必食牛肉麵

男朋友最喜歡食牛肉，今晚就同佢食下牛肉麵，希望佢喜歡。 

必食牛肉麵

環境光猛

木枱木櫈，有些台灣FEEL

好多選擇

好多選擇

好多選擇

好多選擇

好多選擇

店子環境光猛，整齊企理。木枱木櫈，有些台灣FEEL。牆上貼滿餐牌，好多選擇咁，有牛肉麵、飯類、小食、雞煲、套餐、串燒和飲品。 

元州三寶牛肉麵好滿意

藥膳湯底非常好飲

麵條又滑又有咬口

男朋友第一時間一定叫牛肉麵，元州三寶牛肉麵($72)內有一件金錢展、兩件牛筋和兩片牛舌，大大碗，熱辣辣，香噴噴，好吸引! 藥膳湯底，色澤和味道都濃，少油少鹽，非常好飲，正! 麵條又滑又有咬口，口感唔錯，鍾意連湯一齊食，好味!

牛筋腍滑，好多膠質

金錢展牛味香濃，優質!

牛舌厚身腍嫩

大大件牛筋不單止味道濃郁，而且好腍滑，好多膠質；厚切金錢展腍嫩兼存肉汁，牛味香濃，優質! 牛舌又大又厚身，同樣腍嫩，烹調入味，都好食! 男朋友同我對呢碗元州三寶牛肉麵都好滿意!

雞煲份量都好足

凍凍地，最岩就食雞煲

雞啖啖肉，鹹香帶辣

趁天氣凍凍地，最岩就食雞煲 ($128)。份量都好足，除咗有大量雞件外，還配了很多紫洋蔥和芫茜。每件雞都啖啖肉，弄得入味，味道鹹香帶辣，不錯！仲有索晒汁的紫洋蔥和芫茜，都好好味。

安格斯封門柳串牛味都幾濃

燒翠玉瓜串、燒娃娃菜爽嫩有汁 

小店真係多元化，又牛肉麵又雞煲，仲有串燒添! 叫咗四款，安格斯封門柳串 ($28)啖啖肉，雖乾了少少，但好入味，牛味都幾濃添! 燒翠玉瓜串 ($11) 保持翠綠，爽脆多汁，調味合宜，不失原有瓜味；燒娃娃菜串 ($11)爽嫩有汁，簡單而美味。

燒大扇貝鮮嫩爽彈

最喜歡燒大扇貝($35/2隻) ，肉厚肥大，鮮嫩爽彈，配些泰式辣汁，香辣惹味，我連殼上的汁液也通通喝光。

 

檸檬利賓納冷茶酸酸甜甜

水蜜桃梳打味道香甜

男朋友要水蜜桃梳打 ($28)，冰涼透心，味道香甜，用來配雞煲就最岩;我就要檸檬利賓納冷茶($28)，酸酸甜甜，利賓納同檸檬茶都好夾，好飲!

 

店名：元洲牛肉麵

地址：將軍澳坑口坑口村4B號地舖

放假啦！

終於有天平日假，第一時間做自己喜歡嘅事情，就係整麵包同去食好野，原來喜歡的事都同食有關，哈！ 

整麵包

餐廳已有聖誕嘅佈置，好有氣氛

坐得幾舒服

雖然中午來到，但餐廳已有聖誕嘅佈置，好有氣氛。長方形格局，有多張二或四人枱，坐得幾舒服。

午巿套餐

a la carte

a la carte

a la carte

a la carte

有午巿套餐和a la carte，午巿套餐包餐湯或沙律、主菜、甜品和咖啡/茶，可加錢轉其他甜品和飲品。 

南瓜薑忌廉湯口感好棉滑

薑味較重

是日餐湯係南瓜薑忌廉湯($0/跟餐)，口感好棉滑，少少南瓜香，薑味較重，有啲辛辣感。 

香煎阿拉斯加比目魚柳6安士配薯菜好豐富

魚柳白雪雪，肉嫩皮脆

午餐menu有十三款選擇，揀咗香煎阿拉斯加比目魚柳6安士配薯菜（$158）。賣相幾得，魚柳白雪雪，肉嫩皮脆；薯菜好豐富，有燒過的茄子、翠肉瓜、紅黃椒，全部都保持得好爽嫩，最鍾意係用了手指蕃薯，粉綿甜美，健康有益，好食！

炒煙肉椰菜仔味鹹香

翠綠清爽

炒煙肉椰菜仔（$48）翠綠清爽，加了腍嫩嘅煙肉同炒，味鹹香，不錯嘅配搭！

黑板上推介

伯爵茶慕絲蛋糕賣相好驚喜，用心! 

味道和口感我都喜歡！

伯爵茶慕絲蛋糕（$30/跟餐轉）是黑板上的推介，其實仲有多款芝士蛋糕揀添！賣相好驚喜，用心! 口感都好幼滑，啖啖伯爵味嘅幽香，味道和口感我都喜歡！ 

宇治抹茶牛奶咖啡抹茶控必定鍾意

宇治抹茶牛奶咖啡（+$15/跟餐轉）入口暖笠笠，味道香滑，啖啖抹茶的甘苦，抹茶控必定鍾意。

 

店名：Amitie Kitchen

地址：尖沙咀厚福街8號H8 9樓

 

風味十足

返屯門探阿爸，順便帶他去屯門巿廣場食餐好，見到間我最喜歡的湖水藍餐店，太吸引我，就它吧！ 

一身湖水藍配白，環境整齊明亮

地方寬敞闊落

有多張舒適的卡座

一身湖水藍配白，連部分餐具都是湖水藍，令人感覺很舒服。環境整齊明亮，地方寬敞闊落，設有多張舒適的卡座，還有一排排長梳化座配四人枱。 

選擇不少

選擇不少

選擇不少

選擇不少

選擇不少

選擇不少

選擇不少

多款組合套餐

餐簿都是湖水藍，有單點菜式和多款組合套餐。單點菜式有多個系列，包括招牌的酸菜魚、麻辣香鍋、涼菜、熱菜、小吃、蔬菜、米飯、甜品和飲品，選擇不少。

******************************

精裝版姚姚酸菜魚酸酸辣辣，味道一流！

鱸魚片又白又嫩滑，啖啖肉

我們點了雙人套餐 （$338），是精裝版姚姚酸菜魚配半隻北京烤鴨，份量十足，超值！先嚐一口湯，味道酸香，還一直用着小火煲着，暖笠笠最滋味！每件鱸魚片又白又嫩滑，啖啖肉，完全無骨，弄得入味，酸酸辣辣，加了香葉，味道一流！還有不少爽嫩的酸菜，好吃！

半隻北京烤鴨擺設得相當精緻

鴨皮色澤棗紅油亮，皮脆肉香嫩

薄皮透薄

捲着大啖吃，滋味！

皮下脂甘香油潤，充滿油香

半隻北京烤鴨擺設得相當精緻，備用半隻烤鴨外，還有一籠薄皮、青瓜條、酸蘿蔔條、京蔥絲、砂糖和甜麵醬。先取一塊透薄的薄皮，放上清爽的青瓜條和酸蘿蔔條，還有青香的京蔥絲，再加兩件啖啖肉的烤鴨，配埋最佳拍檔的甜麵醬捲着大啖吃，滋味！鴨皮色澤棗紅油亮，皮脆肉香嫩，皮下脂甘香油潤，充滿油香， 跟各款清爽的配料同吃就最佳。

川味鴨架肉更嫩，香辣惹味

烤鴨附有川味鴨架，是拆肉後的骨，連着骨的肉更嫩，淋上紅辣油，香辣惹味，好滋味！

******************************

麻辣牛展麻辣香之餘亦有牛香，正！

肉質腍嫩，弄得入味

阿爸喜歡食牛，揀了一客麻辣牛展 ($88) ，每片厚薄相若，肉質腍嫩，指定少辣，辣味剛好，弄得入味，麻辣香之餘亦有牛香，正！牛展下還有大量爽脆的青瓜，沾滿紅油，辣得過癮。

******************************

大盆花菜相當爽嫩

加半肥瘦的腩肉煮，添上豬油香

我就一定要吃菜，大盆花菜 ($98)相當爽嫩，加了些半肥瘦的腩肉煮，添上豬油香，整體味道鹹香惹味。

---------------------------

爸爸平時好少吃川菜，見他越食越滋味的樣子就知餐店的菜式風味十足。

 

店名：姚姚酸菜魚

地址：屯門屯隆街3號屯門市廣場2期1樓30-33及55號舖