轉出新玩意

為了吸引食客，宜家啲食店都會攪攪新意思，不單止齋食咁簡單，仲會俾食客邊食邊體會，今晚就同男朋友體驗自己燒自己食，就係食串燒。

體驗自己燒自己食

闊落四人座

多張四至六人枱

枱上設備齊全

餐店設有闊落的四人座、兩行四人卡座，走入啲仲多張四至六人枱。枱上設備齊全，有餐具、一個長形的燒爐、放串燒針的桶子和三款調味料。 

2小時放題，有三個時段

晚餐2小時放題，有三個時段，不同時段收費不同。我地揀了最優惠時段，7點半前離座成人$198+10%，除了有自助串燒外，還有自助熟食、飲品和甜品。

放滿飲品

烏龍茶消滯解膩

近門有兩座雪櫃，放滿不同種類的紙包飲品和罐裝飲品，另一邊還有熱飲，選擇唔少。我倆都要了盒烏龍茶，消滯解膩，邊飲邊吃串燒最適合。

熱盤熟食

熱盤熟食

熱盤熟食

熱盤熟食

冷盤熟食

冷盤熟食

自助區一邊係一串串的燒烤串，另一邊係冷盤熟食，包括有涼拌青瓜、涼拌茄子、四季豆、燻蛋、辣蓮藕片、酥皮盒、中華沙律、泰式鳳爪、和風八爪魚、辣味螺肉、日式沙律杯、DIY沙律、水果、甜品等等。而另一旁還有自助熱盤熟食，包括炸餃子、炸魷魚圈、炸雞粒、蒜蓉焗蠔、蔬菜、炒飯、湯、炒蜆等。

熟食有幾款要再encore

拎咗三大碟熟食，最喜歡係香辣爽口的蓮藕片；鹹香爽嫩的四季豆都好食；酥皮盒味道都唔錯；燻蛋就必定要再encore。

自助串燒食品有好多款選擇

係時候食串燒，自助串燒食品有好多款選擇，包括牛舌粒、牛柳粒、牛肋條、五花腩、蜜汁叉燒、雞翼、多春魚、泰式雞肉、煙鴨胸、多款腸和丸、午餐肉、鮮蝦、蟶子、帶子、大蜆、粟米、車厘茄、翠肉瓜、冬菇、秋葵、燒賣、菠蘿、綿花糖等等………好豐富。

轉轉轉，轉幾轉

轉轉轉，轉幾轉

 轉轉轉，轉幾轉

 轉轉轉，轉幾轉

燒到咁上下就掃上蜜糖

多春魚外脆肉嫩

蜜汁叉燒又肥美又腍嫩；牛柳粒味道香濃

粟米爽嫩兼有汁

轉轉轉，轉幾轉，轉了牛柳粒、牛肋條、蜜汁叉燒、多春魚、鮮蝦、蟶子、帶子、粟米、車厘茄、菠蘿等。燒到咁上下就掃上蜜糖，待變金黃和出肉汁就差唔多。各款肉都醃得好入味，最鍾意係蜜汁叉燒，甜甜地，又肥美又腍嫩；牛柳粒和雞肉味道香濃，肉質都幾嫩；多春魚外脆肉嫩；帶子大大隻又厚肉；粟米和車厘茄就燒得岩岩好，爽嫩兼有汁，以上食物全部都再encore。

雪糕選擇

甜品凍櫃

朱古力好香濃，仲有內饀

最後當然是甜品時間，甜品有雪糕、雪條、雪米糍、幾款蛋糕、朱古力、啫喱、迷你馬卡龍、水果、棉糖等。我地食咗雪糕、雪米糍、朱古力蛋糕、芒果蛋糕、迷你馬卡龍、朱古力和燒菠蘿。迷你馬卡龍啲骰可愛又甜；朱古力好香濃，仲有內饀；燒菠蘿暖暖地，勁甜美多汁，好好味，encore了多次。

店名：巴巴串

地址：觀塘開源道62號駱駝漆大廈1座5樓C號舖