貝果貝果我愛你

一向是貝果迷，試過自己整，但仍未成功整到我自己喜歡的口感，所以會去唔到的麵包店去尋找它的踪影，最近仲加入咗香港Bagel貝果關注組，發現大家介紹呢間麵包店，攪到我都忍唔住要去一趟。

小店整齊企理

整齊企理

看着這個專屬貝果的梯級櫃令我興奮

小店整齊企理，除了有一般的麵包櫃外，仲有一個專屬貝果的梯級櫃，放滿唔同口味的貝果，足足有18款，見到就令我興奮。

伯爵茶芒果乳酪表面亮麗，脹卜卜，好靚仔！

有大量的忌廉芝士和芒果肉

貝果有鹹亦有甜，揀了兩個都是甜，都是茶味添! 兩個表面都好亮麗，脹卜卜，好靚仔！翻焗後，口感外脆內柔韌，好有嚼勁，好實在，正！伯爵茶芒果乳酪($32)內饀豐富，有大量的忌廉芝士和芒果肉，啖啖芒果的香甜，同味道獨特的伯爵茶好夾。

玄米茶鳳梨乳酪酸酸甜甜，好吃

內饀適中，沒有蓋咗玄米茶的甘香

對茶情有獨鍾的我，再嚟一個玄米茶鳳梨乳酪($32)。內饀適中，唔會太多而蓋咗玄米茶的甘香，跟香滑的忌廉芝士和鳳梨蓉同吃，酸酸甜甜，好吃!

大麵包櫃都好吸引，選擇唔少

可可麻糬球脹卜卜，好飽滿

內饀令可可包的朱古力味更香濃

除咗貝果外，另一邊兩個大麵包櫃都好吸引，選擇唔少。心大心細下，再揀了一個可可麻糬球($18)，size大過我拳頭，仲脹卜卜，好飽滿。軟熟的可可包內饀有軟滑黏糯的麻糬外，還有濃濃的朱古力醬，令整個可可包的朱古力味更香濃，滿足!

 

店名：玖拾烘焙 

地址：新蒲崗景福街63號地舖