油果溏心蛋開放式吐司夠晒飽肚

牛油果香滑；溏心蛋鮮香美味

我要咗份牛油果溏心蛋開放式吐司配Pistachio Latte ($118+$10, +$15)，賣相好得! 吐司皮香脆可口，包身軟熟，是穀麥吐司，口感豐富。牛油果非常香滑，配埋流心狀剛好嘅溏心蛋，鮮香美味，喜歡! 配菜有新鮮爽嫩嘅沙律菜和香滑薯蓉，夠晒飽肚。

Pistachio Latte啖啖都飲到開心果香

Pistachio Latte (+$15/升級飲品)灑了跟枱上木馬相同的圖案，靚! 開心果味唔算好濃，但啖啖都飲到開心果香，整體味道不太甜。

 

店名：FIKAFABRIKEN

地址：西環西營盤第一街8號縉城峰地下6號舖

簡簡單單就快樂

每次老公陪我入完屯門探爸媽就必經這個車站返屋企，站前正是此店，睇住佢開張，今日終於入去試下。兩個人一起吃粥，簡簡單單就快樂。 

位於車站前，很方便

闊落嘅卡座，坐得舒服

環境光猛，新淨整齊，兩邊都係闊落嘅卡座，坐得舒服。

餐牌清晰

餐牌清晰

枱上有齊醬料、配料、用品等，又齊備又企理。餐牌亦清晰，有即熟粥、生滾粥、油器、小食、腸粉和飲品。

生滾鮮牛粥好棉滑

牛肉大大件，又嫩又香

鮮鯇魚腩粥很鮮味，得！

鯇魚腩鮮甜嫩滑

我和老公分別叫咗生滾鮮牛粥 （$39）和鮮鯇魚腩粥（$45），滾熱辣上枱，正！粥底好棉滑，加了薑絲，一點腥味都無，仲用料量多，抵食！牛肉大大件，又嫩又香；鯇魚腩鮮甜嫩滑，令粥變得鮮味，得！ 

炸兩腸粉自行混醬和芝麻，簡單而美味

香滑腸粉包着微脆嘅油炸鬼

炸兩腸粉 （$23）大大碟，香滑腸粉包着微脆嘅油炸鬼，再自行混醬和加甘香嘅芝麻，簡單而美味！

叉燒腸粉皮滑饀靚，用料十足

啖啖鹹香腍嫩嘅叉燒

叉燒腸粉 （$23）熱辣辣上枱，皮滑饀靚，用料十足，啖啖鹹香腍嫩嘅叉燒，滿足！

白灼生菜翠綠爽嫩

白灼生菜 （$22）翠綠爽嫩，不錯！

 

店名：大師傅粥品

地址：佐敦彌敦道221-221A同昌商業大廈地下B號舖

新加坡菜

生日快到，朋友早點跟我慶祝，真有心！她揀了間吃星馬菜的餐廳，很有風味！ 

餐廳門外「天天」招牌好搶眼！

分內外兩個用膳區

張貼了不少明星合照相

座位闊落，燈光柔和

餐廳門外「天天」招牌好搶眼！環境不錯，分內外兩個用膳區，內裏張貼了不少明星合照相，睇嚟好有人氣。座位闊落，燈光柔和，感覺舒適。 

選擇不少

選擇不少

選擇不少

選擇不少

選擇不少

餐簿設計好吸睛，選擇亦不少！有前菜小食、湯品、海南雞、咖喱、石燒、小火鍋、海鮮、蔬菜、飯麵、點心、甜品、飲品等。 

話梅聖女母甜中帶點鹹

先來話梅聖女母（$39）涼涼地，咬下去爆汁，甜中帶點鹹，不錯！

菠菜蕃茄炒蛋很有家的味道

菠菜和蕃茄都很嫩口

熱辣辣嘅菠菜蕃茄炒蛋（$89）很有家的味道，酸咪咪很醒胃，用來撈飯一流！菠菜和蕃茄都很嫩口。

新加坡天天無骨海南雞皮爽滑，肉嫩無骨

蘸上不同醬料更有風味

新加坡天天無骨海南雞 （$169/中份）必點菜式之一。雞皮爽滑，肉嫩無骨，蘸上不同醬料更有風味。

豬肉骨茶小火鍋另配有米粉、芽菜，幾豐富

滾住食，好滋味！

用料好足

肉排肉嫩鮮香

豬肉骨茶小火鍋（$159）滾住食，好滋味！用料好足，鍋內有肉排、豆卜、支竹、肉丸、冬菇、雞蛋、蒜頭，另配有米粉、芽菜，配材和醬料，幾豐富！湯底鹹香；肉排肉嫩鮮香；肉丸彈牙、冬菇爽口，最後加埋米粉和芽菜滾一陣，索了湯汁，好吃！

 

店名：天天海南雞飯

地址：銅鑼灣京士頓街9號Fashion Walk地下H2號舖

 

第一次

今日係我的大日子，雖然是中午飲宴，但都真係忙到無乜點食嘢，所以老公話今晚要帶我食好嘢慶祝。佢知我鍾意食海鮮，竟帶我入布袋澳，是我第一次嚟！ 

入布袋澳是我第一次

望住嗰靚景食

鍾意食海鮮

地方好大，坐在窗邊位仲可望住嗰靚景食，正！

地方好大

地方好大

去海鮮檔即揀即製

豉椒炒蟶子腸粉底好有新意

蟶子大大隻，又爽又鮮

腸粉滑嘟嘟，炒好夠鑊氣

先去海鮮檔即揀即製，全部都好生猛新鮮，全部由我話事，要蟶子、扇貝和斑，好期待！豉椒炒蟶子（$220）腸粉底（+$30）好有新意。蟶子大大隻，又爽又鮮；腸粉滑嘟嘟，炒好夠鑊氣，香辣惹味，正！

蒜蓉粉絲蒸扇貝熱辣辣上枱，好有蒜香

粉絲入晒味，好正

重量級，肉厚肥大

蒜蓉粉絲蒸扇貝（$70/隻）熱辣辣上枱，好有蒜香。隻隻都重量級，肉厚肥大，爽彈嫩口非常鮮甜， 還有充滿蒜蓉香嘅粉絲，入晒味，好正！

玫瑰斑新鮮熱辣

大小中等，好有肉

白滑鮮味

玫瑰斑($264) 即點即蒸，新鮮熱辣。大小中等，好有肉，魚肉一片片，蒸得合時，白滑鮮味，淋啲豉油，伴些薑絲蔥花更好味！

椒絲腐乳炒通菜味道鹹香

翠綠爽嫩

椒絲腐乳炒通菜 ($58 ) 好有鑊氣，翠綠爽嫩，還加入紅椒絲和腐乳，味道鹹香，不錯！ 

海鮮湯係豆腐白菜魚湯

呈奶白色，有些胡椒香

海鮮湯（$68）係豆腐白菜魚湯，熱度十足，呈奶白色，有些胡椒香。 

泰國椰青味道香甜

泰國椰青 ($45)冰涼透心，味道香甜，正！

 

店名：發記海鮮酒家

地址：西貢清水灣布袋澳碼頭7A號舖