又有新店

今日同老公去咗金鐘參加一場品嚐巧克力活動後，就係金鐘搵食。金鐘大部份餐店價位高，幸好竟然俾我見到間「餃掂」，係今個月新開的，價格合理，岩我哋。

又一新店

光鮮企理，光猛明亮

座位數目中等，坐得舒服

環境光鮮企理，光猛明亮，全部都好新淨。座位數目中等，坐得舒服。

餃子共有十多款

餃子共有十多款

餃子共有十多款

其他食品

餃子共有十多款，其中有兩款新品。灼、煎和湯三種烹調方式，仲有外賣生餃子。另有手工雲吞、麵食、前菜小食、湯、飲品和特製品。

酸蘿蔔越食越開胃

店員俾咗一小碟酸蘿蔔($0)，酸咪咪又爽脆，醃得入味，越食越開胃，好適合做開餐前小吃。

龍鳳松茸雙湯餃配狀元九鼎湯足料炮製

狀元九鼎湯鮮香濃郁

配了不少爽口嘅松茸

配了幽香嘅黑松露

次次都要招牌龍鳳松茸雙湯餃配狀元九鼎湯($92/8隻)，今次都唔例外。熱辣辣嘅狀元九鼎湯($0/跟餃子) 足料炮製，好鮮香，味道濃郁，飲完好滿足。餃子大大隻，鮮香嘅豬肉無肥膏，配了不少爽口嘅松茸或幽香嘅黑松露，好矜貴，鮮香美味。

煎大滿貫素餃即點即煎，熱辣辣

色彩和口感都好豐富

另一款揀咗煎大滿貫素餃($58/7隻)，隻隻金黃，好靚仔! 即點即煎，熱辣辣，外皮香脆可口。饀料有黃豆乾、中芹、冬菇和紅蘿蔔粒，色彩和口感都好豐富，芹菜味突出，幾特別! 

涼拌爽脆白菜絲香辣惹味

黃金原味皮蛋金金黃黃，係溏心

仲點咗兩款小食，有夏日推介嘅涼拌爽脆白菜絲($26)，又真係好爽脆，仲幾香辣惹味，刺激味蕾。黃金原味皮蛋($30)金金黃黃，係溏心，好靚仔，又黏又彈，不錯！ 

自家製熱蜂蜜檸檬薏米水甜度岩岩好

大家都要自家製熱蜂蜜檸檬薏米水($20/杯；28/支)，不過我要支裝飲多啲。清新嘅檸檬味，甜度岩岩好，而大量嘅薏米就煲到腍晒，飲晒食晒都幾飽肚。

 

店名：餃掂快線

地址：金鐘夏愨道12號美國銀行中心地下G09號舖