人的初心是用心

老公最愛打邊爐，趁放假前夕大家放鬆心情食餐好的。

放鬆心情食餐好

人的初心是用心

地方挺闊落，坐得舒服

生猛海鮮

餐廳裝潢優雅，乾淨企理，感覺舒適。地方挺闊落，大部分都係四人枱和舒服的卡座，亦有大圓枱，大夥兒打邊爐最開心，當然我地兩個人也打得開心。

小菜、晚巿套餐等

雞煲火鍋任食套餐

除咗雞煲火鍋任食套餐外，亦有小菜、晚巿套餐等選擇。我地一心打邊爐，揀了雞煲火鍋任食套餐 ($318/假期前夕)，有六道菜，包括宮廷小食、三文魚刺身、招牌雞煲、火鍋配海鮮拼盤和任食配料、飲品和甜品。

飲品區任君選擇

冷泡茶和啤酒消滯解渴

先到飲品區，有多款汽水、茶、台灣飲品、韓國飲品等任君選擇，還有任飲醇滑嘉士伯啤酒。拎咗冷泡茶和啤酒，可消滯解渴。

宮廷小食各具特色

椒鹽三文魚頭腩香脆可口

松露蝦多士香脆鮮美

先上五款宮廷小食(可追加)，有香脆鮮美的松露蝦多士、香辣爽滑的麻辣鴨血、酸香開胃的紅酒喬頭漬、爽口入味的漬牛蒡、香脆可口的椒鹽三文魚頭腩。各具特色，一樣咁好味吸引。

招牌雞煲鹹香帶辣，好惹味

雞啖啖肉，弄得入味

招牌雞煲出場，要了小辣。除咗有雞件外，仲配咗紫洋蔥、支竹、豬皮、紅青椒等，好豐富。每件雞都啖啖肉，弄得入味，味道鹹香帶辣，好惹味！仲有索晒汁的配料，都好好味。

因為今期少食生冷嘢，故不要三文魚剌身，但見隔離枱一盤盤的刺身相當新鮮厚切肥美，好正咁!

宮廷式的鍋子，很優雅!

壺子也是宮廷式，真是很美!

蟲草花南瓜鍋用料十足，很甜美

輪到火鍋，嘩! 宮廷式的鍋子，很優雅! 在多款火鍋湯底中揀了蟲草花南瓜鍋，內有大量爽口的蟲草花、甜美的南瓜和粟米，用料十足，整個湯都很甜美。連加湯的壺子也是宮廷式，真是很美! 

環球海鮮拼盤擺得很有心思! 

非常豐富

非常非常新鮮

環球海鮮拼盤擺得很有心思! 是日六款有肥美的廣島生蠔；爽嫩的大鮑魚；嫩滑的龍躉件；爽彈的生猛海蝦和翡翠螺；鮮甜的海蜆，非常豐富。各款都非常非常新鮮，令我們讚不絕口！

火鍋配料

火鍋配料

極上肥牛極之腍嫩，牛味都香濃

手打牛丸色彈牙多汁

日本蟹柳超大條，好嫩口

再揀咗幾款火鍋配料，有極上肥牛、黑豚肉、手打牛丸、蟹籽丸、芝心丸、日本蟹柳、野花盛開、淮山片和生魚片。極上肥牛和手打牛丸色澤紅潤，前者極之腍嫩，後者彈牙多汁，兩者牛味都香濃，優質! 日本蟹柳超大條，好嫩口；淮山片很爽口新鮮；野花盛開即係蔬菜籃，有營健康。分別有清爽竹日戈唐生菜、娃娃菜和菜心、甜美的粟米、爽口的鮮冬菇，全部都好新鮮，喜歡!

雪糕糯米糍冰涼甜美

甜品係每人一粒雪糕糯米糍，冰涼甜美，一解熱辣辣。

店名：初心

地址：將軍澳唐俊街18號The Parkside Mall地下G09號舖