眨眼又到了12月，好自然諗起聖誕佳節，而大部份餐廳亦開始推出聖誕套餐，讓大家可早一步慶祝。今晚就跟兩位好傾的友人提早吃聖誕餐慶祝，希望能在這時勢互相打打氣，多點正能量。
 |
| Carnival Bar又有得玩又有得食 |
 |
| 小酒吧 |
 |
| 玩樂的種類相當多 |
 |
| 用膳區亦相當舒適 |
位於麗豪酒店內的Carnival Bar 吸引之處是又有得玩又有得食。第一次來到，果然令我好驚喜，單單玩樂的種類已可讓大家樂而忘返，整個環境都好有feel。除了玩樂之外，還有個小酒吧，而用膳區亦相當舒適，多張闊落的卡座和小圓枱，真係好咁大夥兒來玩樂。
 |
| 「節日晚膳套餐」相當豐富吸引 |
Carnival Bar正推出「節日晚膳套餐」Festive Set Dinner ($428/每位)，共有四道菜連兩杯飲品，菜式相當豐富吸引。順帶一提，如果17/12或之前預訂並付全費就可享有優惠：24-25、31/12有八折，而26/12和1/1仲有七五折。
********************************
 |
| Chardonnay 2018白餐酒清爽香甜，易於入口 |
慶祝佳節當然要飲返杯，餐前可先選富豪紅/白餐酒或鮮果汁一杯。見大部分是海鮮菜式，就要杯白餐酒 Regal White Wine (Chardonnay 2018)，味道清爽香甜，唔會太過酸澀，易於入口，正合我口味。
********************************
 |
| 國際海鮮拼盤放得滿滿，令人喜悅 |
 |
| 足足七款，大滿足！ |
先上一大盤冰鎮國際海鮮拼盤 International Chilled Seafood Combo ，放得滿滿的，見到就令人喜悅。究竟有咩海鮮？逐一數數，包括開半的波士頓龍蝦、鮮蝦、青口、藍青口、鱈長腳蟹、蜆和海螺配檸檬和咯嗲汁，足足七款，大滿足！
 |
| 兩款青口很爽嫩鮮味 |
 |
| 鮮蝦爽口鮮甜 |
兩款青口和蜆同樣很爽嫩鮮味，個人就較喜歡細小肉嫩的藍青口；鮮蝦色澤亮麗，爽口鮮甜；海螺亦相當爽口，一點也不韌，味道仲好鮮，正！
 |
| 長腳蟹柔軟鮮甜 |
 |
| 凍龍蝦有不少甘香的龍蝦膏 |
最喜歡就是肉質雪白的長腳蟹，柔軟鮮甜，啖啖嫩肉，即使要慢慢拆殼也覺得值得。還有大大隻的凍龍蝦，肉厚彈牙，鮮甜美味，仲有不少甘香的龍蝦膏，難以抗拒的誘惑。
********************************
 |
| 美式鮮蜆周打湯入口香濃幼滑，非常creamy |
平時較少點周打蜆湯，因為擔心它太溜滯，但這客美式鮮蜆周打湯 U.S. Fresh Clam Chowder 卻令我愛不釋手⋯⋯奶白色湯身稀稠度適中，入口香濃幼滑，非常creamy。
 |
| 口感豐富，亦不溜滯 |
 |
| 蜆肉肉厚肥美，味道鮮甜 |
舀幾舀，內有不少清爽的青紅椒粒、洋蔥粒等食材，吃起來口感豐富之餘，亦可中和溜滯感，配搭合宜。當然不少得蜆肉，一碗有四五隻，仲要隻隻肉厚肥美，味道鮮甜，滿足！
********************************
 |
| 香烤火雞啖啖肉，又腍嫩又香 |
輪到主菜，有節日香烤火雞再配一款三選一菜式，分別有香烤安格斯肉眼牛扒配野菌汁、香燒龍蝦配荷蘭汁和慢煮三文魚配香草忌廉汁，就一人一款，齊齊share，感受分享的快樂。火雞是聖誕佳節的代表菜之一，點可以少了它？肉質白淨，啖啖肉，又腍嫩又香，伴任何一款醬汁都各有特色。
 |
| 節日香烤火雞配慢煮三文魚配香草忌廉汁 |
 |
| 三文魚色澤金黃，好靚仔！ |
 |
| 不算肥美，但滿有魚香 |
我是魚痴，當然先嚐節日香烤火雞Roasted Holiday Turkey配慢煮三文魚配香草忌廉汁
Slow-Cooked Salmon in Cream Herb Sauce 。厚厚的三文魚體積中等，色澤金黃，好靚仔！把其切開，魚肉呈粉紅，片片分明，並不散爛，肉質挺鮮嫰，雖不算肥美，但滿有魚香，跟香草忌廉汁好夾，而最吸引當然是香脆可口的魚皮。
 |
| 節日香烤火雞配香烤安格斯肉眼牛扒配野菌汁 |
 |
| 甘香美味，牛味香濃 |
 |
| 呈鮮粉紅，肉質腍嫩且富肉汁 |
接着是節日香烤火雞Roasted Holiday Turkey配香烤安格斯肉眼牛扒配野菌汁 Grilled
Angus Beef Rib Eye in Wild Mushroom Sauce ，友人先把肉眼切件，邊切邊話好易切，真的嗎？試試才知！表面深啡亮澤，內肉呈鮮粉紅，並沒有流出血水，烤弄時間拿捏得剛好，肉質腍嫩且富肉汁，夾雜些油潤的脂肪，甘香美味，牛味香濃，不需任何添加已很美味，但蘸上野菌汁又吃出另一番風味。
 |
| 節日香烤火雞配香燒龍蝦配荷蘭汁 |
 |
| 龍蝦燒得金黃，賣相吸引 |
 |
| 肉爽彈鮮味，龍蝦膏甘香 |
最後一款是節日香烤火雞Roasted Holiday Turkey配香燒龍蝦配荷蘭汁 Lobster in
Hollandaise Sauce 。半隻很有份量的龍蝦，燒得金黃，賣相吸引。輕易就能把肉拉出，爽彈鮮味，啖啖肉，還有不少甘香的龍蝦膏，令人吃得滋味，而所配的醬汁是荷蘭汁，挺特別！
配菜有清爽翠綠的西蘭花；清新爆汁的車厘茄，還有粉綿兼滿有薯香的薯件，烹調入味，連醬料也不用添加。
********************************
 |
| 朱古力慕絲蛋糕伴野莓朱古力味濃郁，不會太甜膩 |
 |
| 共有五層，口感幼滑 |
完美的一餐當然唔少得甜品
Dessert，是朱古力慕絲蛋糕伴野莓 Chocolate Mousse
Cake with Raspberry ，賣相精美吸引。朱古力慕絲蛋糕以朱古力、朱古力慕絲和朱古力海棉蛋糕組成，共有五層，睇落挺身，但口感幼滑，朱古力味濃郁，不會太甜膩，再跟酸咪咪的鮮雜莓同吃就更岩。
********************************
 |
| 熱檸茶消化一下，解渴解膩 |
餐飲可選即磨咖啡Freshly Brewed Coffee 或茶 Tea，我就要熱檸茶消化一下，解渴解膩，最適合不過。
----------------------------------
 |
| 吃喝玩樂集於一身 |
 |
| 吃喝玩樂集於一身 |
不知大家諗咗聖誕節去邊度狂歡未? 餐廳有酒吧可喝過痛快外，又有桌球枱、電子飛鏢靶機、Beer Pong、VR Game、Live Band、睇波，仲有最潮的電競，包羅萬有，可玩得過癮，當然連埋這頓「節日晚膳套餐」，真係吃喝玩樂集於一身，唔傷腦筋，大夥兒Merry
Christmas!
提外話：得知酒店於今星期五29/11在Facebook專頁會出一個遊戲給大家玩，可以贏取兩位聖誕自助餐。
店名：嘉華年吧Carnival Bar
地址：香港沙田大涌橋路34-36號1/F
