椰子迷必食

過見到有間椰子產品嘅專門店，一向鍾意椰子嘅我緊係唔會錯過，睇下有乜食先！

店子設計好特別

產品嘅盛載器都設計獨特

好吸引的產品

店子外賣為主，設計好特別，好似帶咗我去太空艙，連產品嘅盛載器都設計獨特。

有八大系列

有八大系列

秋冬之選

現有八大系列，有椰子水、椰子奶、椰雲奶蓋、椰子咖啡、椰子凍、coco UFO、糯米UFO和秋冬之選嘅椰皇燉品。

桃膠椰皇燉蛋白包裝得好密實

非常有份量，放滿桃膠

蛋白滑溜香甜

桃膠椰皇燉蛋白（$53）熱辣辣香噴噴！非常有份量，面頭放滿爽滑嘅桃膠，再舀下去就係極之滑溜嘅蛋白， 香甜美味。當然不少得椰殼中嘅椰肉，又軟滑又有椰香，好吃! 食完都覺得自己靚咗，女人恩物！

椰枝甘露椰子凍舖滿芒果肉和柚子肉

芒果肉香甜

椰子凍啖啖椰香

椰枝甘露椰子凍（$58）面層舖滿香甜嘅芒果肉和多汁嘅柚子肉，下面就係啖啖椰香嘅椰子凍，好滑溜，夾埋一大啖同食更正！

椰雲椰子拿鐵即點即製，得！

椰子咖啡估唔到咁夾

椰雲椰子拿鐵（$52）即點即製，得！店員將即製嘅咖啡注入椰乳中，再加些椰絲造成椰雲。第一次飲椰子咖啡，估唔到咁夾，既有椰乳嘅香甜又有咖啡香，鍾意！
--------------------
店名：椰子星球
地址：將軍澳寶琳運亨路1號新都城中心一期2樓205-206號舖

老友記開飯

今晚去油塘探朋友，好帶了我去一間叫「老友記廚房」吃飯，真有意思，因為我倆很老友。

老友去「老友記廚房」吃飯，真有意思

坐得幾舒服

地方雖然不算很大，但環境整齊企理，有圓枱，有卡位，坐得幾舒服，不錯！

選擇不少

選擇不少

選擇不少

選擇不少，有套餐、多款小菜、時令海鮮，還有火鍋等等。

蜜汁薯仔牛柳粒色彩豐富吸引

肉嫩兼有牛味香

我倆揀了三款小菜，先上蜜汁薯仔牛柳粒。牛柳粒一啖一口，肉嫩兼有牛味香，還帶些焦香，加了黑椒和蜜糖，甜甜地就辣辣地，味道吸引！薯仔外微脆內粉綿，還加入青紅椒和洋蔥同炒，色彩豐富吸引。

馬拉盞炒通菜翠綠幼嫩，味道鹹香

再來一碟馬拉盞炒通菜，相當有鑊氣，通菜翠綠幼嫩，加入馬來盞拌炒，味道鹹香，用來佐飯一流。

豉汁蒸白鱔相當惹味

好肥美，嫩滑鮮美

最後是熱辣辣的豉汁蒸白鱔。白鱔好肥美，每件夾雜着油潤的魚脂，嫩滑鮮美，以豉汁蒸，一向是最佳拍檔，相當惹味，若然厚身一些，口感會更佳。

 

店名：老友記廚房

地址：油塘草園街8號嘉賢居地下6號舖

 

今日咩心情？

當心情馬馬地嘅時候，我就鍾意一個人去嘆杯咖啡放鬆一下，今日就咁岩見到呢間mood coffee，希望它可幫幫我。

咖啡店黑白色為主

地方小小，以外賣為主

好型呀！

咖啡店黑白色為主，好型呀！地方小小，只有兩三個座位，客人多數以外賣為主，我就好好彩有位坐低慢慢嘆。 

三款肉類三文治都賣光了，嗚……

食品有幾款三文治、甜品和蛋糕，但今日小店好生意，三款肉類三文治都賣光了，嗚……

全牛油果三文治牛油果好香滑

簡單加啲黑椒就好好味，like!

全牛油果三文治 Healthy ($42)係將全個牛油果放在厚切方包上。牛油果好香滑，方包就皮少少香脆，包身軟熟，簡簡單單加啲黑椒就好好味，like! 

飲品選擇多啲

伯爵漸層咖啡甘甘苦苦，好醒神！

飲品選擇多啲，有黑啡、奶啡、特飲和心情限定。在心情限定系列中揀咗杯伯爵漸層咖啡 Dirty Earl Grey ($50+$5轉杏仁奶），原來以咖啡、杏仁奶和伯爵茶奶沖成，味道平均，既有香濃咖啡味，亦有伯爵茶幽香，飲落甘甘苦苦，好醒神！

 

店名：Mood Coffee

地址：尖沙咀漆咸道南81號南海大廈地下E號舖

 

悠閒週末

終於有一個能好好放鬆的星期六，朋友相約去中環吃日菜兼巴西菜brunch，相當特別！由這位識食之友推介，絕對有質素保證！ 

門面很有朝氣！

有酒吧區

感覺寫意自在

擺了綠葉，很有大自然氣息

看到多位大廚製作，好有活力！

綠色的門面加上彩色的梯級，很有朝氣！內有酒吧區、多張二至四人枱，四處擺了綠葉，很有大自然氣息，感覺寫意自在。還可透過半開放式的廚房看到多位大廚製作，好有活力！

週末及公眾假期供應Brunch

週末及公眾假期供應Brunch，由12:00pm-4:00pm，真是可以慢慢享受。Weekend Brunch ($420/位）包有五道前菜，一道共享主菜和一份甜品拼盤。

*************************************

有五道前菜

前菜五道有：

大蝦木薯炸丸子配柚子蛋黃醋汁賣相一流！

綿綿的木薯和爽彈大蝦很夾

第一道是大蝦木薯炸丸子配柚子蛋黃醋汁（BOLINHO DE VATAPA），炸得黃金，賣相一流！外層香脆可口，內有綿綿的木薯和爽彈大蝦，頂頭配上柚子蛋黃醬和油醋汁，味道很夾，讚！ 

煙燻牛肉、黑蒜泥蛋黃醬很有心思的配搭

牛裡肌相當腍嫩

第二道煙燻牛肉、黑蒜泥蛋黃醬（TATAKI DE CARNE DE SOL ）很討我倆歡喜！輕醃的牛裡肌相當腍嫩，配上黑蒜蛋黃醬和脆蔥，味道香濃，很有心思的配搭，吸引！ 

手握壽司中最喜歡帶子配海膽泡沫壽司

第三道手握壽司（AMAZONIAN NIGIRI SELECTION）分別有吞拿魚山椒、帶子配海膽泡沫和煙燻鴨。最喜歡是帶子配海膽泡沫壽司，帶子鮮嫩，連濃郁的海膽泡沫醬和少許七味粉，鮮味帶辣，配搭美味！

芒果油醋八爪魚芒果軟包外微脆內軟熟

 

用料很豐富！

第四道是芒果油醋八爪魚芒果軟包（POLVO ROLL ）迷你版，很可愛！軟包外微脆內軟熟，中間夾着經烤的八爪魚粒、鮮芒果粒、洋蔥、蕃茄粒等，很豐富！拌了芒果油醋汁，味道有些酸香，吃起來感覺清新一點。

椰菜花白豆鷹嘴豆蓉、翠玉瓜薄荷芫茜油沙律有心思的配搭

口感和味道都豐富多變

第五道椰菜花白豆鷹嘴豆蓉、翠玉瓜薄荷芫茜油沙律（HUMMUS DE FEIJÃO）是我最愛的一道。椰菜花經輕煎，帶些香脆，面頭是新鮮爽口的黃翠肉瓜薄片，吃時蘸上綿滑的白豆鷹嘴豆泥，伴上清新的薄荷葉吃，口感和味道都豐富多變，又是一道有心思的配搭。

*************************************

主菜四選一

巴西汁慢煮雜錦海鮮：虎蝦、魷魚、扇貝、青口非常豐富

扇貝大大隻，鮮味肉嫩

虎蝦爽彈鮮美

主菜四選一，㨂了巴西汁慢煮雜錦海鮮：虎蝦、魷魚、扇貝、青口（MOQUECA DE FRUTOS DO MAR)(+$60/位），非常豐富。虎蝦爽彈鮮美；魷魚爽嫩；扇貝大大隻，鮮味肉嫩；青口肥美多汁，四款都優質，配上鮮香的巴西汁及酸咪咪的油醋汁，再加上腰果泥，既豐富又美味，推介！

*************************************

節日甜品

令人吃得很滿足，完美的總結！

最後是節日甜品 （DESSERT PLATTER），賣相很有夏日氣息，吸引！有味道突出的椰子雪糕和焦糖脆餅雪糕；新鮮多汁的水果；酸酸甜甜的熱情果芒果慕絲；香滑的乳酪芝士餅，令人吃得很滿足，完美的總結！

-------------------------------

近排因家中有事，日日都要頻頻撲撲，難得有一個悠閒週末跟朋友享受一頓豐富的Brunch ，為我加了不少力量！

 

店名：Uma Nota

地址：中環蘇豪卑利街38號地下C號舖