成日都想吃: 7月 2022

2022年7月31日星期日

新發現

原來開了美食坊

己有一段時間無出尖沙咀，今日在這區做完Facial後就四處搵食，竟然發現新嘢，原來開了美食坊。

環境都唔錯

環境都唔錯，內有幾間不同菜式的食店，但座位就唔算多，又因今日係星期日，我怕多人，還是外賣回家慢慢食較好。

近門的食店，夠方便

選擇都唔少

揀了近門的食店，貪佢夠方便，同埋有我喜歡的燉湯，正! 選擇都唔少，除有幾款燉湯外，還有盅頭飯、飯餐、點心、手工餃和不同套餐。我就要了一份海之味套餐，再加一籠鮮蝦餃和一客燉湯。

海之味套餐份量好足

黃立倉配豉汁，味道一流

黃立倉肉質鮮嫩
菜心翠綠嫩口
海之味套餐($62)包有原條豉汁蒸黃立倉、白灼時菜和白飯，份量好足。黃立倉都算幾大條，仲幾厚肉。蒸得岩岩好，肉質鮮嫩，加埋啲豉汁，味道一流，用來撈飯更正。時菜係菜心，條條都翠綠嫩口，少油少鹽，連所配備的豉油都唔駛用，夠晒健康。

鮮蝦餃皮薄饀靚

一籠兩件的鮮蝦餃($16)大大粒，晶瑩剔透，皮薄饀靚，大大隻鮮蝦，爽口彈牙，推介!

五款燉湯

椰子燉雞湯味道鮮香，燉得夠晒火喉

香嫩的雞肉

輪到我最愛的燉湯，用一個特別的外賣碗載住，返到屋企仲係熱，好! 在五款燉湯中揀了有滋潤清熱、滋陰養顔功效的椰子燉雞湯($68)。味道鮮香，湯中有幾件香嫩的雞肉和爽口的椰子，滿有椰子的香味，啖啖滋潤順口，燉得夠晒火喉，正!

店名：凱之味

地址：尖沙咀加連威老道46-48號地下2號舖

2022年7月27日星期三

健康兼飽肚

以堅果沖調飲品的店子

五支存放着不同堅果的膠柱，很具代表性

睇落款款都好吸引

今日行過city' super見到一間以堅果沖調飲品的店子，牆上鑲了五支存放着不同堅果的膠柱，很具代表性。開放式的店舖，沒有坐或企位，只供外賣，舖位雖小，但整齊企理，仲貼了不少飲品相片，睇落款款都好吸引。

有多款堅果奶

蘋果脆脆楓糖堅果奶蓋茶

以蘋果茶做底

甜美的蘋果乾好好味

堅果奶蓋濃濃的果仁香中有啲鹹

拌勻後，原來都好夾

在多款堅果奶中，我揀了一杯蘋果脆脆楓糖堅果奶蓋茶 ($40)，去冰微糖，甜度正合我心意。原來係以蘋果茶做底，茶味和蘋果味兼備，好香。茶頂除了有堅果奶蓋之外，仲有甜美的蘋果乾，好好食! 堅果奶蓋豐厚綿密，口感香滑，濃濃的果仁香中有啲鹹，仲有楓糖的香甜，一羹一羹大啖食，好滋味! 飲了一半就將果仁奶蓋跟茶拌勻，入口變滑，而蘋果茶配上果仁奶原來都好夾，喜歡！

其實仲有好多好多口味，下次再來一杯吧!

店名：NUTTEA

地址：銅鑼灣勿地臣街1號時代廣場B1樓city’super 221號舖

2022年7月21日星期四

香脆可口

今日去開灣仔睇中醫，行過這間餅店，聞到陣陣牛油香已經令我垂涎，忍不住入去看看。

開放式的門口，寬敞闊落

凍熱各要一個

店子以綠白色為主，簡約舒適。開放式的門口，感覺寬敞闊落。而眼前就見到兩個餅櫃，凍熱各一，那就凍熱各要一個，嘩! 個包裝盒都好靚。

*********************************

排滿一個個金黃的批和酥

日本甘薯批波浪紋，特別！

香脆可口，滿滿牛油香

熱櫃排滿了一個個金黃的批和酥，有幾種口味，個個都好靚仔。店員話主打青森蘋果批，但我就反而睇中波浪紋的日本甘薯批（$38），特別！回到家焗一焗熱，熱辣辣，牛油香四溢。咬一口，酥碎四散，香脆可口，滿滿牛油香，中間捲着甜甜地綿滑的甘薯蓉，好吃！

*********************************

凍櫃有件裝和個裝蛋糕

包裝盒都好靚

榛子摩卡蛋糕啖啖摩卡香，亦嚐到榛子味

吃完都不覺甜膩

揀了熱櫃一件，當然要揀一件凍櫃。內有幾款件裝蛋糕和個裝蛋糕，我選了一件榛子摩卡蛋糕（$30），size 細細，岩晒一次不能吃得太多的我，哈！賣相挺不錯，忌廉和蛋糕相間，共有六層，頂層忌廉灑滿可可粉。忌廉挺甜滑，而糕身質感都算鬆軟，啖啖摩卡香，亦嚐到榛子味，不算太濃，甜度又適中，吃完都不覺甜膩，好吃!

----------------------------------

批，果然是這店的招牌，啖啖香脆可口，令人回味，必吃!

店名：Cocolo Tokyo Cake Factory

地址：灣仔皇后大道東200號利東街地庫1樓B36號舖