好多選擇

今日當完值就約老公去灣仔食飯，飯後緊係要有甜品，行過見到有間大排長隊嘅甜品店，當然要湊熱鬧。

大排長隊嘅甜品店

在呢條街道上特別起眼

光猛企理，整整齊齊，座位很多

白色牆身，在呢條街道上特別起眼，感覺亦簡約舒適。裏面光猛企理，整整齊齊，座位很多。

各甜品都附有相片

選擇多

餐紙清晰吸引，各甜品都附有相片，分別有牛角窩夫、熱辣辣糖水、燉品、特別推介、豆腐花、西米露、椰果冰、仙草凍，選擇多。 

綠茶杏仁豆腐花

綠茶杏仁豆腐花口感豐富，整體唔太甜

好滑好滑！

綠茶杏仁豆腐花（$42）好滑好滑！食到豆腐花有啖啖杏仁香；綠茶啫喱Q彈，亦有淡淡嘅茶甘味，加埋脆卜卜嘅爆珠，口感豐富，整體唔太甜，喜歡！

杞子圓肉雪蓮子燉桃膠

杞子圓肉雪蓮子燉桃膠燉得好夠火喉！

用料十足，滋潤甜美

杞子圓肉雪蓮子燉桃膠（$45）熱辣辣，燉得好夠火喉！有清甜嘅杞子和圓肉；爽滑嘅桃膠；黏滑嘅雪蓮子，用料十足，滋潤甜美，女士恩物。

 

店名：聰。C Dessert

地址：灣仔莊士敦道35-45號利文樓地下1D號舖

喜出望外

今日當完值就約老公去灣仔食飯，問佢食乜？唔駛諗，一見到間冰室就走入去，男人的浪漫….既然你問得佢，緊係順佢意，但估唔到間餐室令我喜出望外。 

令我喜出望外的餐室

環境光猛，乾淨企理

環境光猛，簡約平實，乾淨企理。地方唔少，有多排闊寬嘅卡座，坐得舒適。 

晚餐精選

晚餐精選

選擇勁多，有晚餐精選、晚巿小菜、燒味、湯飯、粉麵、中/西式飯、輕食、二至四人套餐、飲味等。

眉豆節瓜豬骨湯完全無味精，好有家的味道

落足料，煲得好夠火喉

二人套餐配送油菜一碟、白飯、例湯或熱飲（$198）係我地最佳選擇。在A和B項各選一，我揀咗清蒸石斑，老公就揀川辣口水雞。例湯係眉豆節瓜豬骨湯（$0），落足料，煲得好夠火喉，熱辣辣。味道鮮香，唔會太鹹，完全無味精，好有家的味道，見老公喝得津津有味就知自己無做好老婆本份，無乜湯水給他….

油菜新鮮爽嫩，完全無渣

油菜（$0）仲可揀菜心或生菜，貼心！菜心翠綠粗壯，新鮮爽嫩，完全無渣，配些蠔油添鹹香。 

川辣口水雞醬料應是秘製

黃油雞皮爽肉嫩

仲有雞脾食，開心！

川辣口水雞嘅醬料跟平時食唔同，唔止辣醬油咁簡單，好似仲有啲豆豉，可能係秘製的。估唔到份量咁足，仲有雞脾食，開心！黃油雞皮爽肉嫩，配埋醬料食，鹹辣惹味，但無辣到火辣，用來佐白飯一流，正！

清蒸原條石斑大大條，喜出望外

好新鮮

嫩滑鮮美，好新鮮

啖啖肉，蒸得剛好

嘩！估唔到係餐室都食到清蒸原條石斑，仲有大大條，喜出望外。好厚肉，啖啖肉，蒸得剛好，嫩滑鮮美，好新鮮，我連頭尾都清埋，得！

 

店名：凱旋餐室 (灣仔)

地址：灣仔莊士敦道194-204號灣仔商業中心地舖

足料餃子

約了同事食飯，但佢因濕疹發作，所以要戒口，主要可食豬肉，所以今晚揀了一間以豬肉為饀的餃子店，她必能開懷地揀選。

一間主打餃子的店子

很開揚，坐得舒適

環境光猛，地方整齊企理

環境光猛，地方整齊企理。有兩排單邊位和兩張四人枱，座位不多，但很開揚，坐得舒適。

餐簿好靚，資料詳盡

相片吸引得令我流晒口水

餃子款式多

餃子外的選擇

飲品和特製品

餐簿好靚，資料詳盡，相片吸引得令我流晒口水。主打係餃子，款式多，仲有灼、煎和湯三種製法，另外仲有外賣生餃子、手工雲吞、麵食、前菜小食、湯、飲品和特製品。

 

龍鳳松茸雙湯餃配狀元九鼎湯有白松露和黑松露各四隻

脹卜卜，好飽滿，睇到內饀

黑松露餃就更香，正！

有松露香，亦有鮮肉香

同事唔係第一次食，但就未食過招牌嘅龍鳳松茸雙湯餃配狀元九鼎湯  ($92/8隻)，它係白松露和黑松露各四隻。嘩！脹卜卜，好飽滿，外皮厚薄適中，睇到內饀。肉饀啖啖肉，一啲都唔肥，兩種味都好好味，既有松露香，亦有鮮肉香，而黑松露餃就更香，正！

九鼎湯甘香美味

九鼎湯  好鮮香，味道濃郁，啖啖魚鮮味，甘香美味。

香煎軟心芝士餃子隻隻金黃，好靚仔

香脆可口

皮薄饀靚

香煎軟心芝士餃子 ($58/7隻)隻隻金黃，好靚仔，香脆可口。內饀有豬肉、爽甜嘅粟米和鹹香嘅芝士，皮薄饀靚，再點啲菜脯辣椒醬，香辣惹味，滋味!

上湯松茸時蔬翠綠爽嫩

上湯松茸時蔬($35)翠綠爽嫩，配了爽口的松茸和甜美嘅杞子，矜貴美味！

龍鳳蛋配黑白松露醬亮麗黏滑

添了松露香更好味

龍鳳蛋配黑白松露醬($18/1隻)蛋黃亮麗黏滑，整得入味，再自行配上黑白松露醬，添了松露香更好味。

熱自家製山楂雪梨水酸酸甜甜，開胃消滯

熱自家製山楂雪梨水 ($20/杯及$28/支）真材實料，酸酸甜甜，開胃消滯。

 

店名：餃掂手工餃子雲吞專門店

地址：將軍澳貿業路8號新都城中心2期2樓2037號舖

重慶風味

中秋節早收工，當然要出街食飯應下節。我同老公今晚揀咗一間川菜新店，唔知會唔會好火辣？

揀咗一間川菜新店

店子光鮮企理

兩排梳化座，坐得幾舒服

並非全部火辣辣，放心！放心！

重慶名小吃

店子光鮮企理，有兩排梳化座，坐得幾舒服。菜式有招牌風味、非遺大包、重慶名小吃、重慶麵或米線或米飯套餐、涼菜和特飲，當中並非全部火辣辣，放心！放心！

九園非遺醬肉包包身好軟熟

口感豐富，味道濃郁

非遺大包有三款，兩鹹一甜，揀咗九園非遺醬肉包（$9），熱辣辣，一撇開就勁香。包身好軟熟，內餡有加了馬蹄嘅鮮肉，爽口鮮味，口感豐富，味道濃郁，風味十足。

爽口芥末蛤蜊配搭很有特色

蛤蜊好爽口

爽口芥末蛤蜊($38)這個配搭很有特色，是第一次食。蛤蜊好爽口，拌入剛好嘅芥末量，辣得來又唔會嗆喉，又香又好吃！

碗豆雜醬麵配應季蔬菜、滷蛋口感佳，味道美味

麵條又滑身又有嚼勁

碗豆雜醬麵配應季蔬菜、滷蛋 ($42+$3) 麵條又滑身又有嚼勁，煮得剛好，跟鹹香嘅肉醬和粉綿嘅碗豆拌勻同吃，口感佳，味道美味！應季蔬菜是翠綠爽口嘅西蘭花和弄得入味嘅滷蛋，也不錯！

紅燒牛肉飯香辣惹味

牛肉啖啖肉，腍嫩入味

紅燒牛肉飯（$58）香辣惹味，牛肉啖啖肉，腍嫩入味，還配了粉綿嘅薯仔。用汁來佐白飯，再加些香辣嘅炸菜，更美味！

冰粉味道甜美，口感豐富

冰粉滑溜

店子趁中秋節佳每枱送上冰粉一碗（$0），真令人甜在心。冰粉滑溜，加了提子乾、山楂餅粒、花生碎等，味道甜美，口感豐富。

 

店名：九園重慶小吃

地址：將軍澳寶琳景路9號新都城中心二期地下UG051G號舖