又靚又好味

 難得同老公一齊放假，當然要搵節目，決定去冬日美食展，雖然滿載而歸，但就食唔飽，因爲無乜好野食，反而乾貨吸引啲。 

飲啡食cake兼打咭

好有聖誕feel

出到港島，好自然搵啲靚靚cafe，飲啡食cake兼打咭係我最鍾意，見店子門口好有聖誕feel，吸引了我。 

環境優雅舒適，是放鬆嘅好地方

選擇都幾多

選擇都幾多

咖啡店以純白色為主調，位置唔少，環境優雅舒適，是放鬆嘅好地方。選擇都幾多，有常餐、意粉、飯類、麵包、甜品、飲品和特飲等。

又靚又好味

香煎帶子明太子扁意粉有一件明太子，大滿足！

扁意粉沾滿鹹香嘅明太子醬

帶子鮮嫩柔軟

香煎帶子明太子扁意粉（$148）熱辣辣！扁意粉口感不錯，加入不少爽口嘅雜菌，亦沾滿鹹香嘅明太子醬，唔止呀⋯⋯還有一件明太子，可再拌入意粉中，大滿足！兩隻肉厚肥大嘅帶子經輕煎，鮮嫩柔軟，好吃！ 

香煎雞胸溏心蛋牛油果沙律配和風柚子汁賣相好吸引

拌入和風柚子汁，酸咪咪好醒胃

香煎雞胸溏心蛋牛油果沙律配和風柚子汁（$128）色彩豐富，賣相好吸引！沙律菜新鮮清爽，仲有多汁嘅車厘茄、爽脆嘅櫻桃蘿蔔，拌入和風柚子汁，酸咪咪好醒胃。牛油果香滑；溏心蛋整得剛好，很黏滑；雞胸有咬口，各配搭美味。 

動物派對盲盒朱古力咖啡拿鐵好可愛呀！

小熊要潛水啦

動物派對盲盒朱古力咖啡拿鐵 （$68）真係打卡一流。小熊浮游在咖啡中，好可愛呀！咖啡味香濃，朱古力甘苦，味道平均，加埋，小熊棉花糖就很甜美。

熱焙茶鮮奶味道濃郁

熱焙茶鮮奶（$55）拉花圖案很美，很清晰。口感幼滑，充滿焙茶甘香，味道濃郁，但唔苦，喜歡！

Latter 原味巴斯克芝士蛋糕芝士味濃郁

口感濕潤細滑

Latter 原味巴斯克芝士蛋糕（$48）芝士味十分濃郁，口感濕潤細滑，加埋香甜嘅忌廉更好味！

 

店名：Latter Cafe

地址：灣仔謝斐道151-153號金聲大廈地下E號舖

 

特色製作

 今晚同同事食聖誕飯，佢知我鍾意食魚，所以帶咗我去觀塘工廈食鱔，仲要係特色製作，正！ 

特色製作

座位整齊，環境企理

有數款飯類，配搭不同口味

店子簡約舒適，座位整齊，環境企理。有數款飯類，另加錢可追加小食和飲品。鱔有蒸、灼和炸選擇，配搭不同口味，如蜜餞、韓式、日本芥末醬、豉汁等。

蜜餞炸鮮鱔球飯配糖心蛋半隻轉蕎麥麵非常味美！

拌勻隻香滑溏心蛋就更得

炸鮮鱔球香脆不油膩

外層甜甜地，內爽嫩鮮美

朋友點蜜餞炸鮮鱔球飯配糖心蛋半隻轉蕎麥麵（$86+$10），冷蕎麥麵口感佳，蘸些泠麵汁，再拌勻隻香滑溏心蛋就更得！炸鮮鱔球炸得黃金靚仔，香脆不油膩，外層甜甜地，內爽嫩鮮美，非常味美！

大盛花椒醬油汁鮮白鱔片飯轉麻醬花椒皮蛋伴烏冬份量十足

鱔片蒸得剛好

辣辣地，好惹味！

麻醬花椒皮蛋伴烏冬越食越火辣

烏冬彈牙，每條都沾滿花椒麻醬

我要大盛花椒醬油汁鮮白鱔片飯轉麻醬花椒皮蛋伴烏冬（$68+$30+$23），份量十足，大滿足！鱔片薄身爽嫩，蒸得剛好。味道鮮味，配了花椒醬油汁，辣辣地，好惹味！麻醬花椒皮蛋伴烏冬相當大碗，皮蛋黏滑甘香；烏冬彈牙，每條都沾滿花椒麻醬，有些芝麻香，亦麻麻辣辣，仲越食越火辣，好過癮！ 

白灼秋葵秘製蔥油汁鹹香美味

小食係白灼秋葵秘製蔥油汁($24)翠緣爽嫩，配上蔥油汁，鹹香美味。

 

店名：鮮活之味

觀塘開源道60號駱駝漆大廈第三座11樓G室

放肆夜

仲有唔夠一個月就聖誕，是時候約朋友開始食聖誕飯，今日大家約咗去食放題，因為大家都有一段時間沒有放肆地食。

食放題放肆夜

地方非常闊落

卡位好寬敞，坐得好舒適

集中在中間，夠方便

餐店環境光猛，地方非常闊落，有多行卡位和長梳化座，所有卡位都好寬敞，坐得好舒適。自助區和飲品區都集中在中間，夠方便。

任飲任食2小時

不同時段收費

我地揀咗晚巿放題特價時段，係由5:30pm-7:30pm，成人($268+10%/位)可任飲任食2小時，時間充足。

雪櫃超大

超多選擇

百香果茶酸酸甜甜；美祿咖啡少甜甘苦

飲品

雪櫃超大，有不同牌子的茶、泡茶、汽水、果汁、紙包飲品、自家製食品、清酒和梅酒等，還有熱飲、熱茶、熱咖啡、朱古力等，超多選擇。

百香果茶：酸酸甜甜，好開胃；

美祿咖啡：少甜甘苦，提神一流。

 

自助區食品

自助區食品

冷盤中華沙律、柚子白蘿蔔：爽口入味

豉汁蒸鱔、酸菜魚：又滑又肥美

點心好足料，得!

自助區食品

冷盤小食有生果、味付螺肉、麻辣雞腎、沙律菜、熟青口、凍熟蝦、中華沙律等；熱食有酸菜魚、豉汁蒸鱔、炸丸子、紫米椰汁糖水、草蟲花雞湯等等。

中華沙律、柚子白蘿蔔：爽口入味，好味!

豉汁蒸鱔：又滑又肥美，仲好入味；

酸菜魚：好味，魚肉滑溜，酸酸辣辣，兩款都要再encore次；

點心：蝦餃好足料，大大隻鮮爽蝦仁；燒賣好有鮮肉香，得!

 

QRcode 落單啦!

QRcode 落單啦!

QRcode 落單啦! 按類別點了以下食品：

刺身四款

刺身

赤蝦：大大隻，好鮮甜，微爽黏滑；

帶子：柔軟鮮甜；

油甘魚：爽口，滿有魚油香；

希靈魚：啖啖爽脆，鮮甜美味。

 

火炙壽司各有特色

火炙壽司

芝士鰻魚玉子燒：配搭好吸引，口感味道都好豐富；

火炙三文魚腩、醬燒火炙左口裙邊：經燒後，油香滿舖，肉質油潤柔軟；

燒鹽醬和牛肩胛：甘香油潤，半生熟狀，好嫩滑，又有牛香。

海膽手卷和海膽吞拿魚蓉油甘魚腩壽司：必食! 

壽司、手卷

海膽手卷和海膽吞拿魚蓉油甘魚腩壽司：必食! 海膽色澤鮮橙亮麗，入口稍稍甘甜，油潤豐膄。

川燒珍寶鮮蠔燒大大隻，鹹香惹味

西京燒比目魚油潤嫩滑

北海道黃金醬燒扇貝熱辣辣，香噴噴

法式香草燒羊架羊肉味香濃，肉嫩油潤

蒲燒鰻魚腍嫩肥厚

燒新鮮菠蘿超香甜多汁

燒物

川燒珍寶鮮蠔燒： 大大隻，味道鹹香惹味，必食再點推介。

西京燒比目魚：魚油香十足，油潤嫩滑，必食!

北海道黃金醬燒扇貝：熱辣辣，香噴噴，芝士焗至金黃，配咗黃金醬味道鹹香，同肥美扇貝同吃，正!

法式香草燒羊架：燒得焦香，啖啖肉汁，羊肉味香濃，肉嫩油潤，推介!

蒲燒鰻魚：腍嫩肥厚，沾滿鰻魚汁，甜甜地，不錯!

燒新鮮菠蘿：微暖，超香甜多汁，相當新鮮。

生拆蟹肉竹笙蝦滑扒豆苗要再來多碟

一品料理

生拆蟹肉竹笙蝦滑扒豆苗：熱辣辣，豆苗翠綠爽嫩，仲有蟹香；竹笙釀了鮮味彈牙的蝦滑，好好食，要再來多碟。

甜品選擇唔少

甜品選擇唔少

軟雪糕、雪糕批甜美香滑

甜品

選擇唔少，有雪糕杯、甜筒、冰條、小蛋糕、馬卡龍、布丁、啫喱、豆腐花等。

軟雪糕：蜜瓜味突出，甜美香滑；

雪糕批：韓國品牌，甜美雪糕加咗脆薄朱古力，喜歡!

 

店名：極尚大瀛喜日本料理 

地址：觀塘觀塘道414號1亞太中心5樓