泰好味

今日同男朋友去巴黎倫敦紐約米蘭戲院（貪佢夠平）睇閃電俠，開場前先醫肚，去咗雅都商場Food court 搵食。

雅都商場Food court 座位多，坐得自在

今日就揀咗食泰菜

原來都幾多食店揀，中日韓泰美都有，座位又多，坐得自在。男朋友今日就揀咗食泰菜。

選擇唔少

選擇唔少

選擇唔少

呢間泰菜選擇唔少，有湯麵、小食、冬陰功、串燒、燒物、甜品、飲品、飯餐、二人餐，同埋派對美食。

兩人揀了這些菜式

泰式冬陰功湯河轉金邊粉熱辣辣又火辣辣

金邊粉好滑身

最吸引都係隻大蝦，啲肉彈牙

蝦頭有甘香的蝦膏

泰式冬陰功湯河轉金邊粉 （$68）大大碗，份量好足。熱辣辣又火辣辣，湯底好香濃，酸酸辣辣，又有椰香，好味。金邊粉好滑身，仲有啲爽口的芽菜和菇菌。最吸引都係隻大蝦，啲肉彈牙，蝦頭就有甘香的蝦膏，滋味！

泰式辣炒牛肉飯風味十足！

牛肉又嫩又入味

精選飯餐 C係泰式辣炒牛肉飯（$50）大大碟，不止飯多，連牛肉都好多，好抵食！炒得好夠鑊氣，牛肉又嫩又入味，辣辣地，泰式風味十足！

半打沙嗲串燒好嫩，整得入味

泰式炸魚餅有獨特的香草香料味

仲叫咗兩款小食。半打沙嗲串燒（$50）豬牛雞各兩串，三款肉都好嫩，有啲焦香，仲整得入味，點埋啲沙嗲醬，香辣惹味，更正！另一款係泰式炸魚餅（$22/4件），彈牙鹹鮮，仲有些獨特的香草香料味，再點啲泰式雞醬，更好味！

泰式荔枝冰味道甜美

特飲泰式荔枝冰（$8/跟餐減$10）好冰凍，一解火辣。荔枝味好出，仲有三大粒荔枝，味道甜美。

店名：泰‧雅

地址：屯門鄉事會路112-140號雅都商場1樓S66號舖