想起當年....

回到八十年代，回味昔日美食

你們懷念着這些東西嗎？或許你們年紀輕輕，我應該問：你們見過這些東西嗎？吃過這些東西嗎？我就好懷念！得知皇家太平洋酒店適逢30 周年，於3/9-21/11舉辦一個以「黃金歲月尋味之旅」為題的自助午餐和晚餐，帶大家回到八十年代，回味昔日美食。而我，當然也想去緬懷一番。

四處的擺設很有心思！

流線型設計

地方寬敞，座位多且舒適

港式懷舊茶檔、舊式街牌、紅 A 膠吊燈、茶壺、鐵皮信箱、漁民帽等等...四處可見，真係回到過去，有心思！餐廳流線型設計，地方寬敞，座位多且舒適。擺放食物區夠集中，而通路亦闊落，出入取食物很方便。

***********************

元氣路有咖啡、紅茶等

健怡道有幾款鮮榨果汁

養生紅菜頭梨汁真材實料，高纖至營

咁多街牌，點行這條路？想先飲杯晒，就走去元氣路和健怡道，前者有咖啡、紅茶等，後者則有幾款清新健康的鮮榨果汁。一見到養生紅菜頭梨汁就馬上來一杯，味道清甜，有很多紅菜頭蓉，果然真材實料，高纖至營，要encore 多一杯。

***********************

海鮮街有多款凍海鮮

田園徑色彩豐富，好吸引！

是時候醫肚，行去邊條路先？就海鮮街和田園徑啦！前者有多款凍海鮮，包括長腳蟹、凍蝦、小龍蝦、蟹鉗、翡翠螺等；後者有多款沙律菜、沙律配料、預製沙律、特色沙律醬、凍肉等等，色彩豐富，好吸引！

沙律和凍海鮮都好新鮮

第一碟揀了DIY沙律、甘荀野菌沙律、雙薯蓉、蟹肉沙律、凍蝦和蟹鉗。沙律菜很新鮮爽脆，拌入香橙牛油果醬汁，酸咪咪，好美味。凍蝦爽彈，蟹鉗就肉嫩柔軟，兩者都竹，質素佳。

***********************

東瀛路有多款壽司

當然不少得幾款刺身

三文魚和鯖魚都很新鮮

跟住就去東瀛路，有多款壽司、不同口味的冷麵、中華沙律、帶子裙邊、刺身飯，當然不少得幾款刺身，有三文魚、八爪魚、鯖魚和玉子。只要了三文魚和鯖魚，三文魚相當肥美油潤；鯖魚就微爽，兩款都很新鮮。

***********************

點心街和麵食里放滿一籠籠食材

麵食里放滿一碗碗的食材

嘩！點心街和麵食里放滿一籠籠一碗碗的食材，真係好吸引！平時吃自助餐從不點麵食的我也忍不住了....

喇沙菠菜麵味道香濃，又不太油膩

今晚湯底有清湯、豬骨湯和喇沙，揀了一碗喇沙菠菜麵，配上豆卜、爽彈的蝦仁、滑溜的魚柳、彈牙的魚片和又香又嫩的韮菜，夠晒豐富。最愛喝那碗喇沙湯，味道香濃，不太辣又不太油膩，好喝！

***********************

向燒烤風味街進發

XO 醬龍蝦腸粉

蒸元貝

西班牙海鮮飯

焗龍蝦

再向燒烤風味街進發，唔止有多款燒烤食物，仲有多款熱葷，包括燒原條西冷牛肉、燒野菜、燒菠蘿、燒三文魚、燒雞翼、羊架、XO 醬龍蝦腸粉、蒸元貝、焗龍蝦、西班牙海鮮飯、咖喱雞、千層麵等等，多得令我眼花撩亂。

蒸元貝、燒三文魚和西班牙海鮮飯必encore 之選！

要了蒸元貝、焗龍蝦、西班牙海鮮飯和燒三文魚，最喜歡蒸元貝，肥厚肥美，味道鮮甜，必encore 之選！燒三文魚也吸引，燒得外皮香脆，魚肉又嫩又有肉汁，味道鹹香，再來一件吧！仲有西班牙海鮮飯，海鮮豐富，質素不俗，且烹調入味。

***********************

「黃金歲月」菜式

話明是「黃金歲月」主題，咁有咩菜式金金黃黃？就是以鹹蛋黃炮製的黃金魚皮、黃金蝦棗、黃金米通、黃金魚餅、黃金焗蟹蓋，的確具代表性。

***********************

啫啫龍躉煲鮮嫩彈牙，充滿魚油脂，好正！

但最令我瘋狂是....一系列的矜貴的龍躉菜式。啫啫龍躉煲香濃惹味，配上彩椒、乾蔥、炸蒜子及薑片等炮製，配搭豐富。龍躉肉鮮嫩彈牙，最愛是那塊富有膠質的厚魚皮，充滿魚油脂，好正！好正！

龍躉蒸豆腐更清新鮮味

龍躉蒸豆腐就更就嚐出魚肉的鮮味，配上豆腐、蔬菜粒和蝦粒，更清新鮮味，同樣好吃。

姬松菇清燉龍躉骨湯非常鮮香，滋補順喉

嘩！做咩突然排長龍？原來燉湯出場，今晚是姬松菇清燉龍躉骨湯，太令人興奮！真材實料，有姬松菇、鮮肉、元肉和龍躉骨等，味道非常鮮香，滋補順喉，啖啖精華，好滿足！

***********************

素食街都好合我口味

咦！？原來還有條素食街，有咖喱雜菜、印度薄餅、印度炒飯、西式餐包、南瓜湯等等，其實都好合我口味，但要留返一些空間品嚐多款懷舊食品。

***********************

矜貴版大包

龍蝦鮑魚大包一流！

話明帶大家回到八十年代，點少得一系列懷舊食品呢？大包整多兩籠大包，唔怕滯.......大包絕對是茶樓的經典點心之一，唔知現在邊間茶樓有？酒店今晚就有喎！仲要係矜貴版，就是龍蝦鮑魚大包，拿上手熱烘烘，包身軟熟，內饀爆滿，龍蝦爽彈鮮味，一流！

***********************

甜蜜里和懷舊老街是甜點古今crossover

點止大包咁簡單，仲有一系列懷舊小吃集中在甜蜜里和懷舊老街，單單見這箱懷舊糖蔥餅就令人懷念，現在真的很少遇見啦...除它外，這區的甜點古今crossover，現今的代表有黑森林蛋糕、香芋蛋糕、朱古力布朗尼、抹茶朱古力蛋糕、芒果布丁、奶凍、焦糖燉蛋等等；懷舊的代表更豐富，有麥芽糖餅、龍鬚糖、金箔脆麻花、芝麻糕、花生糖、芝麻糖、大菜糕、肚臍餅、橡膠糖等等，你地係咪好耐未食過呢？

一碟現代VS懷舊

就來一碟現代VS懷舊吧！朱古力布朗尼味道濃郁，口感豐富；龍鬚糖入口即化；芝麻糖甘香可口；味道濃郁的黑芝麻卷；還有那件糖蔥餅，拿着手中已令人懷緬....

***********************

沒有「富豪雪糕車」駕臨，但有Movenpick 雪糕單車

甜品絕不能無雪糕，雖然沒有「富豪雪糕車」駕臨，但駕來一輛我最愛的Movenpick 雪糕單車，足足有七款口味任君選擇，仲有即製窩夫和多款配料醬料，大人細路見到都興奮。

窩夫香脆；雪糕香滑，難以抗拒

我要一份三球雪糕窩夫，有薄荷朱古力味、咖啡味和士多啤味，再配上Oreo 餅碎和合桃。金黃的窩夫相當香脆，仲暖暖的，配上三款我最愛的口味雪糕，冷暖交融，又香脆又香滑，令人難以抗拒，馬上再encore，究竟我今晚吃了多球雪糕呢？真的不敢數.....

------------------------------

站着茶檔前方不禁想起當年......

站着茶檔前方；望着四處的茶壺和鐵皮信箱；對着一盞盞紅 A 膠吊燈；拿着一包糖蔥餅；吃着兒時愛吃的肚臍餅，不禁想起當年......我也經歷過這時代，哈！

店名：柏景餐廳

地址：尖沙咀廣東道33號中港城皇家太平洋酒店園景翼2樓