已有一段時間沒有見嫂嫂，早排買的泰國手信也未給她。無法啦！她又忙工作，又忙照顧兩個小孩，仲要規定自己一至五必要回家教功課，總之就忙過不停，好不容易才約到今個星期六，所以要好好慰勞她，讓她吃得開心，吃得開懷，自助餐就最適合不過。
 |
| 正推出「亞太海鮮盛宴」 |
得知荃灣如心海景酒店Cafe Circle 正推出「亞太海鮮盛宴」，星期一至四成人（$428+10%）；星期五六及公眾假期（$478+10%），而Openrice 仲有優惠券，抵！我倆都是海鮮迷，岩晒啦！
 |
| 開揚舒適 |
 |
| 有一間間獨立房，地方寬敞闊落 |
 |
| 很適合聚餐交談，環境不錯！ |
餐廳環境優雅清靜，地方寬敞闊落，樓底又高，感覺開揚舒適。裝潢並不花巧，簡約優雅，給人很舒服的感覺。分有幾區，有十多人的會議式長枱、多張四人枱和大長枱，還間有一間間獨立房，走入一點仲有圓枱，座位挺多，而枱與枱之間都有一定距離，既方便客人出入取食物，亦很適合聚餐交談，環境不錯！
*********************************************
 |
| 沙律區 |
安坐後便馬上向食物區進發，所有食物都擺放集中，方便拿取。先去沙律和凍盤位置，沙律有三款已製沙律，包括德國薯仔沙律、泰式鳳爪沙律和螺絲粉沙律，款式較少，但沙律配料就有很多選擇，分別有車厘茄、紅菜頭、黑水欖、芝士粉、麵包粒、田園生菜、羅馬生菜、紅腰豆、粟米甘、鷹咀豆、泡菜、三色椒等等，可配上而只有法式沙律醬、義大利汁、凱撒沙律醬和千島醬。
 |
| 凍海鮮 |
 |
| 凍食品 |
至於凍盤就分兩大類，凍海鮮有翡翠螺、青口、凍鮮蝦、龍蝦仔、雪蟹腳和亞拉斯加蟹腳；凍食品就有煙三文魚、甜酸和蠔油齋上素、黑椒吞拿魚、蟹肉啫喱、燒釀雞卷、海鮮紫菜蛋卷、雜肉腸和炒香腸伴菜根和芝士拼盤，好豐富呀！
 |
| 沙律拼凍海鮮質素很好 |
先來一碟沙律拼凍海鮮，沙律菜相當新鮮爽嫩，配料亦不錯；揀了三款凍鮮，有鮮甜肉嫩的亞拉斯加蟹腳、爽彈的凍鮮蝦和鮮味的龍蝦仔，三款的質素也很好。
 |
| 凍拼盤製作特別，又精緻 |
第二碟是凍拼盤，選了煙三文魚、黑椒吞拿魚、蟹肉啫喱、海鮮紫菜蛋卷和炒香腸伴菜根，集成一起，色彩豐富，令人胃口大開。當中最喜歡是黑椒吞拿魚，肉質挺嫩，帶胡椒辛椒，味道討我歡喜；蟹肉啫喱賣相不錯，製作特別；煙三文魚色澤亮麗，味道稍稍鹹香，肉質柔軟，質素不俗。
*********************************************
 |
| 刺身區 |
 |
| 壽司 |
 |
| 全部刺身都好新鮮，絕對是encore 之選 |
接着就向日式食品進發，有壽司、刺身、冷麵、中華沙律和甜蝦。刺身選擇都幾多，有三文魚、鯛魚、八爪魚、吞拿魚、希靈魚，竟然仲有海膽，正！除了八爪魚和吞拿魚外，全部都要齊。三文魚油潤肥美；鯛魚爽嫩鮮味；海膽油潤豐膄，全部都好新鮮，絕對是encore 之選。
*********************************************
 |
| 蟹皇海鮮素翅羹用料十足，味道剛好 |
一輪凍食後就要暖暖胃仔，先飲碗熱湯。中湯是蟹皇海鮮素翅羹，而西湯就是意大利雜菜湯，旁邊仲有多款麵包。又想喝中湯，但又想吃麵包，就中西合璧吧！蟹皇海鮮素翅羹用料十足，口感黏滑，味道剛好，仲暖笠笠，好喝！芝麻包不止造型特別，仲挺軟熟，但配中湯就真係唔多夾，哈！
*********************************************
 |
| 焗波士頓龍蝦拼焗得金黃美味 |
 |
| 龍蝦爽彈鮮味，放入脆筒內同吃，好夾！ |
主題是海鮮盛宴，當然有特別菜式，知悉每位客人均有一份焗波士頓龍蝦拼法式鵝肝，我和嫂嫂也不吃鵝肝，事先通知服務員，就淨上來一碟焗波士頓龍蝦，果然安排妥當，大家都惜食。大大隻龍蝦焗至金黃，多肉厚身，爽彈鮮味，起肉放入脆筒內同吃，加埋內裏的沙律菜，好夾！唔止呀！仲有龍蝦頭中甘香的蝦膏和啖啖肉的龍蝦鉗，令人吃得好滋味，滿足！
*********************************************
 |
| 火光熊熊，令我看到目定口呆 |
驚喜陸續來，見一大堆人排隊，當然唔執輸，原來火焰珍寶蠔出場。嘩！見大廚淋酒點火，火光熊熊，令我看到目定口呆。
 |
| 火焰珍寶蠔極之巨型，散發陣陣酒香 |
 |
| 爆出大量蠔汁，肉嫩鮮味 |
珍寶蠔表面燒至帶些焦色，散發陣陣酒香。其極之巨型，原來內藏兩大隻肥美的蠔肉，咬一口已爆出大量蠔汁，肉嫩鮮味，還帶有酒香，真係又睇得又食得，有新意！
*********************************************
 |
| 一排長長的熱盤 |
 |
| 好多選擇 |
 |
| 多都令人眼花撩亂 |
 |
| 好多海鮮 |
仲未吃熱葷，是時候啦！一排長長的熱盤，究竟有啲乜？逐一細看，有海鮮窩、潮式煎蠔餅、中式火鍋、燒牛腓骨西冷、燒羊肶、炸物、日式烤餅、自家製燒味、羊肉咖哩、天多尼雞肉、印度烤餅、燒羊架配香草汁、甜豆炒鮑貝、香煎龍脷柳配香草忌廉汁、白酒青口、海鮮意粉、清蒸粉絲扇貝、龍蝦炆伊麵、清蒸海上鮮、辣酒煮翡翠螺、白飯.....多都令人眼花撩亂。
 |
| 四款菜式都值得再encore |
先要了甜豆炒鮑貝、香煎龍脷柳配香草忌廉汁、清蒸粉絲扇貝和清蒸海上鮮。四款菜式都值得再encore，最喜歡是清蒸粉絲扇貝，肉厚肥美又鮮味，粉絲入晒味，馬上再來一隻。龍脷柳和蒸魚都好嫩滑，而甜豆炒鮑貝就好清爽入味。
 |
| 蒜蓉汁海鮮窩熱辣辣，好惹味！ |
再來一個海鮮窩，即點即製，有蒜蓉汁、咖哩汁和薑蔥選擇，揀了配較惹味的蒜蓉汁，成品有爽彈的鮮蝦、肉嫩的青口和清爽的生菜，熱辣辣，好滋味！
*********************************************
 |
| 甜品分放在三處，好豐富吸引 |
停止啦！再唔停就無空間食咁精美的甜品了....甜品分放在三處，真係好豐富吸引。數數看，甜品有豆腐花、蘋果金寶牛油布甸、朱古力噴泉、生果酥、焗藍莓杏仁金寶、布朗尼、牛油蛋糕、特濃巧克力蛋糕、意大利芝士布甸、綠茶芝士餅、雜果啫喱、伯爵朱古力奶凍、栗子軟餅、芒果布甸、奶凍、朱古力奶凍、楊枝甘露、三款Haagen-Dazs雪糕、雪糕配料等等，而且隨時仲會有新嘢推出，興奮！
 |
| 十多款甜品都吃清光 |
足足取了十多款甜品，但我倆絕對吃清光，好惜食㗎！當中最令我深刻有黑芝麻綠茶杯，黑芝麻香帶出綠茶味，配搭特別；蘋果金寶牛油布甸熱烘烘，蘋果半腍半爽，加埋香脆的杏仁條和金寶粒，好味！仲有特濃巧克力蛋糕都好好味，香濃幼滑的朱古力慕絲配上酸咪咪的紅桑子醬，並不甜膩；還有意大利芝士布甸都好吃，口感細膩，啖啖酒香，岩晒我。
 |
| 芒果紅桑子加些杏仁和朱古力針更好吃 |
雪糕就有朱古力、雲尼拿和芒果紅桑子。飽啦！只能吃一款，芒果紅桑子酸咪咪，無咁甜膩，加些杏仁和朱古力針更好吃。
*********************************************
 |
| 鮮果拼盤 |
 |
| 三款都香甜多汁，好新鮮 |
水果是鮮果拼盤，要有菠蘿、西瓜和哈蜜瓜，三款都香甜多汁，好新鮮。
*********************************************
 |
| 飲品區 |
飲品有咖啡、奶茶、檸茶、檸水、茶和兩款果汁選擇，來杯熱檸茶配甜品就最適合不過。
-------------------------------------------------------
 |
| 最難忘是那隻火焰珍寶蠔，簡直是一場精彩的表演 |
食咗咁多，究竟有幾多款海鮮？真係多都數唔晒。一晚吃盡多款海鮮，真是「海鮮夜。滿足夜」，但最令我難忘莫過於那隻火焰珍寶蠔，簡直是一場精彩的表演，厲害！厲害！
店名：Café Circles
地址：荃灣楊屋道8號香港如心海景酒店暨會議中心9樓
