出走前

今年一次過飛了三年想飛的次數，臨假期結束之前都仲要飛多轉四日三夜。因為飛了幾轉，今轉要省錢，揀了坐廉航。

紅通通的霸嗎拉麵店特別搶眼

無飛機餐就要上機前食飽啲，紅通通的霸嗎拉麵店特別搶眼，一於揀佢。 

機場座位都唔少

四款拉麵選擇

機場座位都唔少，都幾闊落。有四款拉麵選擇，一碗拉麵附送枝豆及汽水或純水，加一定夠頂肚，岩晒上機前作為午餐。 

雞叉燒味玉雞白湯拉麵大大碗，好滿足!

湯底濃郁，啖啖雞香

麵條口感適中

雞叉燒腍嫩入味，好吃!

我揀咗一碗雞叉燒味玉雞白湯拉麵（$125），有兩塊雞叉燒、一隻味玉、一些青香的蔥花和爽脆的木耳，大大碗，好滿足!。湯底濃郁，啖啖雞香，很美味! 麵條幼身，口感適中。連皮的雞叉燒腍嫩，帶少少油脂，甘香油潤，仲好入味，好吃!

味玉流心狀極佳

仲有隻味玉，流心狀極佳，好黏滑，又有蛋香，一流！

炙燒豚肉味玉拉麵追加份雞叉燒好豐富！

湯底濃厚兼富膠質

豚肉甘香油潤

朋友要咗碗炙燒豚肉味玉拉麵（$125）再追加份雞叉燒（$20），好豐富！有塊大豚肉、味玉，不少筍和葱花。湯底濃厚兼富膠質，充滿香濃的豚肉味，正！豚肉相當厚身，肥膏瘦肉雙間，經輕燒帶些焦香，又更甘香油潤。雞叉燒同樣嫩口美味，有質素保証！

枝豆煮至半腍，仍存咬口

枝豆份量都唔少，好青綠，啖啖豆香，煮至半腍，仍存咬口。仲有兩支大純水，岩晒上機飲，因為廉航連水都無提供呀！

食完咁大碗拉麵，真係好飽肚，全程5個鐘機都唔洗食嘢，真係出走前好選擇！

 

店名：霸嗎拉麵

地址：赤鱲角暢達路1號香港國際機場機場一號客運大樓 (禁區)東大堂7樓7E162號舖