隱世美食

宜家啲街巿唔止買餸咁簡單，仲可搵到好多隱世美食。今日同男朋友去開友愛邨時發現友愛街巿內一間粥店，經濟實惠兼好味，令我地都食得好滋味。

感覺和諧舒服

開方式的設計

開方式的設計，地方唔算大，有幾張長枱和四張長枱。全店以淺綠色為主，感覺和諧舒服。

選擇不少

選擇不少

選擇不少

選擇不少

每枱都有齊多款醬料、調味料、用具和餐牌，都幾齊備。餐牌共三份，分別有傳統即熱粥、瓜菜肉類粥、健康粥、粉麵餐、三文治餐、招牌生滾粥、即蒸布拉腸粉、小食和飲品，選擇不少。

南瓜魚腩粥超大碗，用料十足

綿滑甜美

魚腩鮮味嫩滑

我點一碗南瓜魚腩粥 ($40)，超大碗，用料十足。粥底綿滑，加咗大量南瓜煲成，變成南瓜蓉跟粥混合，啖啖都有南瓜的甜美，好味！魚腩共有四至五件，肉質鮮味嫩滑，魚皮滑嘟嘟，好新鮮，正！仲加了不少薑絲，食落一啲腥味都無。

四餸湯飯揀咗魚頭、魚鮫、滑雞和魚腩

魚鮫係最滑的部份

魚頭鮮甜滑溜

雞件嫩滑

男朋友要四餸湯飯（$51+8），在二十多款餸料中揀咗魚頭、魚鮫、滑雞和魚腩，每款餸都有兩至四件，再配碗大白飯，份量十足，抵！湯底是紅青蘿蔔，註明自家煲，好清甜，少油少鹽，家的感覺。魚頭都幾大個，鮮甜滑溜；魚鮫是最滑的部份；而魚腩就啖啖肉，加埋嫩滑的雞件，大滿足！

叉燒腸捲着肥美的叉燒絲

滑嘟嘟

鮮蝦腸外皮薄身一啲就更好

仲叫咗兩款即蒸布拉腸粉，鮮蝦腸和叉燒腸 （$20）外表令爉爉，滑嘟嘟。每卷捲着兩隻爽彈的鮮蝦或不少肥美的叉燒絲，簡單淋啲豉油已不錯，若果外皮薄身一啲就更好。

郊外油菜翠綠爽嫩

郊外油菜（$20）揀咗菜心，每條都係芯，翠綠爽嫩，好新鮮，同樣少油少鹽，健康有益。

熱菜蜜和熱檸蜜甜美滋潤

熱菜蜜（+$7/跟湯飯）和熱檸蜜（+$7/跟粥）暖笠笠，甜美滋潤，加咗檸檬就酸酸甜甜，有助消化。

 

店名：粥如意

地址：屯門屯門鄉事會路2A號 H.A.N.D.S地下友愛街市25-26號舖