快快樂樂又一餐

不知大家係唔係無乜節目，我所上的麵包堂日日full，好耐都報唔到上堂，嗚嗚嗚….經一番努力後，我和朋友今日終於一齊報到整麵包堂啦! 大家覺得整得靚唔靚?

大家覺得整得靚唔靚?

雖然整了麵包，但當然唔會用它來做晚餐。6:00pm後仍然禁堂食，所以我倆就在附近買外賣回家開心share，今晚就揀了食粉麵。

門面都幾搶眼

超抵!

小店用燈色的門框，仲有燈光招牌，都幾搶眼。而最吸引我們是「撐港人：外賣自取粉麵加$1一碟是日靚菜」，超抵! 岩晒我倆無菜不歡的人。 

地方不算大

整齊企理

地方不算大，座位分左右兩邊，約有十枱，整齊企理。牆身鑲上菜式的相片，枱上亦放齊用具和調味料，挺齊備。 

主打粉麵

亦有其他選擇

亦有其他選擇

兩人好夠食

細看外賣菜單，主打粉麵，亦有幾款飯類、淨食類、飲品類，還有一些火鍋配料。我們今晚就點了一碗雙拼麵、一碗淨食、兩款蔬菜和一杯飲品，都好夠食。

**************

牛筋金黃片頭雙拼麵份量挺足

粗麵不會太腍身，亦有咬口

牛筋金黃片頭雙拼麵 ($33+$7)份量挺足。我地揀了粗麵，雖然湯和麵沒有分開盛載，但並沒有索晒湯，亦不會太腍身，亦有咬口，煮得剛好，帶有腩汁湯底的鹹香，不錯!

牛筋腍滑中帶爽

金黃片頭相當彈牙

約有五大件牛筋，每件均夾雜少許肥膏，腍滑中帶爽，富有膠質，味道幾香；兩大件金黃片頭外表微微金黃，相當彈牙，又有魚香，口感和味道都討我喜歡，推介!

**************

淨上湯鮮蝦韭菜餃有五大隻

脹卜卜，皮薄饀靚

蝦、肉、韮菜配搭起來挺滋味

淨上湯鮮蝦韭菜餃($29)有五大隻，隻隻都脹卜卜，皮薄饀靚，落足料。大量香味十足的韭菜混入鮮肉碎和彈牙的蝦仁，集合蝦的鮮味、肉鮮和韮菜香， 三者配搭起來挺滋味!

**************

芥蘭保持爽口

白蘿蔔腍嫩無渣

在四款是日靚菜中揀了芥蘭和白蘿蔔，兩款都不錯。芥蘭(優惠價$1)雖焗致不太翠綠，但仍保持爽口，蘸上一些鹹鮮的蠔油，好吃! 白蘿蔔(優惠價$1)就更討我倆喜歡，件件厚切，腍嫩無渣，多汁清甜，是我個人推介。

**************

紫菜湯味道不錯

有大量爽滑的紫菜

友人要了碗紫菜湯($18)，內有大量爽滑的紫菜。紫菜味十足，仲有些蒜香，味道不錯，但略為鹹了少少。

熱檸茶茶底香濃

而我就要了杯熱檸茶($0/跟餐)，茶底香濃，加埋三大片檸檬，有助消滯解膩。

---------------------

其實已經一段時間沒有外出用膳，連跟同朋友一起吃飯都沒有，實在太苦悶……今晚可跟朋友邊吃邊談，雖不是大魚大肉，但快快樂樂又一餐，滿足!

店名：樂園魚蛋粉

地址：尖沙咀金馬倫道21號地下C號舖