用心製作

同朋友由調景嶺出發，行到康城就完成了約1.8公里的將藍大穚，的確幾舒服。平時好少去康城，難得嚟到，就食返嗰tea先走。

開放式的設計，好多空間

好多空間，感覺寬敞

見到即製的Crepe 好吸引

朋友見到呢間即製的Crepe 好吸引，就想試下。座位不多，但開放式的設計，好多空間，感覺寬敞，坐得舒適自在。

主打可麗餅

下單處有齊大餐牌，主打可麗餅，分鹹味和甜味兩大類，另外還有一款巴黎熱狗、冷熱飲品。我地緊係最想試可麗餅。 

期間限定

鹹甜各一，每人分半

即叫即整

開心果、合桃和蜂巢可麗餅配香草雪糕非常靚

味道甜美，滿有果仁香

鹹甜各一，每人分半，兩份都即叫即整，正！甜味就要咗一份期間限定的開心果、合桃和蜂巢可麗餅配香草雪糕（$119），金黃的可麗餅上灑滿果仁碎，非常靚。薄餅皮厚度適中，味道甜美，仲有啲檸檬酸，好夾！暖暖地的可麗餅加埋可口的果仁、冰凍的雪糕和滋潤甜美的蜂巢，太好味！

又睇住即製

秘製瑞士芝士汁配黑松露帶子加鮮嫩菠菜啖啖都好豐富

饀料爆到邊位都見到

秘製瑞士芝士汁配黑松露帶子加鮮嫩菠菜（$125+$25）大大件，脹卜卜，面頭仲加咗沙律菜、唔少黑松露醬和芝士絲。饀料爆到邊位都見到，好足料。柔軟的餅皮夾着鮮嫩的帶子，仲有爽口的蘑菇和幼嫩的菠菜，啖啖都好豐富！雖然只是一件，但原來吃完全部都好飽肚。 

抹茶燕麥奶咖啡幾甘苦，用來配甜味可麗餅就最岩

岩鹽焦糖鮮奶咖啡甜度剛好

我仲要了杯抹茶燕麥奶咖啡（$50+$4），好濃的抹茶味，咖啡都好香濃，都幾甘苦，用來配甜味可麗餅就最岩。朋友就要杯岩鹽焦糖鮮奶咖啡（$48），佢話甜度剛好，同樣有咖啡香，好飲！

 店名：Café Crêpe

地址：將軍澳康城路1號The LOHAS3樓B02號舖