款款都好食

今晚同食素同事賀生晨，搵咗間素自助餐店，任飲任食90分鐘，一定岩晒佢!

環境幾好

地方夠晒大

好整齊

呢間素食店環境幾好，門口綠油油，好fresh。開放式的設計，地方夠晒大，有多張二至四人枱，仲有兩排長沙發座四人枱和幾張卡座，而最入就係食物區，好整齊。

免收加一，平!

素食自助餐有三個時段，晚巿任食90分鐘，由18:00至22:00，成人收$130，小童和長者卡收$110，仲免收加一，平!

素刺身

冷盤

食物都有幾多選擇，一定會食得飽。冷盤有素刺身、沙律菜、雜果沙律、車厘茄、粟米、西瓜、哈蜜瓜、醃菜、涼拌青瓜、醋蘿蔔、素海蜇等等，還配備多款醬料。

多款炸物小食

炸物小食有咖哩角、春卷、蛋散、蘿蔔糕、腸粉、素腐皮卷、琵琶豆腐、芋頭魚、天婦羅蕃薯、素叉燒等。

熱葷

熱葷

熱葷

熱葷

熱葷

熱葷

白粥和白飯

熱葷就有上豆腐炆茄子、炒四季豆、雜菌准山萵荀、菜心、滷水豆腐、咖哩青椒薯仔、雲耳馬蹄炆菇、菠蘿咕嚕肉、椰汁芋頭南瓜、蓮藕炆素肉、豉油王炒烏冬、田園炒飯、白粥和白飯。

 

普洱茶、羅漢果

五寶素羹

蒸糕點

飲品有熱普洱茶、羅漢果、果汁、中湯、五寶素羹、綠豆沙等等。甜品有蒸糕點、凍糕和雪糕。

用猴頭菇製成的菠蘿咕嚕肉每次都有拎

素刺身都幾特別

素叉燒都整得好入味

 攞咗三大碟，試咗豆腐炆茄子、炒四季豆、雜菌准山萵荀、滷水豆腐、雲耳馬蹄炆菇、菠蘿咕嚕肉、椰汁芋頭南瓜、蓮藕炆素肉、蘿蔔糕、炒腸粉、素腐皮卷、琵琶豆腐、芋頭魚、天婦羅蕃薯、素叉燒、素刺身、醋蘿蔔等，差唔多全部都食齊，勁! 超喜歡用猴頭菇製成的菠蘿咕嚕肉，口感好正，味道酸咪咪，好開胃，每次都有拎，好好食!

芋頭魚啖啖芋泥

素腐皮卷好飽滿！

素腐皮卷好金黃靚仔，幾香脆，捲着不同的蔬菜和菇，好飽滿！雜菌准山萵荀都好食，准山炒得清爽，又係要encore。滷水豆腐和蓮藕炆素肉都整得非常入味，食完再食。素刺身都幾特別，點埋芥末豉油，真係好似食緊刺身。芋頭魚啖啖芋泥，又香又粉，正! 素叉燒都整得好入味，賣相又得。蘿蔔糕和炒腸粉都唔錯。

五寶素羹味道唔會好濃

羅漢果茶味道清甜

豆腐雪糕啖啖豆香

五寶素羹有冬菇絲、木耳絲、腐竹絲等，口感豐富，味道唔會好濃，岩我。羅漢果茶暖笠笠，味道清甜，滋潤順喉。最後食埋豆腐雪糕和雲呢拿雪糕，啖啖豆香，滿足!

 

店名：日常素食

地址：黃大仙龍翔道136號黃大仙中心北館2樓N201-N202及N226A號舖