新鮮感

真係好少好少好少入馬鞍山，今日因工作培訓而來到呢度，對我來講係一個好有新鮮感的地方。完咗培訓，當然要喺度覓食。

環境唔錯，幾有情調

闊落的卡座，坐得舒適

見到呢間西餐廳環境唔錯，燈光柔和，幾有情調，裏面整齊企理，有多張闊落的卡座，全部都係梳化座，坐得舒適。

 

厚厚menu

厚厚menu

厚厚menu

厚厚menu

飲品list

有本厚厚menu和一張飲品list，選擇好多，有appetiser、salad、soup、snack、pizza、pasta、risotto、main course 和dessert 等。

蕃茄濃湯配一小塊薄脆多士

內有蕃茄肉，好有蕃茄香

先要碗是日餐湯，今日係蕃茄濃湯（$38），細細碗配一小塊薄脆多士。熱辣辣上枱，呈鮮橙紅色，稀稠適中，內有細細粒的蕃茄肉，好有蕃茄香，沒有加入忌廉，酸咪咪，越飲越開胃。

青蘋果牛油果醬蟹肉沙律好fresh! 

鮮香的蟹肉啖啖肉，食得好滿足

牛油果醬香滑，拌勻一齊食最好味！

青蘋果條爽酸

跟住上青蘋果牛油果醬蟹肉沙律（$88），份量都幾足。清爽翠綠的沙律菜上鮮香的蟹肉，啖啖肉，食得好滿足，仲加咗啲亮澤的蟹籽，添了鹹鮮。沙律菜配了爽酸青蘋果條、清甜多汁的車厘茄，淋咗啲醋汁，好fresh! 旁邊有香滑的牛油果醬，拌勻一齊食最好味！ 

檸檬芝士蛋糕酸咪咪，清新醒胃

是日精選蛋糕有三款選擇，揀了檸檬芝士蛋糕（$38）。共有四層，有幼滑的檸檬慕絲、鬆軟的海綿蛋糕和濕潤的餅底，伴上面頭幼細的青檸皮，味道酸咪咪，清新醒胃，並不漏滯，好岩做餐後甜品。

有蛋糕自然要有咖啡

熱朱古力咖啡又靚又好飲

有蛋糕自然要有咖啡，熱朱古力咖啡（$33）的心形拉花圖案清晰挺身，靚！溫度岩岩好，咖啡味香濃，亦有朱古力的甘苦，兩者味道平均，又唔甜膩，好飲！

 

店名：WM Café & Bar

地址：馬鞍山鞍駿街15號雅濤居購物商場地下G01B號舖

 

入冬之選

每當一入冬，好友便嚷着要食羊腩煲，好吧! 今晚就去食。其實不少食店已推出了羊腩煲，我倆今晚就揀了這間環境不錯的冰室。

環境不錯的冰室

坐得挺舒適

整齊企理

環境光猛

冰室整齊企理，環境光猛，設有多張梳化卡座，主要是二人枱和四人枱，枱與枱之間有一定距離，坐得挺舒適。

抵!

選擇非常多

選擇非常多

選擇非常多

選擇非常多

選擇非常多

選擇非常多

選擇非常多

選擇非常多

選擇非常多

細閱多份餐牌和厚厚的餐簿，選擇非常多，有精選套餐、羊腩煲、胡椒豬肚雞鍋、鐵板餐、小菜、燒味之作、西式晚餐、全日餐、常餐、焗飯、咖喱、明爐燒味、本土情懷、小食三文治、飲品等，真是令人眼花撩亂。

***************************

入冬之選

羊腩煲配菜籃邊滾邊吃，熱辣辣

各款配料都烹調入味

友人第一時間要一個羊腩煲配菜籃和白飯（$158），以小火爐邊滾邊吃，一直熱辣辣，吃得更滋味！數數看，一煲挺多食材，有我喜歡的支竹、爽身的冬菇、爽口的馬蹄和荀，還有一籃新鮮的生菜、南瓜和金菇，只要滾一會，又爽口又入味，正！各款配料都烹調入味。羊腩汁味道香濃，用來佐白飯一流！

羊肉挻入味

蘸些腐乳，鹹香帶辣

主角羊肉約有五至六件，每件也不細。當中有淨肉，也有連骨，部分還連帶滑嘟嘟的羊皮。羊肉挻入味，蘸些腐乳，鹹香帶辣，更惹味！若然肉質再腍嫩一點就更好，但連骨的肉質就腍一點，喜歡！

***************************

精選2人套餐好抵食

燒味雙拼揀了燒鵝和燒腩仔

鵝脾寧舍香嫩，充滿鵝油香

精選2人套餐（$158）都好抵食，而所選的菜式都不少，我們先要一客燒味雙拼，當中揀了燒鵝（+$20）和燒腩仔。竟然是鵝脾，太好彩呀！大小適中，外皮赤紅亮澤，薄脆油潤；脾位果然不同，肉質寧舍香嫩，夾雜油潤的肥亮，充滿鵝油香，啖啖滋味！再蘸些甜酸醬，兩者一向是最佳拍檔，更添美味。

燒腩仔又脆又嫩又油潤

燒腩仔也吸引，皮脆得來又鬆，而皮下肥膏和肉比例合宜，一層油潤的肥膏，一層嫩肉，兩者相間幾層，蘸些芥末醬， 一口一件，又脆又嫩又油潤，吃得滋味。

***************************

南乳溫公粗齋煲熱度十足

味道鹹香，弄得入味

選材豐富

另一小菜揀了南乳溫公粗齋煲，以小煲仔盛載上枱，熱度十足。一揭開蓋就聞到陣陣南乳香，不禁垂涎。選材豐富，有白菜、豆卜、支竹、雲耳、筍、雪耳、雜菌等等，味道鹹香，弄得入味，讚！最喜歡是索滿南乳汁的粉絲，最美味。

***************************

 

蓮藕豬骨湯夠晒火喉

套餐配有老火湯及白飯各兩碗，是日老火湯是蓮藕豬骨湯($0/跟餐)，味道甘香，蓮藕煲至粉糯，夠晒火喉。

***************************

蒜茸炒白菜少油少鹽，健康之選

太好了！原來惠顧滿$168就奉送一碟蒜茸炒時蔬，不知是否想鼓勵食客多吃蔬菜呢？讚！今晚是蒜茸炒白菜（$0），青綠爽嫩，少油少鹽，滿有蒜香，健康之選。

***************************

 

熱檸蜜酸酸甜甜，有助消化

最後再來兩杯熱檸蜜（各杯+$3）暖笠笠，甜美滋潤，加埋檸檬，酸酸甜甜，有助消化。

---------------------------------------------

食完羊腩煲身體果然暖了不少，其實除了羊腩煲是入冬之選外，胡椒豬肚雞鍋都可驅寒保暖，下次也要再來試試。

 

店名：六十年華

地址：將軍澳貿業路8號新都城中心2期地下G26-G28

盡興

跟要好的同事做到有點洩氣，大家都話要吃餐好來提升士氣。要吃得夠豐富、夠盡興一定是吃自助餐，見到咁多食物成個人就好興奮好滿足，所以我倆決定今晚一齊去食餐勁。

設計簡約優雅，感覺親民舒適

枱椅擺得整整齊齊

坐得舒適自在

走進仕德福酒店閣樓的德福閣，裝潢並不是一般酒店餐廳金碧輝煌，而是設計簡約優雅，以灰白色為主調，環境光猛，感覺親民舒適。餐廳地方不算好大，大部份是二至四人枱，亦有些六人枱，還有一排排舒適的長梳化座，枱椅擺得整整齊齊，枱與枱之間有一定的距離，坐得舒適自在，而食物就集中在中間，好方便。

國際海鮮美食自助晚餐

餐廳今期正推出國際海鮮美食自助晚餐，正合我們心意，因為大家都是海鮮迷，今晚實大飽口福。自助晚餐供應時間由6:30PM-9:30PM，星期一至五收費為成人 $386.4，還已包了加一服務費，抵喎!

****************************

每人一客四隻生蠔

鮮嫩兼creamy，蠔味香濃

安坐一會，服務員隨即送上每人一客四隻生蠔。每隻都好有份量，肉厚肥美，色澤亮麗。口感滑溜，肉質鮮嫩兼creamy，帶些海水味，蠔味香濃，較討我歡喜。

****************************

清蒸海上鮮蒸得剛好

魚肉又白又滑

愛魚的我就第一時間走去清蒸海上鮮，蒸弄的時間掌握得挺好，保持鮮嫩，魚肉片片分明，又白又滑，而魚皮和魚腩就更加滑溜，討我歡喜。

****************************

冷盤凍食

冷盤凍食

冷盤凍食

逐一細數冷盤凍食，有日式雜錦壽司、雜錦刺身、凍蝦、藍青口、冷麵湯、中華沙律、日式帶子裙邊、日式辣螺、日式枝豆、雜凍肉、煙鴨胸、德國薯仔沙律、吞拿魚沙律、巴馬火腿蜜瓜等，還可DIY沙律，配料有車厘茄、粟米粒、雜法國生菜、紅腰豆、香桃、青瓜等。

最喜歡是巴馬火腿蜜瓜

第一碟選了腐皮壽司、巴馬火腿蜜瓜、中華沙律、日式帶子裙邊、德國薯仔沙律、吞拿魚沙律和DIY沙律。最喜歡是巴馬火腿蜜瓜，超級甜美的蜜瓜配鹹香柔軟的巴馬火腿，配搭一流! 沙律菜都非常新鮮爽嫩，加埋甜美的粟米粒和多汁的車厘茄，淋些法式沙律醬，簡單而美味。 

長腳蟹柔軟鮮嫩，味道鮮甜

第二碟要了凍蝦、長腳蟹和希靈魚。希靈魚則啖啖爽脆，鮮甜美味，好吃! 凍蝦肉質爽彈；長腳蟹肉質潔白橙紅，柔軟鮮嫩，味道鮮甜，啖啖肉，吃得好滋味!。

**************************** 

臘味糯米飯

熱葷

熱葷

熱葷

中式老火湯

大廚主理食品

兩輪凍食後，就要食今晚熱葷，有中式老火湯、辣酒煮花螺、意式燴肉丸、香橙燒鴨胸、BBQ汁燒排骨、清蒸海上鮮、蟲草花紅棗蒸雞、雲腿上湯浸時蔬、臘味糯米飯、蠔皇鮮菇鴨掌貴妃鮑、吉列炸蠔餅拼薯角、海南鮮雞等，而另一邊大廚主理食品有燒香草肉眼和蟹籽帆立貝。 

BBQ汁燒排骨最吸引

先來滿滿一碟，有雲腿上湯浸時蔬、蟲草花紅棗蒸雞、意式燴肉丸、香橙燒鴨胸、BBQ汁燒排骨和再encore清蒸海上鮮。雲腿上湯浸時蔬好爽嫩入味；意式燴肉丸酸咪咪，好味! BBQ汁燒排骨最吸引我，肉嫩入味，啖啖肉，正!

燒香草肉眼和蟹籽帆立貝都不錯

第二碟選了大廚主理食品有燒香草肉眼和蟹籽帆立貝。燒香草肉眼鮮紅，但無流出血水，肉質腍嫩，好有肉汁，牛味香濃，配上黑椒汁和芥末，更好味。蟹籽帆立貝混入蟹籽的醬汁同燒，鹹香惹味，而內裏的帆立貝雖不算肥美，但熱辣辣，肉厚彈牙，質素不俗。

****************************

飲品區

柑橘蜂蜜綠茶滋潤甜美

食甜品之前，先揀杯飲品相伴。飲品有蘋果汁、維他命水、懷舊樽裝汽水、檸檬茶、蜜桃紅茶、類和不同口味咖啡。我就要熱柑橘蜂蜜綠茶，暖笠笠，滋潤甜美。
****************************

朱古力噴泉

甜品區

甜品區

甜品區

雪糕

最後當然是甜品，選擇都不少，有芝麻糊、雲尼拿泡芙、桂花榚、明月冰卷、香蕉冰卷、瑞士卷蛋糕、香芒布甸、美式芝士餅、木糠布甸、啫喱、紅豆芝麻球、蘋果金寶、新鮮水果盤、朱古力噴泉、即製雜果班戟和梳乎厘等等，當然不少得雪糕。

即製鮮果班戟配雪糕，配埋一齊食好滋味

先來一份即製鮮果班戟，再自行配雪糕。由大廚在客人面前即製，自選饀料，有什果、杏仁粉、提子乾、忌廉、朱古力針等，淋上朱古力汁，已挺豐富，而我要再豐富一點，伴一些鮮果和我最愛的Movenpick咖啡味雪糕，係咪好正呢？班戟薄身柔軟，好有蛋香，夾着香甜的饀料同吃，口感和味道都吸引，而蜜瓜和菠蘿都好甜美多汁，還有香濃的咖啡味Movenpick雪糕，配埋一齊食好滋味。

即製梳乎厘鬆軟，味道甜美

最後，再要埋即製梳乎厘，一人一個，滿足! 即製即食，熱辣辣，好噴噴，口感鬆軟，滿有蛋奶香，味道甜美，真的不錯!

------------------------------
今晚的確好盡興，3小時內吃得盡興亦談得盡興，好滿足! 好有力量!

 

店名：德福閣

地址：旺角豉油街118號仕德福酒店閣樓