晚晚OT到暈，基本唔想煮飯，連續幾晚都食淨餸，一蒸熱就攪掂，還以爲今晚也是，點知.....返到屋企才發現連淨餸都沒有，明明記得有，可能人大了，不得不承認記憶差了。在無晒氣力的情況下當然出街吃最方便，落街吧！
 |
| 門面鑲了兩個單車轆，具代表性 |
 |
| 貼了名星和菜式相片，幾吸引 |
連行多兩步都唔想，就揀對面又快又平的車仔麵醫肚。麵店新開了一段時間，但一直都沒有幫襯過，門面幾特別，鑲了兩個單車轆，具代表性，還有貼了名星和菜式相片，幾吸引喎！
 |
| 店名旁邊畫上一輛小單車，真有心思 |
 |
| 兩大塊簽名板 |
 |
| 貼滿相片 |
 |
| 最搶睇還是兩輛真實比例的單車 |
內裏裝潢都幾特別，灰泥牆身配紅磚，寫上大大個店名，細看一下，旁邊畫上一輛小單車，真有心思！另一邊還有兩大塊簽名板和貼滿相片，但最搶睇還是兩輛真實比例的單車，難道店主是單車選手？
 |
| 地方都幾寬敞 |
 |
| 走入一點還有座位 |
 |
| 半開放式廚房 |
地方都幾寬敞，有一排泊牆的長椅配二至四人枱，中間有多張四人枱，走入一點還預設了三排四至六人枱，及一個半開放式廚房。
 |
| 每枱均放有點菜紙、筆和三款調味醬 |
 |
| 有不同湯底的車仔麵 |
 |
| 大碗飯、小食和飲料 |
每枱均放有點菜紙、筆和三款調味醬。五張點菜紙不同顏色，分別有不同湯底的車仔麵、大碗飯、小食和飲料。
***********************
 |
| 上湯唐生菜清爽健康 |
先來一碟唐生菜（$16）可配蠔油、腩汁、上湯或全走，我就揀了上湯。青綠清爽，少油少鹽，清新健康，岩晒我。
***********************
 |
| 姬松茸蟲草花養生湯配米粉及六餸分碟上，令湯底保持原汁原味 |
輪到車仔麵，基本可揀兩餸、三餸或四餸麵，再加餸就每款$8。選了姬松茸蟲草花養生湯（素），配米粉及六餸（$68），大滿足。先讚一讚，逢有濃味的餸料，即是冬菇、溏心蛋和柱候牛腩都分碟上，令湯底保持原汁原味，正！而碗中就有麻辣雪魚湯包、蜂巢豆腐和蘿蔔。
 |
| 甘香順喉，味道一流 |
 |
| 的確真材實料，夠火喉 |
 |
| 米粉連湯大大啖吃 |
馬上呷一口湯，熱度十足，甘香順喉，味道一流，還有香腍的合桃、爽口的姬松茸和蟲草花，的確真材實料，夠火喉。揀了米粉，索湯力不強，故喜歡舀一羹連湯大大啖吃，最滋味！
 |
| 蜂巢豆腐吸收晒養生湯 |
 |
| 麻辣雪魚湯包藏着麻辣的肉碎 |
 |
| 蘿蔔很清甜，個人推介之一 |
先嚐碗中的餸料，蜂巢豆腐有三件，如海綿般吸收晒養生湯，咬一口，爆出甘香的味道；麻辣雪魚湯包共有兩粒，幾彈牙的外層藏着麻辣的肉碎，辣度不算厲害，岩我！蘿蔔約有四五件，多汁無渣，很腍嫩，味道很清甜，很討我歡喜，是我個人推介之一。
 |
| 分碟上的餸料 |
 |
| 柱候牛腩有咬口 |
 |
| 冬菇大大隻又厚身 |
 |
| 滿有菇汁，烹調入味 |
 |
| 溏心蛋算不上流心狀 |
輪到分碟上的餸料，柱候牛腩夾少許肥膏，既有咬口，亦挺腍嫩，且相當入味，可惜沒有我喜歡的牛筋；至於冬菇共有四大隻，原隻上枱，大大隻又厚身，睇落更吸引，啖啖爽口兼滿有菇汁，烹調入味，正! 原隻的溏心蛋算不上流心狀，但也幾黏滑和富蛋香，同樣弄得入味，也不錯!
***********************
 |
| 熱薑汁咖啡香濃的咖啡中滲出薑的辛辣 |
飲品有跟餐半價優惠，揀了杯熱薑汁咖啡 （$10/跟餐半價），香濃的咖啡中滲出薑的辛辣，辣度剛好，兩者味道平均，又夠熱，如果少一點甜就更合我口味。
------------------------------------
 |
| 一滴不留 |
 |
| 相信真是每日新鮮熬製，絕無味精 |
從未試過把車仔麵的湯喝至一滴不留，今次例外，還覺得不夠喉，想添湯，相信真是每日新鮮熬製，絕無味精，果然是招牌鎮店湯底，今次嚐了姬松茸蟲草花養生湯，下次一於來一碗白果胡椒豬肚湯。
店名：榕記車仔麵
地址：將軍澳寶琳貿業路8號新都城中心3期21號地舖
沒有留言:
張貼留言