Tea一tea

朋友好想支持一下這間社企cafe，所以今日一返完教會就帶我來tea一tea，邊食邊傾。

這間是社企cafe

簡約舒適

座位唔多，但好好坐

感覺好悠閒寫意

呢間cafe 環境都唔錯，簡約舒適，有對住街景的一張長單人吧枱和一張二人圓枱，座位唔多，但好好坐，感覺好悠閒寫意，好岩傾計。 

下午茶時段蛋糕加飲品$55

各款食品

各款飲品

不少選擇

下午茶時段蛋糕加飲品$55起，好抵！亦可叫其他食品再以優惠價配飲品。蛋糕外，仲有包點、三文治、鹹批、墨西哥卷等。飲品亦有咖啡、茶、朱古力、果汁等。 

牛肉批都幾巨型

全是牛肉碎，好有份量

單叫咗嗰牛肉批，都幾巨型。批皮厚度適中，裏面有好多饀，全是酸咪咪的牛肉碎，好有份量。

奧利奧芝士蛋糕配大杯自家製檸檬鮮薑蜂蜜

奧利奧芝士蛋糕好香滑

自家製檸檬鮮薑蜂蜜真材實料

朋友點了奧利奧芝士蛋糕配大杯自家製檸檬鮮薑蜂蜜。奧利奧芝士蛋糕好香滑，混入香甜的Oreo 餅，餅底就鬆脆，整體幾好味。朋友話自家製檸檬鮮薑蜂蜜真材實料，入口熱辣辣，酸酸甜甜，仲有不少薑碎，微微辛辣，味道岩岩好。

摩卡蛋糕配大杯抹茶燕麥奶

摩卡蛋糕濃濃朱古力香

抹茶燕麥奶有抹茶的甘香

我就叫咗摩卡蛋糕配大杯抹茶燕麥奶。摩卡蛋糕共有六層，忌廉和蛋糕相間，蛋糕硬在，濃濃朱古力香，味道唔會太甜。抹茶燕麥奶暖笠笠，入口都幾香滑，有抹茶的甘香，都有燕麥奶的香甜，甜度適中，岩我口味。