成日都想吃: 6月 2023

2023年6月27日星期二

放題賀生辰

朋友生日，他指定要食日本菜，還一定要近他放工的荃灣區。好吧! 見是他的生日，否則我也不太想千里迢迢由將軍澳走入荃灣。一提到日本菜，我就想起放題，因為有超多選擇，總有多樣適合他。

餐店地方好大

四人卡座好闊落

餐店地方好大，座位好多，設有多張四人卡座、多排長沙發座的二至四人枱等等，可容納不少客人，廊位亦闊落，客人出入自助區都好方便。

有大拖羅、加拿大海膽和鵝肝，高質之選!

D餐極緻放題共有110品

晚巿放題有A-D餐，每個餐所包的菜式不同，當然收費也不同。既然是生日飯，當然食豪一點，選了D餐極緻放題，公眾假期前夕自選2.5小時成人收費 ($598+10%)。極緻放題共有110品，重點是有大拖羅、加拿大海膽和鵝肝，高質之選!

********************************

幾個飲品凍櫃，選擇超多

熱茶和紙包熱飲

梅酒甜度中等，很易入口

開飯前先準備飲品，有幾個飲品凍櫃，選擇超多，凍飲有啤酒、汽水、果汁和清涼茶等等，還有熱飲，包括多款茶、熱水和紙包熱飲。但我通通都沒有取，為何? 以日式的酒瓶盛載，配埋日式小酒杯，很有feel，喜歡!選了冰涼的梅酒，梅味都算突出，甜度中等，很易入口，好合我口味。

********************************

自助區

豉椒鰻魚嫩滑肥美，鹹香惹味

先去自助區，有熱食、凍食、湯、炸物、沙律等。我取了豉椒鰻魚、沙嗲雞粒、蔬菜、中華沙律、海蜇等。豉椒鰻魚最吸引我，嫩滑肥美，鹹香惹味，當然再encore。

********************************

D餐極緻放題菜單相當長

逐一睇都需要一些時間

各款刺身都好高質

大拖羅和中拖羅必定再Encore

D餐極緻放題菜單相當長，逐一睇都需要一些時間。先點刺身，有大拖羅、中拖羅、大赤蝦、希靈魚和加拿大海膽，好滿足。大拖羅和中拖羅色澤粉紅，好新鮮高質，極之柔軟油潤，吃致滿口油香，正! 大大隻的赤蝦好鮮甜，微爽黏滑；希靈魚就啖啖爽脆，鮮甜美味。還有加拿大海膽，甘香鮮美，油潤豐膄，黏滿整個口腔，跟清爽的青瓜同吃，好夾。

********************************

各款經燒的壽司都油香滿舖

明太子大拖羅和黑松露中拖羅當然更吸引

好快又上壽司，揀了火炙三文魚芝士、鹽燒左口魚、火炙牛肉壽司、火炙醬燒廣島蠔、明太子大拖羅和黑松露中拖羅。各款經燒的壽司都油香滿舖，肉質油潤柔軟。最喜歡是鹽燒左口魚，甘香油潤，好正! 火炙牛肉壽司也好味，半生熟狀，好嫩滑，又有牛香。明太子大拖羅和黑松露中拖羅當然更吸引，肥美油潤，啖啖魚油香，好正!

********************************

四款都是encore之選

到點燒物、炸物和一品料理，點咗好多款，有芝士焗蟹蓋、鹽燒牛舌、燒羊鞍、燒新鮮菠蘿、蒲燒鰻魚、西京比目魚、焗扇貝、黑松露炒雜菇、鮑汁花膠盛宴、蟹棒天婦羅和溫室南瓜天婦羅。鹽燒牛舌挺爽口，燒至帶些焦香，加入鹽和黑胡椒調味，鹹香帶辣，味道不錯! 羊架肉厚，燒得焦香，肉嫩味濃，要encore；芝士焗蟹蓋和焗扇貝味道鹹香惹味，用料豐富，又是encore之選。燒新鮮菠蘿微暖，香甜多汁，相當新鮮。

兩款魚都好有魚油香

蒲燒鰻魚腍嫩肥美，沾滿甜甜地的鰻魚汁，不錯! 西京比目魚好有魚油香，亦好嫩滑，好味得很。

黑松露炒雜菇好爽口；鮑汁花膠盛宴絕不欺場

黑松露炒雜菇好爽口，滿有黑松露香，好味! 鮑汁花膠盛宴絕不欺場，大大件的花膠好黏滑入味，還有隻爽滑的花菇，正!

兩款天婦羅香脆可口

兩款天婦羅香脆可口，一點也不油淋淋。蟹棒天婦羅嫩口；溫室南瓜粉綿甜美，蘸些天婦羅汁更美味。

********************************

movenpick焦糖布丁和Haagen Dazs朱古力馬卡龍作為完美的總結

九成飽都要食甜品，選擇都唔少。雪糕冰櫃放滿雪糕杯、甜筒、冰條和雪糕糯米糍，各有不同口味添!而甜品凍櫃就有小蛋糕、慕絲、奶凍、泡芙等。我倆要咗兩杯雪糕就滿足。兩款品牌的雪糕都好好味，有movenpick焦糖布丁口味和Haagen Dazs朱古力馬卡龍口味，也香甜香滑，作為完美的總結，好滿足。

-------------------------------------------------

今晚揀了最貴那款放題賀生辰，雖然真是幾豪，但壽星仔當然非常滿意，而我也吃到高質的食物，那就別計吧! 人生最緊要對自己好。

店名：滿屋日本料理

地址：荃灣眾安街55號大鴻輝(荃灣)中心10樓

2023年6月25日星期日

暢談好地方

好友去完台灣話俾手信，當然馬上出去。她揀了一間靚咖啡室，喺觀塘海濱公園附近，一見到嗰海就好舒服。

門面有啲古典味

歐陸式設計，感覺很舒適

餐廳門面有啲古典味，高貴典雅得來又唔俗氣。裡面歐陸式設計，有古典吊扇和不同款式的吊燈。地方唔算很大，但樓底幾高，感覺很舒適。

飲品menu

食品menu

星期日早上只有a la carta，有MG All Day Breakfast、Salad、Sandwich和Handmade Cakes。飲品就有Coffee、MG Signature、Hot Drink、Iced Drink、Cocktail、Liquor。

Slow Cook Chicken & Avocado Sourdough Toast好健康有益

慢煮雞肉好嫩口

我地點咗一份Slow Cook Chicken & Avocado Sourdough Toast ($98)，相當大份。外皮香脆，包身軟熟的Sourdough上放咗清新的青瓜、蕃茄、沙律菜，還有香滑的牛油果和一片片嫩口的慢煮雞肉，配埋酸咪咪的千島醬，大啖大啖食，好滋味!

Egg Benedict好豐富，好美味！

蛋黃液不斷湧出

另一份係Egg Benedict ($118)，都係一樣咁豐富。鹹香嫩口的巴馬火腿同清新的沙律一齊食，味道就岩岩好，配搭一流! 一切開兩隻脹卜卜的水煮蛋，鮮黃色的蛋黃液不斷湧出，馬上用塊香脆的多士接住，塊多士充滿蛋香，好美味！

Basque Burnt (Orange)Cheesecake with Movenpick唔單止賣相靚，味道都好正

芝士蛋糕非常香滑，仲有橙香味

女仔一定食甜品，仲要兩個女仔喎! Basque Burnt (Orange)Cheesecake with Movenpick ($68)擺得好有心思，靚! 芝士蛋糕非常香滑，仲有橙香味，食落無咁膩，仲配有冰凍香滑的雲尼拿Movenpick雪糕、甜美的焦糖脆脆和餅碎，真係唔單止賣相靚，味道都好正。

Rose Latte拉花好靚，好清楚

Mint Latte好合我口味!

朋友要了杯Rose Latte ($42+$6) ，我就要杯Mint Latte ($42+$6)，兩杯拉花都咁靚，好清楚。我杯入口微暖順滑，奶香中有咖啡香，亦有啲薄荷味，味道唔會太搶，好合我口味!

-----------------------

店名： MG Cafe

地址：觀塘海濱道133號萬兆豐中心2號舖

上火車吃半自助餐

以火車為主題

一入門就見到火車頭

內裏還有火車卡座，坐得舒服

全架火車爆滿

酒店裝潢很特別，以火車為主題，一入門就見到火車頭，內裏還有火車卡座，坐得舒服。星期五晚全架火車爆滿，幸好一早用了某個app 訂座，不同時段不同折扣，我當然揀了最優惠時段。

半自助晚餐有六款主菜

烤草飼羊架配迷迭香濃汁

肉味香濃，能嚐到微微的羊羶

半自助晚餐SEMI-BUFFET DINNER有六款主菜，選了烤草飼羊架配迷迭香濃汁 Grilled Grass Fed Lamb Chop with Rosemary Reduction（$288）共有四小件，配上一些色西蘭花、車厘茄和一大球薯蓉。指定羊架七成熟，外表弄至有少少焦色，稍稍聞到焦香。肉味香濃，能嚐到微微的羊羶，更顯羊肉風味。吃時蘸上些芥末及薄荷醬，是最佳的拍檔，配搭美味。
***************************