新口味

新都城一連三大個商場，食肆雲集，可以話差唔多想食乜都有，有時真係攪到我有選擇困難……今晚就由朋友決定，他揀了這間拉麵店。 

開放式的門口，環境光猛

整齊企理，座位唔少

有吧枱座

開放式的門口，環境光猛，整齊企理。分有幾個用膳區，座位大部分都係二至四人枱，亦有吧枱座，座位唔少。 

鮮果飲品

日式丼飯、小食

主打拉麵

主打拉麵

餐牌設計得好吸睛，主打拉麵，亦有日式丼飯、小食、追加配菜和飲品，仲有期間限定的拉麵和鮮果飲品，各具特色。我地點咗一碗拉麵、一碗丼飯和小食。

期間限定拉麵

黑松露拉麵啖啖黑松露香

叉燒有焦香又有黑松露香

拉麵味道香濃

黑松露拉麵（$108）係期間限定拉麵之一，趁機必食。一上枱就聞到黑松露的香氣，吸引! 麵料有兩大塊叉燒、原隻溏心蛋、紫菜、爽口的木耳和蔥花。曲幼身拉麵口感適中，掛上濃厚的湯汁和黑松露，味道香濃，啖啖黑松露味。火炙過的叉燒甘香油潤，既有焦香又有黑松露香，好吃! 

蒲燒鰻魚丼味道香濃

鰻魚肥美

蒲燒鰻魚丼($68)大大碗，仲配咗啲清爽的椰菜。肥美的鰻魚燒得金黃，沾滿甜甜地的鰻魚醬汁，烹調入味，味道香濃，跟米飯同吃就最岩。 

椰菜青綠清爽

追加椰菜（$12）一客，青綠清爽，少油少鹽，健康之選。

芝士魚條拼魚餅熱辣辣

魚餅夾芝士配起來好好味 

芝士魚條拼魚餅 ($48)即點即製，外表金黃，內裏熱到出煙。咬落去幾彈牙，中間加了鹹香軟滑的芝士，兩者配起來好好味。

店名：鳴虎

地址：將軍澳貿業路8號新都城中心3期1樓161-162,169及171-174號舖