工廈搵食

今日跟同事培訓完已經兩點多，還未食午餐，一於在附近食埋先回家。同事一向喜歡去工廈搵食，他今次就帶我嚟到這間小小咖啡室。

去工廈搵食

牆身色彩繽紛

貓咪和豬仔的組合

門口貼滿餐牌，但不用心急，入去坐低先慢慢睇。內裏裝潢好有心思，牆身色彩繽紛，好吸晴，還有是貓咪和豬仔的組合，表情可愛得意，難道店主很喜歡這兩種動物？

地方不算大

向牆的吧枱可坐四人

出售賀年禮盒

地方不算大，兩人枱和四人枱各兩張，還有一張面向牆的吧枱，可坐四人，而枱旁就放了一些賀年禮盒出售。

多款飲品供應

多款飲品供應

全日早餐

午餐有三系列

看看餐簿，有多款飲品供應，而食物就有全日早餐和午餐，選擇不算多。午餐就有三系列，包括韓式飯團、健康沙律、意大利粉/珍珠米。

******************

有營食肆餐牌岩晒我

健康沙律配黑松露蝦色彩繽的配搭

我中午多數輕食，這份有營食肆餐牌的菜式就岩晒我。五款選擇中揀了健康沙律配黑松露蝦 Healthy Salad ($78)，成品有沙律菜、車厘茄、青瓜、藍莓、大啡菇、蛋及黑松露蝦，另配有一盒沙律醋汁。嘩！一打開蓋，色彩繽紛的食材配搭，見到就令人胃口大開。

新鮮清爽

淋上醋汁更醒胃

切成細細粒睇落無咁吸引

雜沙律菜、車厘茄和青瓜都好新鮮清爽，淋些酸咪咪的醋汁就更醒胃。藍莓就酸酸地，又係醒胃之選。大啡菇切成細細粒，雖然睇起來無咁吸引，但吃落爽口入味。

煎蛋又靚仔又好味

黑松露蝦爽彈味香

最喜歡是煎蛋，煎得好靚仔之餘，生熟程度又岩岩好，邊位有啲焦香脆口，一咬開就流出蛋汁，連蛋白都滑溜，滿有蛋香，正！還有黑松露蝦，共有四隻，隻隻都爽彈，而黑松露的份量亦岩岩好，無搶咗蝦的味道。

******************

高營十足三文治大大份，好厚身

食材配搭營養豐富

金黃的坑紋，邊位微脆

張大口咬一口，好滿足！

同事揀了一份高營十足三文治（$68），嘩！相當有份量，見大大份就開心share啲俾我。麵包印有金黃的坑紋，邊位微脆，中間夾了有咬口的慢煮雞胸和黑毛豬，仲有厚厚的炒蛋、清爽的蕃茄和西生菜，有肉有菜，營養豐富。張大口咬一口，好滿足！

******************

午餐配細熱飲加$2

細熱香芋鮮奶內有芋泥，加分！

各款午餐都可加錢配不同的飲品，我揀了杯細熱香芋鮮奶 Hot Taro Latte（+$2），入口暖笠笠，口感豐厚綿密，味道香甜，淡淡的芋香，最驚喜是內有些粉綿的芋泥，加分！

細熱日本抹茶鮮奶咖啡香濃甘苦

同事要提提醒，點了杯細熱日本抹茶鮮奶咖啡 Hot Matcha & Espresso Fusion （+$2），見到有心形拉花圖案，賣相吸引過我嗰杯。他話咖啡味香濃，亦嚐到抹茶的甘苦，不錯。

---------------------------

以前我都經常去工廈捐窿捐罅搵食，但近幾年就真係少了，可能身邊多了喜歡搵食的朋友仔，有他們帶我周圍食，覺得仲幸福得多。

 

店名：Oasis Corner

地址：觀塘成業街19-21號成業工業大廈4樓16號舖

抵食兼好食

今日和同事去觀塘聽講座，還以為要入夜才可回家，點知….早完了成個半鐘，正! 同事心血來潮話要去我屋企參觀下，咁就順便買埋收賣，邊食邊傾。 

抵食兼好食

店子門口擺放了多大大塊的餐牌

丼飯套餐、定食套餐

迷你自選魚生飯餐

手打烏冬套餐

就在附近見到一間日本店的大型餐牌，我倆都是日菜愛好者，一於試下。店子門口擺放了多大大塊的餐牌，主要是套餐組合，有手打烏冬套餐、丼飯套餐、定食套餐、迷你自選魚生飯餐等等，仲可追加小食，都幾多選擇。

掃QRcode電腦化落單

設計得好清晰細緻

方便易用

好多選擇

正想點餐之際，店員就請我掃QRcode，原來係電腦化落單。細閱一翻，下單表設計得好清晰細緻，方便易用，讚！

******************

迷你厚切鰻魚丼拼壽司，加沙律和螺肉

配刺身兼追加赤蝦刺身，大滿足！

見迷你自選魚生飯餐相當豐富吸引，就在五款飯餐中揀了迷你厚切鰻魚丼配刺身拼壽司 ($128)，要再豐富一點，加配埋沙律和螺肉($8)，兼追加赤蝦刺身 ($20)，仲奉送飲品，大滿足！

份量都好足，鰻魚都挺厚身

相當嫩滑肥美

迷你厚切鰻魚丼份量都好足，兩件鰻魚都挺厚身，底面都燒得金黃，沾滿甜甜地的鰻魚醬汁，烹調入味。肉質相當嫩滑肥美，伴着粒粒圓潤的米飯同吃，吸收了魚油香和甜甜地的鰻魚汁，很滋味。

刺身放埋一齊睇落就更豐富

三文魚柔軟油潤

帶子味道鮮甜

甜蝦鮮甜黏滑

所配的刺身有三文魚2件、北寄貝2件、甜蝦1件和帶子1片，再放埋追加的赤蝦刺身，睇落就更豐富。肥美的三文魚色澤亮麗，油脂分佈平均，肉質柔軟油潤，鮮味十足；帶子就味道鮮甜，質感柔軟且富黏性；北寄貝亦挺爽口，質素不俗；甜蝦都唔細隻，鮮甜黏滑，滿意！

赤蝦刺身又大隻又墜手

富黏性，味道鮮甜

輪到赤蝦刺身 ($20)，兩大隻都只係加二十蚊，仲要係高質，好超值！巨大的赤蝦拿起來差不多有我手掌般長，仲好墜手添！肉質稍稍爽彈，且富黏性，味道鮮甜，最愛是大蝦頭中滿藏甘鮮的蝦膏，黏在口中，甘香味久久留存口中，啖啖教人回味！

5件火炙壽司都大大件

火炙左口魚邊壽司滿有魚油香

火炙三文魚腩壽司油潤兼柔軟

火炙鰻魚壽司挺厚身

仲有5件火炙壽司呀! 包括三文魚腩、三文魚、鰻魚、左口魚邊和熟蝦，每件都大大件，好有份量。最愛當然是火炙左口魚邊壽司，由於是經常郁動的部位，所以特別肥美，加上經火炙後，滿有魚油香。火炙三文魚腩壽司也討我歡喜，腩位本身已很肥美，再經火炙後迫出魚油，肉質油潤兼柔軟，配埋沙律醬更添美味。火炙鰻魚壽司也很好吃，挺厚身，結合了鰻魚汁和沙律醬，正!

辣味螺肉爽口而不硬實

沙律令人胃口大開

加$8還有沙律和螺肉，又係好抵！辣味螺肉入口微涼，爽口而不硬實，沾滿微辣的醬汁，味道不錯！沙律有清爽的雜沙律菜和甜美的粟米粒，面頭舖滿卜卜脆的蟹籽，雖沒有配上醬汁，但有蟹籽的鮮味，色彩亦豐富，見到都令人胃口大開。

******************

三文魚冷麵套餐是勁多蟹籽的配搭

灑滿亮麗的蟹籽，好吸晴!

還點了一客三文魚冷麵($58)加配沙律和螺肉($8)，再追加花之戀 ($20)，是勁多蟹籽的配搭。份量十足的冷麵伴上青瓜絲和蟹柳絲，再用鮮嫩肥美的三文魚圍邊，中間就灑滿亮麗的蟹籽，好吸晴!

淋上胡麻醬，緊緊掛在冷麵上

伴上三文魚和蟹籽，簡單而美味

先淋上胡麻醬，再將所以食材拌勻，食得! 冷麵入口微涼，煮弄時間剛好，挺有嚼勁，胡麻醬緊緊掛在冷麵上，再伴上鮮味的三文魚和蟹籽，簡單而美味。

花之戀好味的配搭

兩大件花之戀就一人一件，開心share。三文魚相當肥美油潤，加埋沙律醬和蟹籽，好味的配搭。

******************

月桂冠白桃果酒味道香甜，淡淡酒香

難得友人探訪，當然要飲返杯。月桂冠白桃果酒 ($58)一支200ml，每人少少地，淺嚐一下就滿足。酒底是清酒，酒度含3％，配以桃、糖、酸味料等。入口冰凍，味道香甜，淡淡酒香，極易於入口，幾好喝。

--------------------------------------

這間店子真係抵食兼好食

某些連鎖日本壽司店雖然質素唔錯，價錢又實惠，但排隊等候閒閒地都要一個鐘，何別咁辛苦呢? 有時去一些日式小店，同埋有質素和經濟實惠，就好似今日遇上這間小店，真係抵食兼好食。

 店名：御品·千之味 

地址：觀塘榮業街2號振萬廣場地下G號舖