又香又鬆軟

今晚去好友屋企食飯，幾熟都好，當然不能兩手空空。記得她們都好喜歡食古早蛋糕，而這商場正好有間挺有名古早蛋糕店，一於買兩件齊齊分享。 

相當搶眼，光鮮企理

有其他甜品

有其他甜品

有其他甜品

蛋糕店以黃色為主調，相當搶眼，光鮮企理，最吸引是還未走近已聞到陣陣蛋糕香。蛋糕店主打古早蛋糕，但亦有其他甜品，包括曲奇、蛋撻、蝴蝶酥、甜甜圈等等，選擇都不少。 

古早蛋糕共有十六款

兩盒都好有份量，都幾重！

廚窗貼上古早蛋糕的款式，共有十六款，但此刻有什麼新鮮出爐現貨就要睇睇電子螢幕。在五款中，我要了一甜一鹹，兩盒都好有份量，都幾重！盒子有幾個透氣位，不用擔心焗出倒汗水。邊行邊聞到陣陣香氣，真是想快點吃，哈！

******************************

芝士愛肉鬆古早蛋糕舖滿了肉鬆，非常足料

中間夾了不少芝士，好誘人

非常鬆軟，口感細膩

芝士愛肉鬆古早蛋糕   Pork Floss w/ Cheese Cake（$85/全份）又厚身又大件，仔細看看，周邊看到芝士溶，而頂頭就舖滿了肉鬆，非常足料。輕輕地把它切件，一切的時候連刀都沾上半溶的芝士，中間夾了不少芝士，好誘人。糕身相當綿密，並沒有任何大洞，的確非常鬆軟，口感細膩，讚!吃到鹹香味之餘，亦沒有奪了蛋香，雖然有些邪惡，但非常美味，令大家都不了口。

******************************

Oreo 曲奇古早蛋糕面和糕身都有不少Oreo餅碎

甜度適中，同時嚐到蛋香

Oreo 曲奇古早蛋糕   Oreo Cake ($88/全份）同樣大大件，厚度十足。除了蛋糕面舖了Oreo餅碎之外，糕身亦遍佈不少，份量剛好，多份餅碎的咬口之餘，亦不失蛋糕的鬆軟感，甜度就適中，同時嚐到蛋香，好味！

----------------------------------------------

我覺得食古早蛋糕最重要是又香又鬆軟，這間古早蛋糕完全達到這個兩要求，而加添的口味就配搭得很好，成功討得大家的歡心。

 

店名：源祖之味古早蛋糕店

地址：將軍澳貿業路8號新都城中心一期2樓254-255號舖

久違的工廈美味

週末有乜好做？當然放低所有工作，去玩返一日。朋友約我去apm睇飯氣攻心，睇完唔係飯氣功心，而係好肚餓….

地方不算好大，整齊企理

半開放式的水吧位

去到觀塘好自然會潛入工廈覓食，友人帶我去了一間挺舒服的西餐廳，地方不算好大，一個大L型的靠牆梳化座配二至四人枱，再有一個半開放式的水吧位，整齊企理，感覺舒適。

九款lunch set

午餐有九款lunch set，價錢由$88-$168均包有田園沙律或廚師餐湯，還有一杯$24或以下的飲品。我們的就各揀選一個餐然後開心share。

***********************************

田園沙律配餅乾棒，清爽鮮嫩，香脆可口

簡單的配搭已好美味，好fresh!

雖然我倆都揀了田園沙律（$0/跟餐），但也有奉送兩支香脆可口的餅乾棒，好吃！沙律菜清爽鮮嫩，車厘茄清甜多汁，淋上一些酸酸甜甜醋汁，再刨了幾片鹹鹹地的芝士，簡單的配搭已好美味，好fresh!

***********************************

扒虎蝦龍蝦汁意大利飯好有睇頭

大虎蝦彈牙鮮嫩

扒虎蝦龍蝦汁意大利飯 Grilled King Prawn Risotto in Lobster Sauce （$88）也隨便上枱，有我手掌般大的虎蝦放在飯面，好有睇頭。大虎蝦啖啖肉，彈牙鮮嫩，優質!

意大利飯味道鮮香，生熟程度亦合適

意大利飯粒粒圓潤，沾滿蝦龍汁，濕潤帶黏性，味道鮮香，比一般以大量芝士和忌廉炮製的意大利飯輕盈，不覺溜滯，還吃到清爽的紅黃椒粒，口感豐富，而其生熟程度亦合乎港人口味，不會如正宗意大利飯那麼堅硬。

***********************************

烤美國豬柳配香橙燒汁配蔬菜擺設富心思，如畫一般

再來一客烤美國豬柳配香橙燒汁 Roasted U.S Pork Loin w/ Grand Mariner Gravy($108)，擺設富心思，如畫一般，賣相很吸引。可選配白飯或蔬菜，我倆要了後者。蔬菜有翠肉瓜、粟米芯、雲耳、西蘭花和甘荀，全部都好清爽，少油少鹽，健康有益。

配了香橙燒汁，平衡肉的油膩

啖啖肉，既腍嫩又有肉汁

豬枊已切件，配上香橙肉，淋上燒汁。每件都挺厚身，啖啖肉，完全無肥膏，既腍嫩又有肉汁，配了酸酸甜甜的香橙燒汁，平衡肉的油膩，非常夾！旁邊的配菜跟之前蔬菜種類相同，最特別是配了南瓜汁、枝豆汁和香港蕃茄汁，很有心思！

***********************************

奉送$24或以下的飲品

熱檸檬蜜甜美滋潤

大家餐飲都揀了熱檸檬蜜 Hot Water w/ Honey Lemon（$0/跟餐），入口暖笠笠，相當甜美滋潤，不錯！

-----------------------------

仔細想想，近排貪方便，只去商場和街頭的食肆覓食，少了瓹窿瓹罅，今日走入工廈，重拾那種久違的工廈美味，開心！

 

店名：i kitchen

地址：觀塘巧明街106號冠力工業大廈2樓1號舖

粥粉麵飯樣樣齊

參加完婚禮，唔敢在太多人的場面進食，故提早離開去覓食，諗諗下一於買外賣去男朋友家撐枱腳。

傳統麵家

見到啲各種牛好吸引

整齊企理，地方闊落

見到呢間粥粉麵飯樣樣齊的傳統麵家幾多選擇，環境整齊企理，地方仲幾闊落，不錯！

選擇多多

選擇多多

選擇多多

選擇多多

選擇多多

選擇多多

選擇多多

選擇多多，有粉麵、飯類、小吃、粥品、腸粉、特色小食和飲品。

筋腩肚淨食份量好足

全部都非常入味

牛肚爽滑味濃

牛筋滑嘟嘟

牛腩腍嫩味濃

男朋友係牛魔王，幫佢揀咗一份筋腩肚淨食（$110），當然我也鐘意。撈起睇下，有腍嫩的牛腩、滑嘟嘟的牛筋和爽滑的牛肚，每件都幾大件，仲有生菜墊底，份量好足，大大碗，好抵食！全部都非常入味，牛味濃，嗰腩汁好香濃，用來撈麵或飯就一流！

一鳴水餃拼鮮鯪魚球粗麵配低糖豆漿好抵呀

水餃皮薄饀靚

下午茶時段奉送飲品，要了碗一鳴水餃拼鮮鯪魚球粗麵（$32+$10/雙拼）配凍低糖豆漿（+$2），健康有益。竟有三大隻水餃和三大粒鮮鯪魚球，抵呀！湯跟麵分開放，所以粗麵保持爽滑彈牙，加啲辣油更正。水餃皮薄滑，內饀包滿，有木耳、蝦、鮮豬等，好鮮爽，皮薄饀靚。

鮮鯪魚球彈牙鮮味

鮮鯪魚球大到好似乒乓波咁大，仲好彈牙，好有魚鮮味，喜歡！

腐乳通菜爽嫩，鹹香惹味

腐乳通菜（+$12/跟餐）兩者一向是最佳拍檔。通菜翠綠爽嫩，蘸上少許腐乳，鹹香惹味，又不失通菜的味道，岩晒！

爽脆海蜇的確好爽脆

味道調較好好

爽脆海蜇（$33）切成寬身，口感更佳，的確好爽脆。食前撈一撈，好香麻油味，仲有甘香的芝麻，味道調較好好，越吃越滋味。

 

所點嗰幾款都好好味

今次所點嗰幾款都好好味，下次要再試齊粥、粉和飯，仲有腸粉添….

 

店名：富景清香麵家

地址：北角渣華道132號渣華商業中心地下

識食之友推介

久不久就會問身邊識食的朋友仔有什麼好食肆推介，他們每次都沒有令我失望，太感謝！她今次就推介了一間中菜館給我，還要在我家附近，當然要去試試。

裝潢優雅

造型點心見到都想吃

枱與枱之間的距離不少

多張闊落的梳化卡座

食客有獨立的空間

裝潢優雅，簡約舒適，地方寬敞，設有多張闊落的梳化卡座、二至四人的圓枱和長枱，亦有六至八人大枱，枱與枱之間的距離不少，還用上優雅的圍板相間，令食客有獨立的空間。最吸晴就是放在門口的造型點心，見到都想吃。

用app點菜

清晰精美

附上菜式相片

易用

吸引

新張優惠

4-8人套餐

精選海鮮、廚房推介

新張優惠

用app點菜，清晰精美，附上菜式相片，又易用又吸引！分別有點心、前菜、主菜、烤鴨、飯麵、甜品及飲品。另外還有餐牌外選擇，包新張優惠、精選海鮮、廚房推介、4-8人套餐和甜甜品品。

**************************************

金箔原隻鮮蝦餃金箔外皮見到內饀，矜貴吸引

啖啖爽彈鮮美的蝦仁

新張優惠都不少選擇，當然不能錯過，點了一客金箔原隻鮮蝦餃（$32/2件），在皮面抹上金箔，加上薄薄的外皮見到內饀，矜貴得來又吸引。外皮薄滑，包着滿滿的內饀是啖啖爽彈鮮美的蝦仁，名乎其實的皮薄饀靚，正！

**************************************

涼拌魚皮啖啖麻辣味，香辣惹味

魚皮極之爽脆

接着是涼拌魚皮 （$58），陣陣麻辣香，刺激味蕾。魚皮的份量不少，還加配了一些爽口的雲耳仔。魚皮極之爽脆，吃落啖啖麻辣味，香辣惹味，但又不會令人吃至全口麻庳，味道剛好。

**************************************

金沙莆田聖子令人難以抗拒的菜式

肥美鮮味，微脆鹹香

金沙莆田聖子（ $78）是一道既邪惡，但又令人難以抗拒的菜式。聖子肥美鮮味，外層沾滿鹹黃金，隻隻金黃，微脆鹹香，熱辣辣，邊吃邊送啤酒更佳。

**************************************

新張優惠，一早已看中它

開邊美國龍蝦芝士送伊麵芝士香四溢，極誘人

龍蝦好有份量，絕不欺場

鮮甜美味，優質！

肉厚彈牙，啖啖肉

在門口已見開邊美國龍蝦芝士送伊麵（$188）新張優惠，一早已看中它。即點即焗，熱辣辣，芝士香四溢，極誘人。嘩！比我手掌還要大的龍蝦好有份量，真是絕不欺場。龍蝦舖滿焗至金黃半溶的芝士，芝味滿分，嚐到鹹香的芝士之餘，亦有本身的鮮味，鮮甜美味，優質！肉厚彈牙，啖啖肉，而龍蝦頭亦藏着龍蝦膏，甘香黏滑，動手吃好滋味！

伊麵沾上白汁芝士，又黏滑又香濃

還有伊麵底，弄得剛好，並沒有散爛，條條沾上白汁芝士，又黏滑又香濃，同樣邪惡得來卻令人難以抗拒。

**************************************

蟲草花翡翠苗有益美味

鮮香爽口

吃完幾道濃味的菜式，就要來一道清淡的蟲草花翡翠苗（$78）平衡一下。翡翠苗色澤青綠，清爽幼嫩，完全無渣，加埋鮮香爽口的蟲草花，配搭雖簡單，有益美味，很討我倆喜歡!

-----------------------------------

有識食之友推介果然零舍不同，今次也唔例外，又一好推介，不單止食物正，吃到我們津津有味，環境又舒適，服務亦佳，期待她下次的推介。

 

店名：將軍會館

地址：將軍澳貿業路8號新都城中心3期1樓137號舖