第一次食

咁靚的日落，好醉人! 

剛外賣完pizza，好近海濱公園，無理由唔散散步，抖抖氣。嘩! 好耐沒有見過咁靚的日落，好醉人! 

第一次食

已有不少食客正在等外賣

由牛頭角一直行到觀塘，打算去apm乘港鐵回家，卻被我發現這間一直想試的甜品店，原來擴展到觀塘呀!? 其實手上已拎住pizza和飲品，但同自己說：飯後怎可以沒有甜品?

有多個系列

有多個系列

門口已有不少食客正在等外賣，那就馬上去下單，免得越來越多人。細閱外賣紙，有多個系列，包括手工芋圓系列、滑嫩仙草系列、熱紅豆湯系列、紫米紅豆系列、清涼冰品系列、飲品有冬瓜茶飲系列、鮮奶茶飲系列、仙草凍茶飲系列、仙草茶飲系列、古味奶茶系列、紫米飲料系列、豆漿飲料系列和古味茶飲系列，還有兩款招牌點心。

*********************************

豐富得很!

眼花撩亂之下，我最終於在經典豆花系列中揀了豆花4號加薏仁($42+$4)，附了以豆花為主之外，配料有芋頭、紅豆，而湯底就在糖水和豆漿中選了後者。另外，還有我最愛的抹茶，是抹茶布丁(+$8)。我一出山就癲了，豐富得很!

倒入薏仁，拌埋一起吃更滋味!

豆花4號滿滿一大碗

豆花極之滑溜，滿有豆香

加配埋豆漿，豆味更濃郁

薏仁煙煙韌韌，有咬口

芋頭粉綿，啖啖芋香

嘩! 估唔到咁大碗，仲竟然有兩大件芋頭，好滿足!  先倒入薏仁，拌埋一起吃更滋味! 入口仍微暖，豆花極之滑溜，滿有豆香，加配埋豆漿，豆味更濃郁，正呀! 紅豆甜美粉綿；薏仁煙煙韌韌，有咬口，但最愛還是芋頭，相當粉綿，味道香甜，啖啖芋香，好討我歡喜。雖滿滿一大碗，但美味得忍不住口，食清光!

*********************************

抹茶布丁嚐到抹茶的甘苦

抹茶布丁(+$8)睇落挺Q彈，食落就滑嘟嘟，，味道不會太甜，但抹茶就一般，比較淡。

-------------------------------

靜靜說，我真的有點out，這間連鎖甜品店已開了一段時間，仲大受歡迎，相信大家已經食過無數次，而我....竟然是第一次食，真係落伍。

 

店名：鮮芋仙 

地址：觀塘觀塘道418號創紀之城五期(apm)C層C-41號舖

出山覓食

日日stay at home，就算出街都只是屋企附近，但今日因為有重要事辦，所以必定要去觀塘一趟。日日在將軍澳覓食都食到有啲悶，難得去觀塘，當然要吃些特別。

紅綠色的光管店名招牌幾搶眼

感覺挺舒服

辦完緊要事就在附近逛逛，被這個紅綠色的光管店名招牌吸引了，原來是一間主打pizza的意大利餐廳。想一想，也有一段時間沒有吃過pizza，而因為所有材料都越來越貴自己又沒有整，心思思添....拉門而入，地方不大，但勝在樓底高，加埋富有特色的裝潢，感覺挺舒服。內裏設有大約有五六張四人枱，亦有一張二人枱和較大的圓枱，還有一個半開放式的廚房。

頭盤、前菜、沙律、薄餅

主菜、印度傳統美食、甜品和飲品

好少堂食，一心打算外賣

宜家真是好少好少堂食，一心只是打算外賣。看看餐牌，分別有頭盤、前菜、沙律、薄餅、主菜、印度傳統美食、甜品和飲品，選擇不少。

********************

雙重喜悅揀了印度香料烤雞拼意式肉腸

雖然今日獨個兒，但既然這裏主打pizza，而自己又想食pizza，就點一個吧! Pizza分了三類，有經典、招牌和推介。每款pizza 都註明所含的食材，非常清晰，而我真是逐一細看，看到最低就尋到寶，就是.....雙重喜悅 2 in 1 Double happiness ，只要pizza旁的顏色點相同就可雙拼口味，太好了! 可滿足我樣樣都想試的心態。想食的兩種口味是印度香料烤雞 Chicken Tikka 拼意式肉腸 Italian Sausage (#118/9”)各一半，每款兩件，舖上滿滿的食材，拎上手都幾墜手，好豐富。

印度香料烤雞越食越火辣

富獨特的香料味

餅底厚度中等，周邊烤至帶點焦燶，香脆可口，又有些煙煙韌韌的口感，很討我喜歡! 先想印度香料烤雞口味，成品有印度馬薩拉雞肉、燈籠椒、洋蔥、墨西哥辣椒和莫扎里拉芝士，富獨特的香料味，最惹味是酸酸辣辣墨西哥辣椒，仲越食越火辣添!

意式肉腸配上各款食材好夾

舖上滿滿的食材，幾墜手

更喜歡意式肉腸口味，成品有意式腸肉碎、燈籠椒、四種蘑菇和莫扎里拉芝士。意式腸肉碎味道鹹香帶辣，配上清爽的雙色燈籠椒和爽口的四種蘑菇，好夾! 兩款薄餅都用料豐富，味道美味，若然加多些莫扎里拉芝士，讓其添多些芝士香，相信會更吸引。

*****************************

熱蜜糖檸檬滋潤順喉 

近期天氣乾燥，加上要多啲維他命C，所以打算點杯熱蜜糖青檸，可惜店員給了一杯熱蜜糖檸檬 Hot Honey Lemon ($36)，好易平凡咗啲。大大杯，入口溫暖，味道酸酸甜甜，滋潤順喉，好岩我!

----------------------------

其實真是好喜歡出山覓食，好喜歡這種無意中發現美食的感覺，好似執到寶咁，哈! 可惜….疫情嚴竣，唔好說出山，連出門都很少，究竟幾時才可以週圍食呀?

 

店名：Little Mario's Pizzeria

地址：觀塘海濱道123號綠景NEO地下1號舖