定食好抵食

本來男朋友放假打算同我去撐枱腳，點知，他確診了…….噢！唯有食自己，就揀自己最鍾意的日本菜來消除不快的心情。

餐廳簡約企理

 

樓底高，有空間感

地方唔大

餐廳簡約企理，有長櫈配二至四人枱、 “L”形的壽司吧枱和數張二至四人枱。地方唔大，好彩樓底高，有空間感。 

單點菜式好多選擇

單點菜式好多選擇

單點菜式好多選擇

單點菜式好多選擇

單點菜式好多選擇

單點菜式好多選擇

晚巿定食好多選擇

有晚巿定食、二人餐、單點菜式和飲品。單點菜式分有刺身、壽司、軍艦、五點盛合、卷物、丼物、前菜、沙律、串燒、燒物、炸物、一品料理、鍋物、麵類、御飯等，好多選擇。 

油甘魚泡菜鍋轉烏冬晚巿定食好豐富抵食

雜沙律菜清爽；麵豉湯味道剛好

要咗份油甘魚泡菜鍋轉烏冬晚巿定食（$90+$15）。雜沙律菜清爽，拌入酸咪咪的醋汁；麵豉湯暖笠笠，味道剛好，內有香滑的豆腐和爽滑的昆布，不錯!

啖啖鮮嫩，好滑溜

油甘魚都有好多肉

烏冬又滑又Q彈

油甘魚泡菜鍋熱辣辣，加埋泡菜的香辣，暖身醒胃，岩晒這天氣。鍋料三大件油甘魚外，仲配有嫩滑的豆腐、爽口的冬菇和金菇、清爽的大蒜和蔬菜、晶瑩剔透的水晶粉，真係足料飽肚。油甘魚都有好多肉，啖啖鮮嫩，好滑溜，又有魚油香，好正！烏冬（+$15）又滑又Q彈，仲多咗啲爽口的昆布、粟米粒和日式魚片，不錯！將烏冬放入泡菜鍋一齊食，更好味！

鹽燒吞拿魚下顎即叫即燒，熱辣辣！

燒得焦香，香脆可口

滿載甘香的魚油

見到牆板今日有鹽燒吞拿魚下顎（$128）就忍唔住要一客。即叫即燒，熱辣辣！嘩！估唔到一個咁大，呢條吞拿魚一定好有份量。表面燒得焦香，魚皮香脆可口，魚肉滿載甘香的魚油，鮮嫩肥美，點啲蘿蔔蓉酸汁，中和油潤感，更佳的食法。

椰汁糕幾有椰香味

定食所配的甜品係椰汁糕（$0/跟定食）。口感彈滑，都幾有椰香味。

 

店名：德美壽司

地點：將軍澳貿業路8號新都城中心1期地下99-100號舖