為我記錄下不少食評的手提電腦不止螢幕花花地，仲Memory
不足，Keyboard 又失靈，它開始衰老了....雖很不捨得這位 “戰友”，但擔心捱不多久，決意要肥哥買部新的給我作為生日禮物，點知....他話俾佢用緊嗰部我，真孤寒！但好過無啦...幸好他肯千里迢迢送到我家附近，咁就請佢吃返餐答謝。
 |
| 門面好醒神，亦充滿歡樂 |
餐廳開放式門口，鮮黃色的門面，好醒神。近門擺放了大型餐牌外，還有部爆谷機和一座雪糕櫃，另一邊仲插滿汽球，充滿歡樂，所以不少小朋友行過都好興奮。
 |
| 半開放式的廚房 |
 |
| 闊落的卡座和沙發座 |
 |
| 出入方便，亦坐得舒適 |
走進內裏，一邊是半開放式的廚房，另一邊是用膳區。泊靠設有闊落的四人卡座和一排排沙發座，而中間就設有數張四人枱，枱之間有一定距離，出入方便，亦坐得舒適。
 |
| 兩份餐牌設計精美清晰 |
 |
| 主食選擇 |
每枱都放有餐具、餐碟、餐紙、兩款調味料和餐牌。餐牌分兩份，一是主食，另一是甜品飲品，每版都附有菜式相片，設計精美清晰。主食分別有前菜、主菜、全日早餐、兒童餐、意粉、沙律、意大利粉、飯和湯。
 |
| 甜品選擇 |
 |
| 飲品選擇 |
甜品有Movenpick 雪糕系列、窩夫山系列、窩夫系列、鬆餅系列、多士磚系列、心太軟系列、木糠布丁系列、雪糕船系列、其他精選和雪山系列；而飲品就有奶蓋系列、特飲系列、花果茶系列、沙冰系列、朱古力、Movenpick咖啡，各類的選擇都好豐富。
***************************
 |
| 虎蝦沙律選材多變，色彩豐富 |
 |
| 大虎蝦鮮橙亮麗，爽彈鮮味 |
先來一客虎蝦沙律 King
Prawn Salad ($78)，單單隻巨大的虎蝦已很吸晴。大虎蝦開半，既方便進食，又更有睇頭，肉質鮮橙亮麗，爽彈鮮味，簡簡單單以鹽提味，不失鮮味，質素佳！雜沙律菜新鮮爽嫩，還配上青瓜、櫻桃蘿蔔、紫洋蔥，拌入酸咪咪的紅莓乾和醋汁，選材多變，色彩豐富，亦清新怡人，喜歡！
***************************
 |
| 香草燒春雞 香氣十足 |
再來一客香草燒春雞 Rosemary Herbs Spring Chicken ($98/半隻），可選半隻或全隻，真貼心。一上枱，陣陣香氣不斷湧入鼻子，不禁說句「好香」，加上伴菜色彩豐富，有清甜的甘荀粒、清爽的西蘭花和有咬口的新薯，不錯！
 |
| 肉質潔白嫩滑 |
 |
| 雞皮滑溜兼帶點焦香和香草香 |
 |
| 蘸上旁邊的燒汁，更好吃 |
肥哥喜歡雞胸，貪佢啖啖肉，而我就喜歡雞脾，貪佢有骨，各取所好，不用爭，哈！燒弄合宜入味，肉質潔白嫩滑，跟雞皮同吃更美味，滑溜兼帶點焦香和香草香，又不肥膩，吃時再蘸上旁邊的燒汁，更好吃。
***************************
 |
| 來到「Say Cheese」，點可不吃有芝士呢？ |
 |
| 焗芝士蟹肉龍葵菇釀了蟹肉絲，伴着半溶的芝士 |
 |
| 啡菇既爽口又多汁，啖啖菇香 |
來到「Say Cheese」，點可不吃有芝士呢？就揀幾款，芝士系列出場啦！先出場是焗芝士蟹肉龍葵菇 Baked Cheesy Portobello with Crab Meat ($72)，一客兩大隻，焗至表面金黃。
又大又厚的啡菇焗得剛好，既爽口又多菇汁，啖啖菇香，釀了柔軟的蟹肉絲，伴着焗至半溶的鹹香芝士，配搭美味。很喜歡餐廳每道菜式都配啲沙律菜，既健康又可平衡一下油膩感，讚！
***************************
 |
| 芝士蝦球粒粒金黃，香脆可口 |
第二款芝士系列是芝士蝦球
Cheesy Shrimp ($42)，以一個小鐵pan盛載上枱，更有風味！蝦球啲啲骰骰，一粒一口，粒粒金黃，香脆可口，沒有油淋淋之感，加上伴了大量沙律菜，可清新一下。
 |
| 爆出芝士溶，芝味滿分 |
 |
| 蘸上他他醬就添美味 |
一切開便爆出鹹香的芝士溶，芝味滿分，味道香濃，但蝦球不夠厚身，蝦味就變得有點失色......而蘸上所配備的他他醬就添美味。
***************************
 |
| 海鮮芝味焗飯熱辣辣，芝香四溢 |
 |
| 米飯粒粒分明，乾身而不油膩 |
唔好俾佢停，繼續eat cheese ，肥哥看中海鮮芝味焗飯 Cheesy Seafood Baked
Rice ($108)，熱辣辣，芝香四溢。焗飯是炒飯底，加入雞蛋和甘荀片，米飯粒粒分明，乾身而不油膩，拌勻面頭的芝士白汁，芝味十足，亦滋味十足，哈！
 |
| 海鮮有四款 |
海鮮有肉厚的帶子，肉質鮮嫩；有份量的虎蝦，肉質鮮爽；細小的蜆仔，肉質柔韌，三款也不錯，唯獨是青口味道偏鹹，可惜....
***************************
 |
| 鮮果熱情果奶蓋酸香中滲出淡淡的芝香 |
最後一款芝士系列是肥哥要的鮮果熱情果奶蓋 Fruity
& Passion Fruit Cheese Foam ($32)。面層是豐厚綿密的奶蓋，喝前先拌勻，酸香中滲出淡淡的芝香，飲落唔會好溜滯，肥哥話喜歡。
***************************
 |
| 熱香橙柚子茶酸酸甘甘，開胃解膩 |
 |
| 內有鮮橙、青橘子和鮮柚子肉 |
我就點壺熱香橙柚子茶
Orange & Pomelo Tea ($42)用來伴接着出場的甜品。入口微暖，茶色中等，既有茶香，亦有果香。內有幾片鮮橙和青橘子，還有不少圓潤飽滿的鮮柚子肉，味道酸酸甘甘，開胃解膩，好喝！
***************************
 |
| 栗子忌廉鬆餅伴Movenpick 咖啡雪糕份量好足 |
甜品選擇很多，各系列都挺吸引，令我地難下決定。先來一客栗子忌廉鬆餅伴Movenpick 咖啡雪糕
Chestnut Cream Pancake with Coffee Ice-Cream ($62+$18) ，嘩！三大件鬆餅疊得高高的，加埋旁邊的雪糕球，份量好足。
 |
| 鬆餅鬆軟兼回彈，但粟子忌廉味道不算突出 |
 |
| 配上咖啡雪糕，冷暖交融，美味的配搭！ |
金黃的鬆餅鬆軟兼有回彈，滿有蛋奶香，每件鬆餅之間塗上層香滑的粟子忌廉，稍稍香甜，味道不算突出....還是喜歡配上雪糕，冷暖交融，咖啡味香濃，美味的配搭！
***************************
 |
| 多款Movenpick雪糕口味選擇及免費加一款Topping |
 |
| 熱情果芒果雪糕配爆谷酸甜香脆，開胃醒神 |
Movenpick雪糕一向是最愛的品牌，難得餐廳有咁多款口味選擇，仲可免費加一款Topping，真係忍唔住口。客人喜歡的話仲可到雪糕櫃旁自行加Topping，有棉花糖、卜卜米、粟米片、可可脆片和爆谷。我就揀了一球熱情果芒果雪糕配爆谷Passion Fruit & Mango ($38)，有煙韌的果乾粒和香脆的爆谷，雙重口感，味道酸酸甜甜，開胃醒神，岩晒我！
-------------------------------------
雖然今晚揀了四款芝味菜式，但感覺不會好漏滯，因為每道菜式的芝士份量合宜，唔會一味狂加芝士，只有芝士味而失去原味，所以餐廳芝味有分，滋味滿分！
店名：Say Cheese
地址：將軍澳唐德街9號將軍澳中心1樓173號舖
沒有留言:
張貼留言