未食過

今日要出席一個喪禮，先在紅磡食個快嘅晚餐。

沙縣小吃真係未食過

見到間沙縣小吃店，真係未食過，網上查一查，原來沙縣小吃起源中國福建省三明市的沙縣，是具有沙縣當地特色的一系列小吃的總稱，屬於閩菜。就入去試試！

多張卡座

光猛企理，地方闊落

環境光猛企理，地方闊落，多張卡座，坐得舒服。 

選擇唔少

選擇唔少

選擇有餃子、雲吞、燉盅、套餐、水煮、湯/干麵、涼菜、香炸、飲品等。 

招牌蒸餃賣相好靚！

皮薄饀飽滿

鮮肉中加咗蔬菜粒

招牌蒸餃 （$35）擺到好似一朵花，賣相好靚！皮薄饀飽滿，鮮肉中加咗蔬菜粒，仲要無乜無肥膏，健康之選。再點啲醋汁，酸咪咪更好味！

雪梨豬肺盅真材實料

雪梨豬肺盅 （$38）原個燉盅上枱，熱辣辣。內有多件豬肺、雪梨等，真材實料，滋潤順喉，有祛咳潤肺之效！

營養燉盅飯有白飯、燉湯、灼菜和熱菜蜜

另點一份營養燉盅飯 （$53）， 揀咗鹿茸菇排骨燉湯、灼菜和熱菜蜜。灼生菜翠綠清爽，唔油唔鹹，有營之選。熱菜蜜就甜美滋潤。

鹿茸菇排骨燉湯味道甘香

燉湯一樣熱度十足，有很多爽口甘香嘅鹿茸菇、鮮香腍嫩嘅排骨、甘味的蔘、紅棗、杞子等，味道甘香，有溫補腎臟之效。

醬汁牛腱沾滿紅油，但唔算好辣

腍嫩入味

醬汁牛腱 （$53）腍嫩入味，香辣之餘亦有牛香，唔錯！墊底仲有大量爽脆的青瓜絲，沾滿紅油，但唔算好辣。

高湯雲吞同平時食嘅雲吞好唔同 

皮非常薄滑

包住彈牙的肉，好似粒肉丸

原來沙縣嘅高湯雲吞 （$30）好獨特，同平時食嘅雲吞好唔同喎！皮非常薄滑，包住彈牙的肉，好似粒肉丸，一啖一口。高湯加了滑而無沙的紫菜，好味！

 

店名：沙縣特色小吃

地址：紅磡蕪湖街63號兆寶閣地下C號舖