找到台灣味

我同男朋友最想去台灣旅行，雖然終於等到可以飛，但講真呀⋯⋯真係未敢外遊。一直無去，但就成日掛住台灣啲美食，久唔久就會係香港搵下有咩小店食到正宗台灣風味，今晚終於搵到。

門口的字句發人深省，鍾意！

工廈真係隱藏了不少美食，小店係觀塘的工廈，門口的字句發人深省，鍾意！

好似去了九份十份

好似去了九份十份

長方形格局

整齊企理

裡面地方唔算好大，長方形格局，有兩行座位，間咗二或四人枱，整齊企理。睇住牆上旅館大海報就好似去了九份十份咁，哈！

有幾個系列

大部分都係去台灣必食

劃紙字的餐單，有幾個系列，分別有台式便當、乾拌麵、小吃、滷水、飲品、甜品等，大部分都係去台灣必食。

去台灣必食

牛三寶轉刀削麵有齊牛腱肉、牛筋、牛肋條

牛筋滑嘟嘟，好好味！

香濃入味

腍嫩入味

Q彈柔韌

要咗碗牛三寶轉刀削麵（$80+$5)有齊牛腱肉、牛筋、牛肋條，正！好大碗，每款牛都有三四件，全部都好腍嫩入味，牛筋滑嘟嘟，好好味！刀削麵煮得岩岩好，Q彈柔韌，同香濃的湯底一齊食更正，男朋友差啲飲晒嗰湯。

滷雞腿便當好有份量

勁大隻和多肉的雞腿

滷肉鹹香入味

滷雞腿便當 （$65）都好有份量，勁大隻和多肉的雞腿，好嫩滑入味，仲加咗鹹香入味的滷肉和雪菜，撈飯一流！半隻滷蛋都唔錯，夠入味。

蚵仔煎風味十足！

蚵仔好肥美鮮味

蚵仔煎 （$42）有不少又大大肥的蚵仔，好鮮味，中間仲有啲清爽的菜，淋上蚵仔煎獨有的醬汁，風味十足！

起司肉鬆蛋卷餅食到台灣的味道

吸引到不得了！

饀料爆滿

最愛最愛最愛起司肉鬆蛋卷餅（$40），終於食到台灣的味道了！脹卜卜，不止靚仔，但好有內饀。要趁熱食，挾起嗰時拉起絲，吸引到不得了！外皮有咬口，仲稍香脆，食到蛋香，中間爆滿芝士和肉鬆，捲埋一齊食，鹹香滋味。十個讚！！

桂圓薑母茶及熱百香果綠茶加蜂蜜蘆薈各有特色，好飲!

男朋友要杯桂圓薑母茶 （$10 /跟飯麵半價），熱辣辣，亦火辣辣，薑味好濃，辣中有甜，飲完真係好暖身，勁！我要杯熱百香果綠茶加蜂蜜蘆薈 （$13+$6/跟飯麵半價），暖笠笠，味道酸酸甜甜，開胃滋潤，蘆薈粒又香甜又滑，同杯飲品好夾。

 

店名：日月堂

地址：觀塘興業街14號永興工業大廈4樓C2室