男友好鍾意食下串燒，飲返兩杯。身為女朋友的我，有時都會陪下佢，飲下食下，摸住酒杯底自然會講多啲嘢，多啲了解對方，感情自然好。今晚又有培養感情時間。
 |
| 落地磨砂玻璃若隱若現，幾有神秘感! |
 |
| 一入門就係吧枱座 |
 |
| 和式座位 |
 |
| 可以睇住師傅們燒烤 |
他搵咗一間新開的串燒店，門口的落地磨砂玻璃若隱若現，幾有神秘感! 設計時尚獨特，都幾吸晴。裏面木系的裝潢，加埋柔和的燈光，真係傾計飲嘢的好地方。座位分咗兩區，有可以睇住師傅們燒烤的吧枱座，亦有和式座位，約有二十個多位。
 |
| 三款套餐 |
 |
| 前菜蔬菜杯配自家製醬料和三款鹽 |
 |
| 三款套餐 |
有單點串燒和三款套餐，唔想揀來揀去，一於點兩個套餐：《紅葉》和《寒梅》，各有七款串燒及一個燒飯團，都幾豐富。即點即燒，邊聞住香氣邊食前菜蔬菜杯($20)，有甘荀條、青瓜條、白蘿蔔條和椰菜，全部都好清爽，配埋師傅自家製醬料和三款鹽：咖喱、竹炭和柚子味吃就岩晒。
 |
| 飲品MENU |
 |
| Suntory Premium Malt幾有麥味，口感順滑 |
食串燒梗係要返杯啤酒 Suntory Premium Malt ($78/380ml)，大大杯，入口冰涼透心，幾有麥味，口感順滑。
 |
| 汁燒豆腐外香脆內嫩滑；汁燒茄子外皮柔軟，茄肉嫩滑 |
點咗《雛菊》($238)和《寒梅》
($338)，兩款食物合埋一齊出。汁燒豆腐金金黃黃，外香脆內嫩滑有汁，好有豆香，配上木魚碎，加添鹹鮮，不錯！汁燒茄子同樣加了木魚碎，外皮柔軟，茄肉嫩滑。 |
| 銀杏圓潤飽滿；豬肉蘆荀卷配得好 |
銀杏透亮，圓潤飽滿，燒製時間剛好，口感唔錯，微苦鹹香。豬肉蘆荀卷都燒得岩岩好，豬肉保持油潤，中間捲着的蘆筍段保持爽嫩，以清新的味道中和豬肉的鹹香和油份，又配得好。
 |
| 雞腎爽脆；紫蘇葉魷魚卷有獨特的味道 |
 |
| 雞骨豬骨腸香辣惹味 |
雞腎細細粒，口感爽脆；紫蘇葉魷魚卷有紫蘇獨特的味道，跟鮮嫩爽口的魷魚又幾夾，好食！雞骨豬骨腸外衣脆口，內裏保存肉汁，味道香辣惹味，馬上要飲啖啤酒送下。
 |
| 香蔥牛燒牛味香濃 |
香蔥牛燒舖滿青香的蔥花，好香！肉嫩多汁，牛味香濃，鍾意呀
 |
| 汁燒雞肉大葱串好入味 |
 |
| 雞肉嫩，大葱爽 |
汁燒雞肉大葱串好入味，又係唔駛點調味料。雞肉嫩，大葱爽，兩樣夾埋就岩晒，好食!
 |
| 阿波尾雞翼香脆可口，肉嫩鹹香 |
 |
| 粟米牛油燒清甜多汁 |
阿波尾雞翼外表燒至金黃色，好靚仔！雞皮香脆可口，又有雞油香，平時少食雞皮都忍唔住…肉嫩鹹香，邊食邊乾杯就岩。粟米牛油燒色澤鮮黃，清甜多汁，帶點牛油香，簡單而美味。
 |
| 燒白鱔啖啖魚油香，夠肥美 |
 |
| 魚皮咬下去"卜卜"聲 |
燒白鱔係我最愛，燒得金黃，魚皮少少焦燶，極之香脆可口，咬下去"卜卜"聲，鹹香滋味，正！潔白的鱔肉鮮嫩，啖啖魚油香，邊食邊滴汁，夠肥美，加上調味剛好，鹹鮮有至。
 |
| 蒜蓉牛油蝦肉厚爽彈，有鹹香蒜味 |
蒜蓉牛油蝦跟我手掌般長，好有霸氣。面頭完全被蒜蓉牛油覆蓋，聞到濃烈的牛油蒜香。大蝦肉厚爽彈，啖啖肉，有鹹香蒜味外，亦食到原有的鮮味，又要乾杯！
 |
| 燒飯團外層香脆可口 |
 |
| 用紫菜夾住食，更好味 |
燒飯團全件都燒得金黃，外層香脆可口，內層軟糯，用脆卜卜的紫菜夾住食，更好味。
最鍾意佢每碟都配咗粒清甜多汁的車厘茄和一小件檸檬，每食完一款都可清下口腔，又有啲蔬菜平均下，讚呀!
店名：博居酒屋
地址：太子通菜街223號麗明大厦地下D號舖
