舒適、精美

我同男朋友都未去過Airside 商場，趁大家今日都放假，決定齊齊大鄉里出城，去行下食下。

餐廳優雅舒適

地方寬敞

環境猛光

餐廳優雅舒適，環境猛光，地方寬敞，見有唔少大枱、闊落嘅卡座、吧枱、高枱等，座位唔少。

西湖龍井味道甘香

八款上等嘅中國茶選擇

共有八款上等嘅中國茶選擇，男朋友揀咗香郁葉醇嘅西湖龍井（$28/位），一路用小蠟燭煲住飲，味道甘香，飲完喉嚨好舒服。

碧根果香脆可口；XO醬香辣惹味

前菜小食係碧根果（$28），香脆可口，滿有堅果香。仲有一小碟足料嘅XO醬，香辣惹味，正！ 

午巿有兩款套餐

午巿有兩款套餐，我地揀咗嵐月午市行政套餐（$388），共有五道菜，每款都好精美。

糖醋紅菜野菌盒酥鬆可口

中間藏了野菌蓉

嵐月精緻點心薈萃共有三款，先來糖醋紅菜野菌盒，加了紅菜頭汁製作，好有創意！炸得酥鬆，香脆可口，中間藏了野菌蓉，點啲糖醋汁，酸咪咪，好醒胃！

嵐月西班牙黑豚叉燒沾滿蜜汁，好香甜

食落好甘香油潤

嵐月西班牙黑豚叉燒沾滿蜜汁，好香甜。肉質相當腍嫩，燒得有啲焦香，加上有些肥膏，食落好甘香油潤，正！

鮮茴香海鮮餃圓潤飽滿

用料矜貴，味道鮮美

鮮茴香海鮮餃晶瑩剔透，圓潤飽滿，好靚呀！皮薄饀靚，包着彈牙嘅蝦仁、瑤柱、蟹絲等，用料矜貴，味道鮮美。 

枇杷果螺頭燉雪雁落足料燉製

枇杷果螺頭燉雪雁美味得一滴不流。一打開蓋，陣陣鮮香，落足料燉製，有原粒鮮香嘅瑤柱、鮮爽唧螺頭、潤喉嘅枇杷果、鮮香嘅瘦肉等，每啖都甘香滋潤，好好飲呀！ 

羊肚菌蘆筍炒北海道帶子又大又厚，刺身級狀

肉嫩鮮美，優質！

羊肚菌蘆筍炒北海道帶子相當精美！帶子又大又厚，刺身級狀，煎到表面金黃，肉嫩鮮美，優質！仲有翠綠爽嫩嘅蘆筍；矜貴嘅羊肚菌，菇味香濃。

鮮百合濃雞湯浸BB 菜苗又靚又好味

翠綠爽嫩，完全無渣

鮮百合濃雞湯浸BB 菜苗翠綠爽嫩，完全無渣，唔油唔鹹，味道鮮香，加埋鮮百合和杞子，又靚又好味！ 

松茸羊肚菌燴越光米好有菇香

兩款爽口嘅菇菌

松茸羊肚菌燴越光米粒粒圓潤飽滿，加了兩款爽口嘅菇菌，全碗飯都好有菇香。

 

店名：嵐月 

地址：九龍城啟德協調道2號AIRSIDE 3樓L301-L302號舖