大鄉里出城

真係好靚的建築物，讚！

身邊大部分朋友都去過啟德體育園，但我還未喎……就趁今日同老公一齊放假，要到此一遊，仲要去晒三個零售館食玩買，yeah! 真係好靚的建築物，讚！

環境舒適優雅

好舒服寫意

柔和的燈光

三個零售館都有很多食肆選擇，老公就俾這間疏乎里班戟吸引了。餐廳環境舒適優雅，闊落嘅卡座，柔和的燈光，好舒服寫意。 

平日有午餐

一些單點菜式

飲品

平日有午餐，另有一些單點菜式，如全日食、漢堡、沙律、薄餅、薯條、甜品、飲品等。 

安格斯牛肉芝士漢堡配波士頓龍蝦及檸檬牛油汁賣相很吸引

巨型的漢堡配搭美味

老公想食漢堡，單點了一份安格斯牛肉芝士漢堡配波士頓龍蝦及檸檬牛油汁（$228），賣相很吸引！巨型的漢堡夾着一塊厚厚嘅安格斯牛肉、半溶嘅芝士、清新嘅蕃茄片和生菜，配上千島醬和秘製醬料，配搭美味！

波士頓龍蝦彈牙鮮嫩

安格斯肉鮮嫩多汁，煎得香口，帶點焦香，亦有濃郁嘅肉香，優質！波士頓龍蝦彈牙鮮嫩，還有不少甘香嘅龍蝦膏，蘸些檸檬牛油汁，不錯！ 

是日沙律很新鮮清新

我就點了一份午餐，包餐湯/是日沙律、主菜、甜品和餐飲，滿足！是日沙律（$0/跟餐）很新鮮清新，有沙律菜、羽衣甘藍、青瓜和車厘茄，仲配了甜美多汁嘅哈蜜瓜。

奇尊蝦肉香草蕃茄汁手工闊麵賣相好吸睛

蝦肉鮮嫩彈牙，香辣惹味

手工製作的闊麵口感彈牙

奇尊蝦肉香草蕃茄汁手工闊麵（$138）面排了六大隻蝦仁，賣相好吸睛。手工製作的闊麵口感彈牙，沾滿蕃茄汁，還有鮮活嘅番茄肉，啖啖都滿有濃郁的番茄香。蝦肉鮮嫩彈牙，搭配上香草和辣粉，香辣惹味。

甜品係窩夫配雪糕簡單而美味嘅配搭

甜品係窩夫配雪糕（$0/跟餐），窩夫外香脆內鬆軟，配上一球冰凍香甜嘅雲尼拿雪糕，簡單而美味嘅配搭，作為飯後甜品好滿足！

Mocha 咖啡和可可互相融合

Mocha (+$10 /跟餐）拉花圖案好清晰，無粗泡，靚！陣陣咖啡香，入口溫暖細滑，咖啡和可可互相融合，滿意！

百香果烏龍茶足足有兩杯

清新可口，解渴去膩

百香果烏龍茶（$42）足足有兩杯。清新可口，甘香嘅烏龍茶配上酸甜百香果的酸甜。茶香濃郁，百香果味淡淡，可解渴去膩！

Matcha Cream Pancake 好輕盈，賣相一流！

中間還流出抹茶醬，充滿抹茶嘅甘香

Matcha Cream Pancake （$122）的確重量級，兩大塊厚班戟震動着，好輕盈呀！頂頭塗滿抹茶忌廉醬，加了些脆米，旁邊還伴着Q彈嘅抹茶蕨餅、甜美嘅紅豆和新鮮嘅雜莓，賣相一流!  班戟好鬆軟，仲好有蛋香，老公超讚。最驚喜係中間還流出抹茶醬，加埋面頭嘅厚厚嘅抹茶忌廉，全件都充滿抹茶嘅甘香，仲有回甘，抹茶迷必滿意，大讚！

賽果雖落後，但玩得開心

食飽飽之後，我哋仲去咗碌保齡，你哋睇下嗰賽果，我….唉….雖然落後很多，但今日食得開心，玩得開心，滿足的一天。

 

店名：The Pantry Club

地址：九龍城啟德承啟道38-39號啟德體育園啟德零售館3 G樓M3-005號舖