享受一刻

最開心就係平日放假，有時間去吓我心水咖啡list內的咖啡店，平日又休閒又寧靜，真係可以好好享受一刻。 

裝潢簡約舒適

座位唔多，共有六枱

可欣賞咖啡師的手藝

一早捉埋男朋友去咗呢間白色咖啡店，休閒地嘆杯咖啡，食嗰早餐。座位唔多，共有六枱，裝潢簡約舒適。開放式的製作區，可欣賞咖啡師的手藝。

牆上餐牌

飲品食品選擇

咖啡和奶類選擇

飲品配牛角包套餐

飲品有Black coffee、White coffee、Signature Drink和Non-coffee 系列。除飲品外，還有一些輕食，包括Pastry、Bagel和Dessert，仲有飲品配牛角包套餐。 

叫咗兩份Pastry和兩杯飲品

兩份Pastry都好味

雙色火腿芝士牛角包非常鬆脆

夾着雙色，芝士芝味滿分

叫咗兩份Pastry和兩杯飲品，先上熱辣辣的食品。雙色火腿芝士牛角包（+$18/原價$38）非常鬆脆，一口落去啲酥皮碎四散，滿滿牛油香，中間夾着鹹香的火腿、已溶化的車打芝士和積克芝士，芝味滿分，好好味！

香烤雞肉蘑菇批熱烘烘，批身鬆化

滿滿的內饀

香烤雞肉蘑菇批（$38）熱烘烘，批身鬆化，滿滿的內饀有嫩雞肉和爽口蘑菇，味道亦岩岩好，正！

熱鮮薑汁鮮奶咖啡薑味和咖啡味都香濃

飲咗一半都仲喺好靚！

男朋友要咗杯熱鮮薑汁鮮奶咖啡（$55），餐牌註明採用台灣阿里山竹薑，優質！心形的拉花圖案好清晰，飲咗一半都仲喺好靚！溫度好岩，入口香滑細膩，薑味和咖啡味都香濃，甜度亦岩岩好，好飲！ 

選用日本丸久小山園焙茶粉

日式焙茶鮮奶轉燕麥奶滿有焙茶的甘香

日式焙茶鮮奶轉燕麥奶 （$48+$5）就選用咗日本丸久小山園焙茶粉，聞到陣陣焙茶香，好嘢嚟！雖然嗰拉花圖案有少少曚，但都好滑，滿有焙茶的甘香，同燕麥奶都好夾，味道唔甜，喜歡！

 

店名：Kaleido Coffee

地址：屯門青山公路351號彩華花園地下21號舖

靚環境靚食物

友人早前結婚，我因返工未能出席，故趁假期相約，請她吃返餐慶賀。她一向對餐廳的環境和食物都好有要求，所以我每次都會精心挑選，找間優雅的咖啡店。

優雅的咖啡店

室內有闊落卡座

露天座位有太陽照射

室外有非露天座位

咖啡店分內外兩區，室內有一排闊落卡座，感覺好舒適！室外就有露天和非露天座位，有太陽照射下，感覺好溫暖！

*********************************

英式high tea 「當海神遇上花仙子」好豐富

先有視覺享受，好驚喜！

下午茶時間有三層英式high tea 「當海神遇上花仙子」（$328/2位）供應，鹹甜都有，仲好豐富。嘩！High tea一上枱就先有視覺享受，霧着乾冰煙，好驚喜！

件件都金黃

炸焗得香脆可口

馬蘇里拉芝士棒味道鹹香

由底層吃起，鹹點好豐富，足足有八款。最底層有馬蘇里拉芝士棒、芝士焗青口、脆炸墨魚咀和脆炸雞頸肉，件件都金黃，炸焗得香脆可口。最喜歡是馬蘇里拉芝士棒，外層好香脆，內是已溶的芝士，味道鹹香，正！

 

中間層各有特色

共有四款

鱘魚墨魚子鹹鮮有致

中間層有鱘魚墨魚子配煙三文魚他他、一口巴馬火腿披薩、血瑪麗雞尾酒蝦和牛角窩夫，各有特色。鱘魚墨魚子鹹鮮有致，魚蓉柔嫩鮮味；血瑪麗雞尾酒蝦好爽口，蘸上酸咪咪的海鮮醬更添美味；香酥的牛角窩夫塗上柚子蛋黃醬，味道吸引! 

甜點共有六款

細細件就最岩

焦糖燉蛋香滑甜美

輪到甜點，共有六款，分別有雙色馬卡龍、布朗尼、焦糖燉蛋、日本生芝士蘋果蛋糕和柚子芝士蛋糕，還有雪糕和柚子蛋黃醬。焦糖燉蛋香滑甜美，充滿蛋香，配些酸咪咪的雜莓就最夾；柚子芝士蛋糕亦不錯，口感輕盈，芝士加上酸酸甜甜的柚子，吃落不覺溜滯。還嚐了開心果味的馬卡龍，外鬆脆內煙韌，嚐到開心果味且甜度適中。

豆腐雪糕味道突出

雪糕口味有菠蘿雪糕和豆腐雪糕，個人較喜歡後者，冰凍香滑，豆腐味突出，好吃！

***********************************

朱古力咖啡美得很！又好飲

飲品有五款選擇，我和朋友都心靈相通，揀了杯朱古力咖啡($0/跟set)。嘩！美得很！除了有個清晰的心形拉花圖案外，周邊還有一個個細心和朱古力醬畫花，好有心機。一放近咀邊，聞到陣陣咖啡香，再馬上呷一口，溫度合宜，入口暖笠笠。咖啡味香濃之餘，也嚐到朱古力的甜美，若然少甜就更加好，但都讓我倆喝得好滿意！

-------------------------------------------------------

有要求的友人相當滿意這裏的靚環境靚食物，還讚我有好介紹。哈！老實說，其實我每次跟她吃飯都做足功課，看了很多間餐廳的食評才決定，雖用不少時間，但見到友人滿意的樣子我就高興。

 

店名：Cafe Terrace

地址：尖沙咀亞士厘道24-38號天星大廈4樓平台

好掛住

因為我好鍾意Bagel，所以之前都專登嚟過，但對我嚟講真係好唔就腳，既然今日去開mikiki，緊係行埋過對面。

好鍾意Bagel

見到呢個Bagel櫃就開心

店面雖小，但麵包的款式唔少

翻熱方法

店面雖小，但麵包的款式唔少，特別見到呢個Bagel櫃就開心，放滿多款口味，真係好有衝動試齊佢地，但嗰胃邊有咁大呀!? 下單處見到貼了翻熱方法，即刻影低佢先。 

兩鹹一甜都脹卜卜又亮澤

台式芋泥鹹蛋肉鬆勁鍾意！

三款材料係最佳拍擋

貝果有鹹亦有甜，今次兩鹹一甜，三個都脹卜卜又亮澤，靚仔！翻焗後，口感外脆內柔韌，好有嚼勁，好實在，正！台式芋泥鹹蛋肉鬆（$36）內饀豐富，芋泥粉綿香甜，配上鹹香的鹹蛋黃和肉鬆，三款材料係最佳拍擋，勁鍾意！

泡菜芝士辣雞舗滿金黃的芝士

鹹香帶辣，好惹味

另一個係泡菜芝士辣雞（$36），泡菜加辣雞火辣辣！包表舗滿金黃的芝士，內饀雞粒幾嫩，全個鹹香帶辣，好惹味，越食越滋味！

焙茶花生好香焙茶味

內有花生醬和花生粒

甜味有好多選擇，要咗個焙茶花生（$29），內有花生醬和花生粒，啖啖花生香甜，同味道甘苦的焙茶好夾，全個唔會太甜。

 

店名：玖拾烘焙

地址：新蒲崗景福街63號地舖

蕃茄好有益

大家都應該知蕃茄多有益，所以我成日用佢嚟煮餸、煲湯，開胃有益，正呀！今日見到呢間用蕃茄肴湯底嘅麵店，緊係會引咗我地入去啦！

門面和內裏同樣用橙紅色系

有一排排長梳化座

坐得幾舒服

門面和內裏同樣用橙紅色系，好有代表性，仲好搶眼。地方都幾闊落，仲有一排排長梳化座，坐得幾舒服。 

QRcode 落單

仲有其他

主力係自家鮮茄濃湯麵

主力當然係自家鮮茄濃湯麵，仲有小食、添加風味、配菜和飲品。用QRcode 落單，方便快捷。

牛魔王上海麵有兩款牛

蕃茄湯底超級香濃

上海麵又滑又好味

加65度有機溫泉蛋拌食，正！

係多款麵食中揀咗牛魔王上海麵（$94），有和牛𦟌和牛肩胛，每款兩件。鮮橙色的蕃茄湯底超級香濃，口感濃厚，酸咪咪好醒胃，配埋掛湯力強的上海麵，又滑又好味！再將65度有機溫泉蛋（$12）放入蕃茄湯中拌食，好似變咗蕃茄蛋，正！

和牛肩胛肉嫩牛味濃

和牛𦟌腍嫩

兩款牛都好吸引，和牛𦟌腍嫩，夾雜咗有咬口的牛筋；和牛肩胛啖啖肉，肉嫩牛味濃，四款都好正。

炭燒風味雞扒刀削麵雞扒有些焦香

啖啖嫩肉

65度有機溫泉蛋好滑嘟嘟

媽媽招牌手工餃外皮滑，內饀多

菜和肉平均

朋友要咗碗炭燒風味雞扒刀削麵（$68），同樣加隻滑嘟嘟的65度有機溫泉蛋（$12）。雞扒有些焦香，啖啖嫩肉，不錯！再加配媽媽招牌手工餃（$24/3粒），外皮滑，內饀多，菜和肉平均，又唔肥，有營之選。 

秋葵、淮山和野生雜菌夠健康！

加咗秋葵（$12）、淮山（$12）和野生雜菌（$18），前兩款都咁岩係清爽，同黏黏地，無油無鹽，夠健康！野生雜菌好爽口，經香煎後稍稍香口，好食！ 

清漉·千里烏龍茶味甘香

里獅茶癮·台瘋奶茶香滑味濃

朋友要了支清漉·千里烏龍（$18），茶味甘香，解膩消滯的好選擇；我就要包里獅茶癮·台瘋奶茶（$28），香滑味濃，味道甜美，仲有涼粉食，好飲又好食。

 

店名：蕃茄仔

地址：新蒲崗太子道東638號MikikiLG層7A號舖