想去台灣

今晚約咗老公去奧運戲院睇「爸爸」，放工下車站是大角咀，就在附近食完先。其實好耐無嚟過，有咩好吃？ 

「Eat Up」

店子雖小，但整齊企理

睇來很受歡迎

見到間「Eat Up」小店，都幾多人，睇來很受歡迎。店子雖小，但整齊企理，燈光柔和。

 

QR code 落單

QR code 落單

QR code 落單，有主菜、小食、蛋餅、甜品、期間限定、手工鮮奶麻糬、飲品等。 

紅燒牛肋肉麵餐

味道香濃

闊麵煙煙韌韌，口感不俗

老公要咗杯紅燒牛肋肉麵（$78），大大碗，份量好足。有多件牛肉外，還有嫩口無渣嘅紅蘿蔔和清爽翠綠嘅小棠菜。闊麵煙煙韌韌，口感不俗，喜歡舀一大羹湯，放上麵條同吃，味道香濃，唔會過鹹，好味！

牛肋條啖啖肉，牛味香濃

牛肋條啖啖肉，牛味香濃，帶啲肥膏，煙韌油潤，亦弄得很入味，正！ 

熱自家製蜂蜜薏米水微甜滋潤

加錢配杯熱自家製蜂蜜薏米水（$15），微甜滋潤，薏米腍身，喜歡！ 

魯肉乾拌麵配煎蛋餐賣相一流！

沾上蛋香和鹹香

我點嘅魯肉乾拌麵配煎蛋（$56）賣相一流！先將麵條跟魯肉和蛋拌勻，沾上蛋香和鹹香，看來簡單但很美味。雞蛋煎至脆邊，正！魯肉啖啖肥肉，好有豬油香，用來拌麵最佳。 

熱黑糖薑母茶是冬日之選

另加配杯熱黑糖薑母茶($15)，熱辣辣，啖啖薑的辛辣味，有些辣喉，而甜度亦剛好，飲完全身暖笠笠，絕對是冬日之選。 

起司肉鬆蛋餅相當靚仔，非常吸引！

加了生菜配搭更佳，喜歡！

我和老公都好鍾意食蛋餅，揀咗份起司肉鬆蛋餅（$38），脹卜卜，好多饀，外表金黃，相當靚仔，非常吸引！外皮有咬口，吃到蛋香，中間爆滿芝士、肉鬆和清爽嘅生菜，捲埋一齊食，鹹香滋味，加了生菜配搭更佳，喜歡！