窩芙迷必食

未到聖誕，未到聖誕，未到聖誕就可以同啲朋友食聖誕餐啦！今日朋友推介去咗一間主打窩芙嘅餐廳，正！

有聖誕佈置，好有氣氛

地方闊落

座位唔少

掛滿食品圖畫極吸引我

全店已有聖誕的佈置，好有氣氛。有兩個用膳區，地方闊落，座位唔少。仲有牆上掛滿食品圖畫，極吸引我。

意大利粉、薄餅、燉飯、小食

食物有六個系列，包括意大利粉、薄餅、燉飯、小食、雪糕窩芙和窩芙。

炸芝士拼盤共有兩款

拉絲芝士條芝士迷一定鍾意

點了一份香口小食，炸芝士拼盤（$58）共有兩款，長形係拉絲芝士條；三角形係軟心芝士，外脆內軟，滿滿芝士香，芝士迷一定鍾意。

日式明太子紫菜大蝦意粉鹹鮮美味

沾滿明太子忌廉醬

大蝦彈牙鮮味

我地揀咗一份日式明太子紫菜大蝦意粉 （$138），全碟沾滿明太子忌廉醬，鹹鮮美味。多隻大蝦彈牙鮮味，好吃！ 

奶油牛肉印度咖哩風味薄餅 (8"寸)口味特別！

舖滿辣辣地嘅碎牛肉醬

奶油牛肉印度咖哩風味薄餅 (8"寸)（$118）口味特別！餅底脆脆地，面頭舖滿辣辣地嘅碎牛肉醬，加埋鹹香嘅芝士，好惹味！

主打窩芙唔可以唔食啦！

藍莓提子伯爵茶糯米窩夫配朱古力雪糕賣相一流！

加埋伯爵茶醬，啖啖濃濃嘅茶香

口感相當獨特，外微脆內黏糯

主打窩芙唔可以唔食啦！揀咗藍莓提子伯爵茶糯米窩夫配朱古力雪糕 （$92），賣相一流！伯爵茶糯米窩口感相當獨特，外微脆內黏糯，好好食！它本身有伯爵茶嘅幽香，再加埋伯爵茶醬，啖啖濃濃嘅茶香，好得！連香甜嘅朱古力雪糕和水果同食，滿足晒！ 

熱焙茶鮮奶又 靚又好飲

熱焙茶鮮奶($44）嘅畫花好精美，係好應節嘅聖誕公公，靚！充滿焙茶甘香，味道濃郁，但不苦澀，好飲！

 

店名：Cobber Noodle and Waffle

地址：觀塘興業街16-18號美興工業大廈A座1樓A4室