試新嘢

辛苦了一星期，我同男朋友都唔想煮，多數會Happy Friday! 唔想諗咁多，今晚食車仔麵，聽落好簡單，但其實都食得好滿足啦!

門面光鮮

坐位都唔少

地方幾寬敞

門面光鮮，大型落地玻璃窗可清楚睇到店內的環境。裏面地方幾寬敞，坐位都唔少。牆上就掛了菜式的簡介。

餐牌

有兩款已定麵、自選餸麵、飯類、小食類和飲品。 

四餸麵：餸和麵都好足

菠菜麵加$2

牛孖根黏滑

我要四餸菠菜麵($49+$2)，餸和麵都好足，有厚肉嫩滑嘅蠔油冬菇、黏滑嘅牛孖根、爽脆嘅日式豬軟骨和鮮香的魚腐配上腩汁，味道少少鹹香。

四餸拼油麵大大碗

滷水豬大腸腍嫩乾淨

男朋友都係要四餸，但拼油麵 （$53）， 大大碗，份量十足。揀了爽口入味的咖喱豬皮、腍嫩乾淨的滷水豬大腸（+$2）、香濃的柱侯牛腩 （+$2）和腍滑的五香牛肚 ，配上秘製沙嗲汁，味道香濃惹味。

紅油餃子越食越火辣

好飽滿，皮薄饀靚

仲點咗三款小食。紅油餃子($30/跟餐) 一碟有六大隻，隻隻都好飽滿，皮薄饀靚，鮮肉和韭菜的比例差唔多，充滿韭菜香，淋滿紅油辣椒，越食越火辣，好過癮！ 

滷水豬三寶有菜有肉，好！

滷水豬三寶 ($38)有半肥瘦嘅嫩腩肉、爽脆豬耳和嫩滑肥美雞翼，三款都入味，味道鹹香，有埋娃娃菜墊底，有菜有肉，好！ 

骨湯灼菜心新鮮爽嫩

骨湯灼菜心（$20/跟餐） 粗壯翠綠，新鮮爽嫩，好清新，唔錯！

 

店名：黃金車仔麵

地址：將軍澳貿業路8號新都城中心3期地下G21號舖