火辣辣的美味

今晚同同事慶祝生日，佢揀咗去這間小店食烤魚。

食烤魚

整齊企理，環境光猛

三峽烤魚種類

火鍋配料

店舖有幾張二至四人枱，整齊企理，環境光猛。有烤魚和火鍋，前者係我地嘅選擇。有三款三峽烤魚種類及四款口味，揀好後就用QR code點火鍋配料、小食、粉麵、飲品、甜品等等。 

檸檬百香果QQ配料豐富

雪梨玫瑰檸蜜好解渴

食火辣辣嘅烤魚當然要配凍飲，我要杯檸檬百香果QQ（$28），選三款配料，揀咗桃膠、雪燕和寒天，好豐富！同事要杯雪梨玫瑰檸蜜（$28），內有雪梨乾、玫瑰乾和檸檬，兩杯都味道酸酸甜甜，好解渴。 

香辣烤海鱸魚滾起就可動口

幾大條，啖啖肉

越來越入味，辣得過癮

肉結實爽滑，滾較長時間都唔散爛

揀咗招牌香辣烤海鱸魚（$298/原條），都幾大條，啖啖肉，而配料就有雞脾菇、白蘿蔔和紫洋蔥等。全條魚煎至金黃， 滾起就可動口。鱸魚肉結實爽滑，滾較長時間都唔散爛，仲越來越入味，辣得過癮。

 

好新鮮爽嫩

有咬口和豆香

當然要點啲配料，最鍾意係大部份配料都有全份或半份選擇，可以試多幾款。最後揀咗鮮淮山片（$19/半份）、豆皮（$14/半份）、濕炸枝竹（$15/半份）、油麥菜（$17/半份）和唐生菜（$17/半份）。鮮淮山片、油麥菜和唐生菜都好新鮮爽嫩。豆皮和濕炸枝竹就有咬口和豆香。 

滷牛筋腍嫩黏滑，鹹香入味

另外都點了份滷牛筋 （$58），以為就咁食，但店員都建議我地滾滾佢。腍嫩黏滑，鹹香入味，正！ 

墨魚滑混入不少墨魚粒，好有口感

墨魚滑 （$46/半份）幾彈牙，內裏混入不少墨魚粒，好有口感，得！

 

店名：烏蠅館

地址：將軍澳寶琳欣景路8號新都城中心二期G樓G10號舖