高質中菜

上次同男朋友去過酒樓食中菜後才知道他好喜歡中菜，今晚趁我出開尖吵咀，就搵間酒樓同他撐下枱腳。

酒樓新開張，光鮮企理

menu的設計配返店名

酒樓新開張，地方光鮮企理，環境光猛，跟一般酒樓的格局相若，有大廳和廂房。大廳設有多張四人圓枱，亦有數張大圓枱，枱與枱之間有幾多空間，坐得舒服。早嚟到未有人，點知坐下坐下就差唔多爆滿……

選擇多到不得了

選擇多到不得了

選擇多到不得了

選擇多到不得了

選擇多到不得了

睇下餐牌，選擇多到不得了! 有海鮮、鮑參翅肚、魚翅、雞鴨鴿、豬肉、牛肉、湯羹、飯麵、小菜、小食、甜品等等，真係唔知食乜好，就交俾男朋友揀。 

花生鹹香脆口

晚巿茶($18/位)，要咗壺普洱茶，好香濃。另有一碟前小食($20)，係鹹香脆口的花生，好食!

杏汁燉豬肺湯十個讚！

真材實料

第一時間先要兩碗湯暖暖身。奶白色的杏汁燉豬肺湯 （$ 80/ 位）鮮甜美味，啖啖杏汁味，香濃順喉，燉得好夠火喉。湯料有腍滑的豬肺、鮮香的豬肉粒和雞腳、原粒的蓮子等，真材實料，絶無味精，難怪如此美味，十個讚！

花膠瑤柱羮味道鮮香

落足料，口感豐富

花膠瑤柱羮 （$98/位）都落足料，花膠、冬菇、瑤柱、瘦肉都切成幼絲，口感豐富，味道鮮香，最愛必定係爽滑的花膠，女人恩物呀！

豉油皇 BB 鴿色澤亮麗，好靚仔!

鹹香鮮香兼備，一流!

肉嫩滑，充滿肉汁

豉油皇 BB 鴿 （$68/只）色澤亮麗，好靚仔! 鴿皮薄油潤，雖然BB鴿細細隻，但都啖啖肉，啲肉仲好嫩滑，充滿肉汁，鹹香鮮香兼備，一流!

芝士中蝦有新意的配搭

拉絲，好 “芝”味!

好彈牙，好鮮

芝士中蝦 ($152)勁多芝士，一舀起就拉絲，好 “芝”味! 隻隻中蝦都好彈牙，仲有蝦膏添，好鮮! 沾埋啲芝士一齊食，鹹鮮兼備，有新意的配搭，好味!  

果皮蒸鮑魚一向都係最佳拍檔

肉厚鮮美，嫩而彈口

果皮蒸鮑魚 （$120/4只）即點即蒸，新鮮熱辣。鮑魚肉厚，蒸得岩岩好，嫩而彈口，味道鮮美，配埋甘香的果皮絲一齊食，兩者一向都係最佳拍檔，正!

西蘭花炒帶子唔油唔鹹，讚！

帶子厚身，鮮嫩彈牙

西蘭花炒帶子 （$188）滿滿一大碟，份量足，色彩豐富，很吸引！每隻帶子都好厚身，鮮嫩彈牙，優質! 西蘭花翠綠爽口；紅黃椒亦清爽，最重要係唔油唔鹹，讚！

楊枝甘露味道唔太甜

爆爆珠食落好特別

甜品不能少，揀了楊枝甘露($45/碗)，最特別唔係用露米，而係用咗Q彈的爆爆珠，食落好特別。有甜美的芒果粒，亦有酸咪咪的柚子肉，味道唔太甜，岩晒我。

 

店名：新竹園軒

地址：尖沙咀漆咸道南79號中國五礦大廈3樓